រាជធានីភ្នំពេញ ៖ បុរសម្នាក់បានបើករថយន្ត Camary មួយគ្រឿង ពាក់ស្លាកលេខភ្នំពេញ 1AB-1990 បុកម៉ូតូនៅម្ដុំហ្សង់អារីស្សេ ខណ្ឌចំការមន បណ្តាលឲ្យម្ចាស់ម៉ូតូរងរបួស មិនព្រមឈប់ដោះស្រាយទេ បែជាព្យាយាមបើករត់ និងបន្តបុកគេនៅមុខផ្សារដេប៉ូទៀត ទេីបបេីករត់រហូតមកដល់ផ្លូវ១៥៦ ជិតអធិការដ្ឋាននគរបាលខណ្ឌទួលគោក សង្កាត់បឹងសាឡាង ខណ្ឌទួលគោក ក៏បន្តបុករះម៉ូតូនិងរថយន្តផ្សេងទៀត បណ្តាលម្ចាស់ម៉ូតូរងរបួសដូចគ្នា ចំណែកឯរថយន្តបង្កត្រូវបានប្រជាពលរដ្ឋវាយស្ទើរខ្ទេច តែសំណាងល្អអ្នកបើករថយន្តបង្កបានរត់ចូលក្នុងហាងខារាអូខេយីហោ "ខារ៉ាអូខ អាយដល idol" ដែលនៅក្បែរនោះទាន់ពេល។
ហេតុការណ៍បើកបុកនេះបានកើតឡើងនាម៉ោង១០៖១០នាទីយប់ ថ្ងៃទី១៩ ខែឧសភា ឆ្នាំ២០១៧នេះ!
ក្រោយកើតហេតុអ្នកបើករថយន្តបង្កត្រូវបានសមត្ថកិច្ចជម្លៀសចេញពីហាងខារាអូខេរួចនាំខ្លួនទៅកាន់អធិការដ្ឋាននគរបាលខណ្ឌទួលគោកដើម្បីចាត់ការតាមផ្លូវច្បាប់។
ប្រភពពី : ABC FB