[ពិភពចែករំលែក-World Share]វីដេអូដែលមានការឈ្លោះប្រកែកគ្នាព្រោះមានបុរសម្នាក់បានលួចថតវីដេអូ តារាកំប្លែង ម៉ាដូណា និងគ្នីគ្នា ប៉ុន្មាននាក់ទៀតដែលកំពុងហូបចុកលើទឹកជ្រោះ ហើយក៏បានពង្រាយសម្រាមពាសវាលពាសកាលចូលទៅទឹកជ្រោះដែលកំពុងតែហូរផងដែរ។ វីដេអូនេះត្រូវបានបណ្ដាអ្នកនិយមលេងអ៊ីនធឺណិតចែកចាយគ្នា និងមានការរិះគន់ ជេរប្រទិច ម៉ាដូណា យ៉ាងខ្លាំងដល់ថ្នាក់លោក មិនហ៊ានសូម្បីតែដើរចេញពីផ្ទះ ដែលគេបានចោទលោក ថាជាតារាម្នាក់ដែលមានគំរូមិនល្អ។
មុននេះបន្តិចលោក ម៉ាដូណា បានបង្ហោះវីដេអូព្រមទាំងធ្វើការបកស្រាយអំពីបញ្ហា ដែលពុកម៉ែ បងប្អូនបានយល់ច្រលំ ថានេះ គ្រាន់តែជាការសម្ដែងប៉ុណ្ណោះទេ ដោយវីដេអូនេះលោក បានរួមគ្នាធ្វើឡើង ដើម្បីប្រជាជនយើងងាកមកមានការចាប់អារម្មណ៍ចំពោះបរិស្ថាន និងចេះថែរក្សាបរិស្ថាននៅជុំវិញខ្លួនរបស់យើង។ ដោយលោក ម៉ាដូណា បានបង្ហោះសារថា ”នេះជាការបកស្រាយរបស់ខ្ញុំ ប្រសិនពុកម៉ែបងប្អូនពេញចិត្តសូមជួយលើកទឹកចិត្តដោយការ like នឹង shares អោយបានច្រើនដូចវីដេអូដំបូងផងដែរ ដោយក្តីគោរពពីខ្ញុំ”៕
សូមមើលវីដេអូខាងក្រោម៖
បើយោងតាមគណនីយហ្វេសប៊ុករបស់លោក គឹម សួ បានអះអាងថា«សង្ឃឹម ថាពុកម៉ែបងប្អូនក្រោយពីបានទស្សនាវីដេអូមួយនេះហើយ ពុកម៉ែបងប្អូននឹងយល់ អំពីអត្ថន័យ នូវអ្វីដែលពួកយើងកំពុងតែបង្ហាញ។ លោក គឹម សួ ដែលល្បីខាងបង្កើតវីដូឃ្លីបអប់រំសង្គម ជាងជាការងារតារាសម្តែងភាពយន្ត លោក ក៏ពោលថា សូមស្ងើចសរសើរហើយ ហើយក៏សូមអរគុណ ចំពោះការលះបង់របស់ ម៉ា ដូណា កញ្ញា ម៉ា នីកា និងលោក លាង ឧត្តម្ភ ទ្រី ណុប ភ័ណ សុខរ៉ា ។ ជាមួយគ្នានោះ លោក គឹម សួ ក៏បានបញ្ជាក់នៅក្នុងសារដដែលនោះថា «ការលះបង់របស់អ្នកទាំងអស់គ្នាពិតជាមានតម្លៃខ្លាំងណាស់ ដឹងទេថា ការលះបង់របស់អ្នកទាំងអស់គ្នាអាចធ្វើឲ្យប្រជាជនយើងងាកមកមានការចាប់អារម្មណ៍ចំពោះបរិស្ថានយ៉ាងខ្លាំង។ខ្ញុំពិតជាមានមោទនភាពណាស់ដែលបានស្គាល់អ្នកទាំងអស់គ្នា»។
និងខាងក្រោមនេះជាវីដេអូ៤ឃ្លីបដែលជាកំណាត់នៃចំនុចអាក្រក់ដើម្បីឲ្យមានការរិះគន់ជាមុន
គួរយល់ថា រមនីយដ្ឋានធម្មជាតិដ៏ស្រស់ត្រកាលរបស់ខ្មែរ ដែលជាកេរដំណែលរបស់បុព្វបុរសយើង ជាទីឋានលំហែកាយ លំហែអារម្មណ៍ ដ៏គួរឲ្យជាប់ចិត្ត។ យើងអាចគយគន់មើលទេសភាពព្រៃព្រឹក្សា បព្វតា អូរ ជ្រោះ ប្រាសាទនានា គួរជាទីរីរាយ ធ្វើឲ្យបាត់ភាពតានតឹង ឬកង្វល់ផ្សេងៗផង។ តែផ្ទុយទៅវិញ បើទីដែលស្រស់ស្អាតនោះបែរជាមានសំរាម កខ្វក់ ក្លិនស្អុយ ឆ្អេះឆ្អាប គរជាគំនរ ឬ អណ្ដែតត្រៀបត្រា លើផ្ទៃទឹកនោះ វានឹងប្រែក្លាយទីនោះទៅជាកន្លែងដែលគួរឲ្យខ្ពើមរអើម លែងជាទីរីករាយនៃជនផងទាំងឡាយទៀតហើយ។ នោះក៏ដោយសារតែជនមួយចំនួនតូចដែលពុំមានរបៀបរៀបរយ ខ្វះសុជីវធម៌ និងខ្វះអនាម័យ មិនបានយល់ដឹងពីបរិស្ថាន និងសម្បត្តិសាធារណៈ ទៅលេងហើយ ចេះស្រឡាញ់ ចេះសរសើរថាស្អាតដែរ តែមិនចេះថែរក្សាភាពស្អាតនោះ បែរជាបង្កឲ្យមានភាពហ្មងសៅទៅវិញ៕
