ក្ដៅៗ! រថយន្តកុងទីន័របើកបុកកិនម៉ូតូមួយគ្រឿង បណ្ដាលឲ្យយុវជនម្នាក់ត្រូវកិនចំពាក់កណ្ដាលខ្លួន ធ្លាយពោះវៀនស្លាប់ នៅផ្លូវជាតិលេខ៧

ខេត្តកំពង់ចាម ៖ រថយន្តកុងទីន័រមួយគ្រឿង ពាក់ស្លាកលេខកំពង់ចាម 3A-3572 បេីកបុកម៉ូតូ Dream-2010 ស្លាកលេខកំពង់ចាម 1E-0555 បណ្ដាលឲ្យបុរសម្នាក់ជាម្ចាស់ម៉ូតូត្រូវរថយន្តកុងទីន័រកិនចំពាក់កណ្ដាលខ្លួនស្លាប់នៅជាប់ក្រោមរថយន្តយ៉ាងអាណោចអាធ័ម ។​ ហេតុការណ៍គ្រោះថ្នាក់ចរាចរណ៍ដ៏រន្ធត់មួយនេះបានកើតឡើងនៅវេលាម៉ោង០៩៖៥០នាទីយប់ ថ្ងៃទី១៧ ខែឧសភា​ ឆ្នាំ២០១៧នេះ​ នៅផ្លូវចេញពីផ្សារសួងទៅកំពង់ចាមប្រហែល១គីឡូម៉ែត្រ តាមបណ្ដោយផ្លូវជាតិលេខ៧​ ក្រុងសួង ខេត្តកំពង់ចាម។

បេីតាមសមត្ថកិច្ចប្រាប់ឲ្យABCដឹងថា បុរសដែលត្រូវរថយន្តកិនស្លាប់នោះ មានអាយុប្រហែល ៣០ឆ្នាំ នឹងមិនទាន់ស្គាល់អត្តសញ្ញាណ​ នៅឡេីយទេ។
ក្រោយពេលកើតហេតុ សាកសពជនរងគ្រោះត្រូវបានសមត្ថកិច្ចកំពុងស្វែងរកសាចញាតិ និងទាក់ទងមកវិទ្យុABC ជួយប្រកាសរកសាច់ញាតិផង ដើម្បីយកទៅធ្វើបុណ្យតាមប្រពៃណី​ ។
ដោយឡែករថយន្តកុងទីន័រនិងម៉ូតូត្រូវបានសមត្ថកិច្ចជំនាញចុះមកធ្វើការវាស់វែង និងយកទៅរក្សាទុកនៅចរាចរណ៍ជើងគោកខេត្ត ដើម្បីរង់ចាំដោះស្រាយទៅតាមនីតិវិធីច្បាប់៕ ដោយ៖AhBoYz ABC




ប្រភពពី ៖ ABC FB