នៅថ្ងៃទី១៣-១៤-១៥ ខែឧសភា ឆ្នាំ២០១៧នេះ គឺជាថ្ងៃដ៏នក្ខត្ដឫក្សដែលប្រជាជាតិកម្ពុជាទូទាំងប្រទេស ចូលរួមអបអរសាទរ ព្រះរាជពិធីបុណ្យចម្រើនព្រះជន្មព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត គម្រប់ ៦៤ យាងចូល ៦៥ ព្រះវស្សា ។
នៅវេលាម៉ោង០៦ល្ងាច ថ្ងៃទី១៤ ខែឧសភា ឆ្នាំ២០១៧នេះ ក្រុមការងារវិទ្យុABC បានធ្វេីការជួបជុំគ្នាជាមួយប្រិយមិត្តABC ក៏ដូចជាប្រជាពលរដ្ឋជាច្រេីន នៅបរិវេណសួនច្បារខាងមុខព្រះបរមរាជវាំង ដើម្បីអុជទាន ថ្វាយពន្លឺភ្លេីងថ្វាយព្រះពរ ព្រះករុណា ព្រះបាទ សម្ដេចព្រះបរមនាថ នរោត្តម សីហមុនី ក្នុងឱកាសព្រះរាជពិធីបុណ្យចម្រើនព្រះជន្ម ៦៤ ឈានចូល៦៥ព្រះវស្សា។
នៅថ្ងៃទី១៣-១៤-១៥ ខែឧសភា ឆ្នាំ២០១៧នេះ គឺជាថ្ងៃដ៏នក្ខត្ដឫក្សដែលប្រជាជាតិកម្ពុជាទូទាំងប្រទេសដេីម្បីចូលរួមអបអរសាទរ ក្នុងព្រះរាជពិធីចម្រើន ព្រះជន្ម ព្រះករុណាព្រះបាទនរោត្ដមសីហមុនី ព្រះមហាក្សត្រនៃកម្ពុជា ទូលព្រះបង្គំ សេង ប៊ុនវេង (អាចា្យ អេ) អគ្គនាយកស្ថានីយ៍វិទ្យុABC កម្ពុជា ១០៧.៥ FM (ប្រត្តិកម្មបន្ទាន់) និងភរិយា ព្រមទាំងនាយកគ្រប់គ្រងសាលាបង្រៀនបេីកបរ ២៣តុលា និងបុគ្គលិកក្រុមការងារគ្រប់ផ្នែកទាំងអស់នៃស្ថានីយ៍វិទ្យុABC សូមព្រះបរមរាជានុញ្ញាតសម្ដែងនូវអំណរសាទរឥតឧបមា ចូលរួមថ្វាយព្រះសព្ទសាធុការពរជ័យ បវរសួស្ដី សិរីវឌ្ឍនា វិបុលសុខ មហាប្រសើរថ្វាយជូន ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្ដេចព្រះមហាក្សត្រី នរោត្ដម មុនិនាថ សីហនុ ព្រះវរាជមាតាជាតិខ្មែរ ទ្រង់មានព្រះកាយពលមាំមួន ព្រះបញ្ញាញាណវាងវៃ ព្រះរាជសុខភាព ល្អបរិបូរណ៍ ព្រះជន្មាយុយឺនយូរ ដើម្បីគង់ប្រថាប់ជាម្លប់ដ៏ត្រជាក់ត្រជុំដល់ប្រជារាស្ត្រ ទូទាំងប្រទេស ជានិច្ចនិរន្តន៍តរៀងទៅ។
ឆ្លៀតឱកាសដ៏វិសេសថ្លៃថ្លានេះ ទូលព្រះបង្គំជាខ្ញុំទាំងអស់សូមបួងសួងដល់គុណព្រះរតនត្រ័យ វត្ថុស័ក្ដិសិទ្ធិ ទាំងអស់ក្នុងលោក និងទេវតារក្សាព្រះរាជាណាចក្រកម្ពុជា ជាពិសេសទេវតាឆ្នាំថ្មី ឆ្នាំរកា នព្វស័ក ព.ស ២៥៦១ ព្រះនាម កិមិរាទេវី សូមព្រះអង្គតាមជួយបីបាច់ថែរក្សា ព្រះករុណាជាអម្ចាស់ជីវិតលើត្បូង និងសម្ដេចព្រះមហាក្សត្រី ព្រះវររាជមាតាជាតិខ្មែរ ព្រះអង្គទ្រង់ប្រកបដោយព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជាភិយ្យោភាពតរៀងទៅ។
សូមព្រះបរមរាជានុញ្ញាតទូលថ្វាយពី ទូលព្រះបង្គំ សេង ប៊ុនវេង (អាចា្យ អេ) អគ្គនាយកស្ថានីយ៍វិទ្យុABC កម្ពុជា ១០៧.៥ FM (ប្រត្តិកម្មបន្ទាន់) និងភរិយា ព្រមទាំងនាយកគ្រប់គ្រងសាលាបង្រៀនបេីកបរ ២៣តុលា និងបុគ្គលិកក្រុមការងារគ្រប់ផ្នែកទាំងអស់នៃស្ថានីយ៍វិទ្យុABC