➤ពិភពចែករំលែក World Share - Blogger Network Social News Update ⇧
រាជធានីភ្នំពេញ ៖ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកញ្ជូន បានថ្លែងថា ចាប់ពីខែសីហា តទៅ ម៉ូតូទាំងអស់ នឹងត្រូវបំពាក់ QR Code នៅលើស្លាកលេខ ដូចដែលក្រសួងកំពុងបំពាក់ QR Code លើស្លាកលេខរថយន្តដូច្នេះដែរ។
ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងថា បន្ទាប់ពីក្រសួងបំពាក់ RQ Code នៅលើស្លាកលេខរថយន្តរួចរាល់ ស្លាកលេខម៉ូតូ ក៏នឹងត្រូវបំពាក់ QR Code ដូចឡានដែរ។ QR Code លើស្លាកលេខ ដើម្បីផ្ទៀងផ្ទាល់ភាពត្រូវគ្នារវាងព័ត៌មានស្លាកលេខ និងរថយន្ត ការពារការក្លែងបន្លំ ព័ត៌មានដែលបង្ហាញចេញ គឺមិនមានព័ត៌មានឯកជនភាព ឈ្មោះ ឬអាសយដ្ឋានម្ចាស់រថយន្តនោះឡើយ!
ឯកឧត្តម បន្តថា បច្ចុប្បន្ននេះ កម្ពុជាមានម៉ាស៊ីនអ៊ុត QR Code មួយគ្រឿង ហើយពីរគ្រឿងទៀត បានដឹកមកដល់កំពង់ផែកម្ពុជាហើយ ដើម្បីធ្វើការងារនេះ។ លោករដ្ឋមន្ត្រីបញ្ជាក់ដូច្នេះថា៖ ចាប់ពីខែ៨ ឬខែ៩ យើងនឹងអ៊ុតQR Code លើម៉ូតូដែរ ។ សព្វថ្ងៃនេះ ម៉ូតូចទាំងអស់មាន ៣,៣លានគ្រឿង។
ឯកឧត្តមរដ្ឋមន្ត្រី ពន្យល់ថា QR Code មិនបង្ហាញពីអត្តសញ្ញាណម្ចាស់យានយន្ត ឬអាសយដ្ឋានម្ចាស់យានយន្តនោះទេ ប៉ុន្តែ QR Code ដែលជាប្រព័ន្ធដ៏ទំនើបមួយនេះ នឹងបង្ហាញពីពណ៌ លេខកូដរថយន្ត និងម៉ាករថយន្តជាដើម។ ឯកឧត្តម បន្ថែមថា ការដាក់ QR Code នេះ គឺដើម្បីកុំឲ្យជនខិលខូចមួយចំនួន លួចស្លាកលេខឡាន ឬម៉ូតូដទៃ យកទៅបំពាក់លើរថយន្តឬម៉ូតូរបស់ខ្លួនដើម្បីគេចពីការបង់ពន្ធជូនរដ្ឋ។ យើងប្រើប្រាស់ប្រព័ន្ធនេះ ក៏ដើម្បីទប់ស្កាត់កុំឲ្យអ្នកដែលនាំចូលឡានមក មិនបង់ពន្ធ ឬយកស្លាកលេខឡានដែលគេបង់ពន្ធហើយ យកទៅបំពាក់លើឡានមួយទៀត។ វាមានសារសំខាន់ណាស់ ក្នុងការប្រមូលពន្ធចូលជាតិយើង។
បើយោងតាមមន្ត្រី ក្រសួងសាធារណការ និងដឹកជញ្ជូន បានប្រាប់ថា សំរាប់ការប្តូរយកស្លាកលេខQRកូដ គឺមិនមានការគិតសេវាសម្រាប់ QR Code ទេប្រសិនបើចង់ប្តូរផ្លាកថ្មីអក្សផុស គឺត្រូវចំណាយ 65000R ហើយមាន QR Code នៅទីនោះស្រាប់។ សម្រាប់ស្លាកលេខចាស់ មិនមានតម្រូវឲ្យផ្លាស់ប្តូរឡើយ តែបើម្ចាស់យានយន្តចង់បាន QR Code យើងនិងដោះស្រាយអុតជូនដោយមិនគិតថ្លៃសេវាទេ ។ ចំពោះការផ្ទេរឈ្មោះម្ចាស់ដើម មកអ្នកទិញប្រើបន្ត តម្លៃកាត់ឈ្មោះអស់ 48000រ បើកាត់ ឈ្មោះឆ្លងខេត្ត ចំណាយអស់ 101000R ដោយឡែក បើសិនមិនអាចផ្ទេរកម្មសិទ្ធបាន ត្រូវបង់ពន្ធប្រថាប់ត្រា 3%នៃតម្លៃរថយន្ត ទៅកាន់ពន្ធដារជាមុនសិន។
សូមបញ្ជាក់ថា បើតាមឯកឧត្តមរដ្ឋមន្ត្រី នៅកម្ពុជា មានរថយន្ត ដែលបានចុះបញ្ជីរួចរាល់ ប្រមាណ៥០ម៉ឺនគ្រឿង និងម៉ូតូ៣,៣លាន គ្រឿង៕
ប្រភពពី : ជង្រុកព័ត៍មាន
➤ពិភពចែករំលែក World Share - Blogger Network Social News Update ⇧
