រាជធានីភ្នំពេញ៖ យ៉ាងហោចណាស់មានមនុស្សស្រី២នាក់រងរបួសធ្ងន់ធ្ងរដោយសារជិះម៉ូតូ បញ្ច្រាសទិសដៅចរាចរណ៍បំណងឆ្លងផ្លូវ តែត្រូវម៉ូតូមួយគ្រឿងទៀតបុកចំពីមុខពេញទំហឹងប កាលពីវេលាម៉ោង០៥៖៤០នាទីព្រឹកព្រលឹម ថ្ងៃទី១៥ ខែឧសភា ឆ្នាំ២០១៧នេះ នៅចំណុចខាងមុខប៉ុស្តិ៍នគរបាល និងសាលាសង្កាត់ចាក់អង្រែក្រោម តាមបណ្ដោយផ្លូវលេខ២ ស្ថិតក្នុងសង្កាត់ចាក់អង្រែក្រោម ចាក់អង្រែក្រោម ខណ្ឌមានជ័យ រាជធានីភ្នំពេញ។
ភ្លាមៗនោះក្រុមការងារABC បានជួយទាក់ទងទៅកាន់លោកមេប៉ុស្តិ៍នគរបាលសង្កាត់ចាក់អង្រែក្រោម បានចេញមកជួយអន្តរាគមន៍ និងធ្វេីការទាក់ទងរថយន្តសង្គ្រោះបន្ទាន់មកកន្លែងកេីតហេតុផងដែរ។
ប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញបៀស្រ្តីម្នាក់ជិះម៉ូតូម៉ាក Fino ពណ៌សលាយខៀវ ពាក់ស្លាកលេខភ្នំពេញ 1AX-9943 ជិះបញ្ច្រាសទិសចរាចរណ៍បំណងឆ្លងផ្លូវ ខណៈពេលដែលកំពុងជិះយឺតៗរកឆ្លងផ្លូវហេីយស្រាប់តែមានស្ត្រីម្នាក់ទៀតជិះម៉ូតូ Scoopy ពណ៍ស ពាក់ស្លាកលេខភ្នំពេញ 1CM-4278 ក្នុងល្បឿនលឿនបុកចំពីមុខពេញទំហឹងបណ្ដាលឲ្យរងរបួសធ្ងន់ទាំង២នាក់តែម្តង។
ក្រោយពីកើតហេតុជនរងគ្រោះទាំង២នាក់ត្រូវបានរថយន្ដសង្គ្រោះបន្ទាន់មន្ទីរពេទ្យបង្អែកចណ្ឌមានជ័យដឹកយកទៅសង្គ្រោះនៅមន្ទីរពេទ្យកាល់ម៉ែត្រ ចំណែកម៉ូតូទាំង២គ្រឿង សមត្ថកិច្ចប៉ុស្ត៍ទាក់ទងសមត្ថកិច្ចជំនាញខណ្ឌមានជ័យ មកធ្វេីការវាស់វែង យកទៅរក្សាទុកនៅអធិការដ្ឋាននគរបាលខណ្ឌមានជ័យដើម្បីដោះស្រាយតាមនីតិវិធីច្បាប់៕
អត្ថបទដោយ ៖ AhBoYz ABC