ចោរគាស់ហាងទូរស័ព្ទ អេង លៀង ប្រមូលអស់ពីហាង មិនរំខានសមត្ថកិច្ចក្រុងតាខ្មៅសោះឡើយ!

ក្រុងតាខ្មៅ ៖ សូមបញ្ជាក់ថា កាលពីវេលាម៉ោង០៩:៤០នាទីព្រឹក ថ្ងៃទី១០ ខែឧសភា ឆ្នាំ២០១៨នេះ ហាងលក់ទូរស័ព្ទឈ្មោះ : អេង លៀង នៅក្រុងតាខ្មៅ ត្រូវបានក្រុមចោរ លួចគាស់ហាង ចូលយកទូរស័ព្ទ អស់រាប់រយគ្រឿង តំលៃសរុបជិត 20,000$ ដែលមិនរំខាន សមត្ថកិច្ចក្រុងតាខ្មៅចុះអន្តរាគមន៍ឡើយ។

សូមបងប្អូន ប្រុងប្រយ័ត្ន ឲ្យខ្លាំងមែនទែន!

ចោរនេះ ប្រហើនខ្លាំងណាស់ វាហ៊ានបង្ហាញមុខក្នុង Camera ទៀតប្រហែលជា ខ្សែ និងខ្នង់វាក្រាស់ហើយ បានជាវាមិនខ្លាចអីសោះ ?

ប្រភពពីព័ត៌មានបន្ទាន់ៗក្នុងសង្កម

ប៉ាម៉ាកយកមុខទុកណាទេ! ស្អែកភ្ជាប់ពាក្យហើយ តែយប់កណ្ដាលអាធ្រាត្រចេញឆក់ទូរស័ព្ទជនបរទេស ត្រូវប៉េអ៉ឹមចាប់បាន!

(ពិភពចែករំលែក)
រាជធានីភ្នំពេញ ៖ យុវវ័យប្រុសស្រី២នាក់ ត្រូវជាគូសង្សារនឹងគ្នា និងថែមទាំងអះអាងថា ត្រូវភ្ជាប់ពាក្យជាមួយគ្នានៅព្រឹកស្អែកទៅហើយ ស្រាប់តែយប់ឡើង បែរជាបែកគំនិត ធ្វើសកម្មភាពជិះម៉ូតូដឹកគ្នាឆក់ទូរស័ព្ទដៃពីស្ត្រីជនជាតិបរទេសម្នាក់បានសម្រេច តែរត់មិនរួច ដោយសារកម្លាំងអាវុធហត្ថខណ្ឌកំពុងល្បាត ប្រទះឃើញដេញចាប់ក្របួចជាប់ទាំងគូតែម្ដង។

គូស្នេហ៍ដែលឆក់ទូរស័ព្ទជនបរទេសនេះរួមមាន ទី១-ឈ្មោះប៊ុន សុវណ្ណរ៉ា ភេទប្រុស អាយុ២៤ឆ្នាំ មុខរបរបើករថយន្តទឹកសុទ្ធ បច្ចុប្បន្នស្នាក់នៅ ផ្ទះលេខ០៨ ផ្លូវលំ ភូមិទួលតាចាន់ សង្កាត់ព្រែកឯង ខណ្ឌមានជ័យ (ជាអ្នកបើកម៉ូតូ និងជាជនដៃដល់)។ ទី២-ឈ្មោះសុធា នេត្រា អាយុ១៨ឆ្នាំ ភេទស្រី​ មុខរបរលក់ដូរ បច្ចុប្បន្នស្នាក់នៅផ្ទះជួល ផ្លូវ៣១០ សង្កាត់បឹងកេងកង៣ ខណ្ឌចំការមន (អ្នកជិះពីក្រោយ)។

តាមប្រភពពីកន្លែងកើតហេតុបានអោយដឹងថា នៅមុនពេលកើតហេតុ គេឃើញជនបរទេសចំនួន ៣នាក់ (ប្រុស១ម្នាក់ ស្រី២ម្នាក់) ជាជនជាតិដាណឺម៉ាក ទើបនឹងចេញពីក្លឹបកំសាន្ត 2nd ហើយដើរនៅតាមបណ្តោយផ្លូវ៥១ បម្រុងទៅក្លឹបកំសាន្តមួយទៀត ដោយក្នុងនោះមាននារីម្នាក់ដើរបណ្តើរកាន់ទូរស័ព្ទចុចបណ្តើរ ដើម្បីមើលទិសដៅ លុះដើរមកដល់ចំណុចផ្លូវកែងលេខ២២២ ស្រាប់តែលេចមុខជនសង្ស័យប្រុសស្រី២នាក់ខាងលើ ដោយខាងប្រុសជាអ្នកបើកម៉ូតូ ចំណែកខាងស្រីជាអ្នកជិះពីក្រោយ ជិះម៉ូតូ១គ្រឿង ម៉ាកហុងដាឌ្រីម សេ១២៥ ស៊េរីឆ្នាំ២០១៨ ពណ៌ខ្មៅ ពាក់ស្លាកលេខភ្នំពេញ 1GW-3648 បានជិះមកអែបជិតនារីជាជនបរទេសដែលកាន់ទូរស័ព្ទក្នុងដៃ ហើយភ្លាមនោះ ជនសង្ស័យជាអ្នកបើកម៉ូតូបានធ្វើសកម្មភាពឆក់យកទូរស័ព្ទពីនារីរងគ្រោះ ហើយព្យាយាមបន្ថែមល្បឿនម៉ូតូ បំណងរត់គេចខ្លួន តែភ្លាមនោះ កម្លាំងអាវុធហត្ថខណ្ឌដូនពេញ កំពុងល្បាតប្រទះឃើញ ក៏ធ្វើការប្រដេញតាមពីក្រោយ រហូតដល់ផ្លូវ៣៦០ កែងនឹងផ្លូវ៦៣ ទើបធ្វើការឃាត់ខ្លួនជនសង្ស័យប្រុសស្រីទាំង២នាក់បានសម្រច ដោយឆែកឃើញទូរស័ព្ទដៃនារីរងគ្រោះនៅក្នុងកាបូបរបស់ខាងស្រីដែលអង្គុយពីក្រោយទៀតផង បន្ទាប់ក៏សម្រេចនាំខ្លួនមកមូលដ្ឋានកងរាជអាវុធហត្ថខណ្ឌដូនពេញ ដើម្បីធ្វើការសាកសួរ។

តាមប្រភពពីមន្ត្រីអាវុធហត្ថបានឱ្យដឹងថា តាមចម្លើយសារភាពរបស់ជនសង្ស័យឈ្មោះប៊ុន សុវណ្ណរ៉ា បានសារភាពថា រូបគេពិតជាបានធ្វើសកម្មភាពឆក់ទូរស័ព្ទដៃពីនារីរងគ្រោះជាជនបរទេសមែន ដោយរូបគេជាអ្នកធ្វើសកម្មភាពតែម្នាក់ឯងប៉ុណ្ណោះ ចំណែកនារីជាសង្សារដែលអង្គុយពីក្រោយ មិនបានដឹងរឿងអីនោះទេ ហើយពិសេសពួកគេនឹងត្រូវភ្ជាប់ពាក្យជាមួយគ្នា នៅព្រឹកថ្ងៃទី២២ ខែមីនា ឆ្នាំ២០១៨ នេះទៀតផង។​

ជនសង្ស័យម្នាក់ ដែលធ្លាប់ជាប់ពន្ធនាគារម្ដង រួចមកហើយនោះ ត្រូវបាននាយប៉ុស្ដិ៍នគរបាលស្ទឹងមានជ័យ៣ ដឹកនាំកម្លាំង សហការជាមួយពលរដ្ឋ ឃាត់ខ្លួនបន្ទាប់ពីលួចចឆ្កឹះសោបន្ទប់ជួល (មានវិដេអូ)

➤ពិភពចែករំលែក World Share - Blogger Network Social News Update ⇧

រាជធានីភ្នំពេញ ៖ ជនសង្ស័យម្នាក់ត្រូវបានកម្លាំងសមត្ថកិច្ចប៉ុស្ដិ៍ស្ទឹងមានជ័យ៣ សហការជាមួយប្រជាពលរដ្ឋឃាត់ខ្លួន ពាក់ព័ន្ធករណីលួចឆ្កឹះសោបន្ទប់កាលពីវេលាម៉ោង ៩និង ៤០ នាទីព្រឹកថ្ងៃសុក្រ ១២រោច ខែមិគសិរ ឆ្នាំរកា នព្វស័ក ព ស ២៥៦១ ត្រូវនឹងថ្ងៃទី១៥ ខែធ្នូ ឆ្នាំ២០១៧ នៅចំណុចផ្ទះជួល ផ្លូវលំ ក្រុម៤ ភូមិដំណាក់ធំ ២ សង្កាត់ស្ទឹងមានជ័យ ៣ ខណ្ឌមានជ័យ រាជធានីភ្នំពេញ ។

លោក ឯម ភារី នាយប៉ុស្ដិ៍នគរបាលរដ្ឋបាលស្ទឹងមានជ័យ៣ បានប្រាប់ឲ្យដឹងថា ជនសង្ស័លើត្រូវកម្លាំងរបលោកឃាត់ខ្លួនមានឈ្មោះ ប៊ុន រិទ្ធ អាយុ២១ ឆ្នាំ មុខរបរ ជួសជុលទូរស័ព្ទ ស្នាក់នៅភូមិកើតហេតុ (ធ្លាប់ជាប់ពន្ធនាគារម្ដង រួចមកហើយ) ។

ចំណែកបន្ទប់ជនរងគ្រោះមានឈ្មោះ អឿ សូនី អាយុ២៥ឆ្នាំមុខរបរសិត្សស្នាក់នៅបន្ទប់ជួលខាងលើ។

មុនពេលកើតហេតុជនរងគ្រោះបានចាក់សោបន្ទប់រួចចេញទៅរៀនបាត់ លុះដល់ម៉ោង៧ និង ៤០នាទីថ្ងៃដដែល ក៏លេចមុខជនសង្ស័យបានដើរមកហើយនៅក្នុងដៃមានដែកលួសមួយកំណាត់មកធ្វើសកម្មភាពឆ្កឹះសោបន្ទប់ជនរងគ្រោះ ដើម្បីចូលលួចទ្រព្យសម្បត្ដិនៅក្នុងបន្ទប់ ដោយចៃដន្យនោះក៏មានបុរសម្នាក់ឈ្មោះ វណ្ណ មាន ជាអ្នកជួលបន្ទប់ទល់មុខបន្ទប់ជនរងគ្រោះបានឃើញជនសង្ស័យកំពុងតែធ្វើសកម្មភាពឆ្កឹះសោក៏បានស្រែកឆោឡោនាំគ្នាចេញចាប់ ភ្លាមៗនោះកម្លាំងនគរបាលប៉ុស្ដិ៍ស្ទឹងមានជ័យ៣ កំពុងតែល្បាតនៅក្បែរកន្លែងកើតហេតុក៏បានចុះទៅជួយអន្ដរាគមន៍ឃារ់ខ្លួនជនសង្ស័យយកមកប៉ុស្ដិ៍ដើម្បីសាកសួរបន្ដ ។

បច្ចុប្បន្នជនសង្ស័យត្រូវសមត្ថកិច្ចឃុំខ្លួន បណ្ដោះអាសន្ននៅប៉ុស្ដិ៍នគរបាលស្ទឹងមានជ័យ៣ ដើម្បីកសាងសំណុំរឿងបញ្ជូនទៅកាន់អធិការដ្ឋានខណ្ឌមានជ័យចាត់ការតាមនីតីវិធី ៕ 

ទស្សនាវិដេអូខាងក្រោម :

ជនសង្ស័យលួចខ្សែភ្លើង ត្រូវសន្តិសុខក្នុងការដ្ឋានសំណង់ខុនដូ "ព្រីនស៍​ ផ្លាហ្សា" យកខ្សែភ្លើងជាច្រើនចាប់ចងទៅវិញ (អ្នកច្បាប់​ និយាយថា​ ការធ្វើទារុណកម្មលើជនសង្ស័យ​ប្រឈមបទល្មើសឧក្រិដ្ឋ ជាប់ទោសពី៧ឆ្នាំទៅ១៥ឆ្នាំ)

(ប្រភពពី ឆាយានាថ)

➤ពិភពចែករំលែក World Share - Blogger Network Social News Update ⇧

[ព័ត៌មាន​ ពិតជាអាចជួយសង្គមបាន] អ្នកច្បាប់​ និយាយថា​ ការធ្វើទារុណកម្មលើជនសង្ស័យ​ប្រឈមបទល្មើសឧក្រិដ្ឋ ជាប់ទោសពី៧ឆ្នាំទៅ១៥ឆ្នាំ​

រាជធានីភ្នំពេញ ៖ ហេតុការណ៍នៃការយកខ្សែភ្លើងជាច្រើនចងលើជនសង្ស័យ​ នៅ​ក្នុងការដ្ឋានសំណង់ខុនដូ​ "ព្រីមស៍​ ផ្លាហ្សា"​ក្នុងខណ្ឌចំការមន ​កំពុងមានការជជែកគ្នាជាច្រើន អំពីទិដ្ឋភាពផ្លូវច្បាប់​ ។​ គ្រូច្បាប់មួយរូបនិងជាមេធាវីផងនោះ​ ថ្លែងថា​ ការធ្វើទារុណកម្មលើជនសង្ស័យ​ប្រឈមបទល្មើសឧក្រិដ្ឋ ជាប់ទោសពី៧ឆ្នាំទៅ១៥ឆ្នាំ​ ដែលជនសង្ស័យអាចធ្វើជាម្ចាស់បណ្តឹងខ្លួនឯងផ្ទាល់​ ។


ជនសង្ស័យម្នាក់ឈ្មោះ​ ហោ​ សុភី​ អាយុ៣០ឆ្នាំ​ ត្រូវបានសន្តិសុខក្នុងការដ្ឋានសំណង់ខុនដូ"ព្រីនស៍​ ផ្លាហ្សា"​ យកខ្សែភ្លើងជាច្រើនចាប់ចង​ ក្រោយជនសង្ស័យលួចខ្សែភ្លើងយកទៅលក់​ បង្កការភ្ញាក់ផ្អើល​ កាលពីរសៀលថ្ងៃទី១៤​ ខែធ្នូ​ តាមមហាវិថីព្រះនរោត្តម​ សង្កាត់ទន្លេបាសាក់​ ខណ្ឌចំការមន​ ។


គ្រូច្បាប់មួយរូបនិងជាមេធាវីផងនោះសុំមិនបញ្ចេញឈ្មោះ​ បានបញ្ចេញទិដ្ឋភាពច្បាប់ចំនួនពីរ​ ពាក់ព័ន្ធករណីនេះ​ ទី១​ ការប្រឈមបទល្មើសលួចដែលប្រព្រឹត្តដោយជនសង្ស័យ​ និង​ ទី២​ ការប្រឈមរបស់សន្តិសុខក្រោមការបង្គាប់បញ្ជារបស់ម្ចាស់ការដ្ឋានសំណង់​ ជុំវិញការចាប់ចងជនសង្ស័យ​ ក្រោមរូបភាពនៃការធ្វើទារុណកម្ម​ ។

មាត្រា៨៩នៃក្រមនីតិវិធីក្រមព្រហ្មទណ្ឌ"វិធានការដំបូងក្នុងករណីបទឧក្រិដ្ឋឬបទមជ្ឈិមជាក់ស្តែង"ចែងថា​ ក្នុងករណីបទឧក្រិដ្ឋឬបទមជ្ឈិមជាក់ស្តែង​ មន្ត្រីនគរបាលយុត្តិធម៌ត្រូវរាយការណ៍ភ្លាមជូនព្រះរាជអាជ្ញា​ ។​ មន្ត្រីនគរបាលយុត្តិធម៌ចុះទៅកាន់ទីកន្លែងកើតហេតុ​ ដើម្បីធ្វើការពិនិត្យបទល្មើស​ ។​ មន្ត្រីនគរបាលយុត្តិធម៌ធានារ៉ាប់រងរក្សាទុកនូវតម្រុយនៃភស្តុតាងទាំងឡាយណាដែលអាចបាត់បង់​ ។​ មន្ត្រីនគរបាលយុត្តិធម៌អាចហាមឃាត់បុគ្គលគ្រប់រូបកុំឱ្យទៅទីណាឆ្ងាយពីកន្លែងបទល្មើស​ រហូតដល់ពេលបញ្ចប់កិច្ចប្រតិបត្តិការរបស់ខ្លួន​ ។

ប្រសិនបើយល់ថាមានប្រយោជន៍​ ព្រះរាជអាជ្ញាចុះទៅកាន់ទីកន្លែងកើតហេតុ​ និង​ ដឹកនាំការស៊ើបអង្កេត​ ។​ ប្រសិនបើមានការបន្ទាន់​ ព្រះរាជអាជ្ញាអាចអនុញ្ញាតឱ្យមន្ត្រីនគរបាលយុត្តិធម៌ណាម្នាក់ធ្វើប្រតិបត្តិការលើវិសាលភាពទាំងមូលនៃដែនដីជាតិ​ ដោយគោរពតាមលក្ខខណ្ឌទាំងឡាយ​ ដែលមានចែងក្នុងមាត្រា​៦៨​(ការពន្លាតសមត្ថកិច្ចដែនដី)នៃក្រមនេះ​ ។

ដោយឡែកមាត្រា២១០នៃក្រមព្រហ្មទណ្ឌ​"បទទារុណកម្មនិងអំពើឃោរឃៅ​"ចែងថា​ ទារុណកម្មឬអំពើឃោរឃៅដែលប្រព្រឹត្តទៅលើបុគ្គលណាមួយ​ ត្រូផ្តន្ទាទោសដាក់ពន្ធនាគារពី៧ឆ្នាំទៅ១៥ឆ្នាំ​ ។ អ្នកច្បាប់ដដែល​ និយាយថា​ ក្នុងករណីនេះ​ ជនសង្ស័យត្រូវស្ថិតក្រោមការស៊ើបអង្កេតបឋមក្នុងបទល្មើសមជ្ឈិមជាក់ស្តែង​ ដែលអាចប្រឈមបទល្មើសអំពើលួច​ តាមមាត្រា​៣៥៣និងមាត្រា៣៥៦នៃក្រមព្រហ្មទណ្ឌ​ ។

ចន្លោះពេលនេះ​ ជនសង្ស័យផ្ទាល់ក៏អាចធ្វើបណ្តឹងព្រហ្មទណ្ឌប្រឆាំងនឹងបុគ្គលទាំងឡាយណាដែលបានប្រព្រឹត្តបទល្មើស​ ជាអាទិ៍​ ការធ្វើទារុណកម្មដោយការចាប់ចងនេះ​ បានដែរ​ ដែលបុគ្គលនោះអាចប្រឈមបទល្មើសទារុណកម្មនិងអំពើឃោរឃៅ​ ។

កន្លងមក​ គេតែងតែសង្កេតឃើញថា​ រាល់មានបទល្មើសកើតឡើងពិសេស​ បទឆក់ឬបទប្លន់​ ជាដើម​ ប្រជាពលរដ្ឋតែងប្រព្រឹត្តហិង្សាលើជនសង្ស័យ​ ដែលពេលខ្លះអាចដល់ស្លាប់ថែមទៀងផង​ ។​ បញ្ហានេះ​ អ្នកច្បាប់​ និង​ មជ្ឈដ្ឋានមួយចំនួន​ សំណូមពរដល់សាធារណជន​ មេត្តាយល់ឱ្យច្បាស់ពីបញ្ហានេះ​ ដែលពេលខ្លះ​ អាចក្លាយខ្លួនជាជនល្មើសដោយមិនដឹងខ្លួន​ ។​

រាល់បទល្មើសកើតឡើង​ គម្បីទុកសមត្ថកិច្ច​ ជូនមន្ត្រីនគរបាលយុត្តិធម៌និងតុលាការ​ ជា​អ្នកមានចំណាត់ការផ្លូវច្បាប់វិញ​ ៕ (ប្រភពពី ឆាយានាថ)

ស្ត្រី​ម្នាក់មាន​ផ្ទៃពោះ៤ខែ ​ត្រូវចោរ២នាក់ ជិះមក​ឆក់​កាបូប (តែមិនបានសំរេច) បណ្ដាលឲ្យដួល​រងរបួស​ជើង!

ពិភពចែករំលែក - World Share]
រាជធានីភ្នំពេញ ៖ នៅវេលា​ម៉ោង ៩:៣០នាទីព្រឹក ថ្ងៃទី១៨ ខែតុលា ឆ្នាំ២០១៧ មានក្រុម​ជនសង្ស័យ ២នាក់ បានធ្វើ​សកម្មភាព​ឆក់​កាបូប ពី​ស្ត្រី​មាន​ផ្ទៃពោះ ៤ខែ ​ជិះ​ម៉ូតូ​ម្នាក់ឯង​បណ្តាលអោយ​ដួល​រងរបួស​ជើង តែ​ឆក់​កាបូប មិនបាន​សម្រេចទេ នៅតាម​បណ្តោយ ​ផ្លូវ​សហព័ន្ធ​រ៉ុ​ស្សី ទល់មុខ​ផ្សារ​បាយ័ន ស្ថិតក្នុង​សង្កាត់​ស្រះចក ខណ្ឌដូនពេញ ។

ស្ត្រី​រងគ្រោះ អាយុ ២៥ឆ្នាំ ស្នាក់នៅ​ម្តុំ​ផ្សារ​សំណង់១២ ខណ្ឌទួលគោក ។

មុនពេល​កើតហេតុ​រូបគាត់​បាន​ជិះ​ម៉ូតូ​មួយគ្រឿង​ម៉ាក Today ពណ៌​ក្រហម ​ដែល​គ្មាន​ពាក់​ស្លាក​លេខ ​ដោយ​ចេញ​មកពី​ពិនិត្យ​ផ្ទៃពោះ​ជិះ​តាម​បណ្ដោយ​ផ្លូវ​សហព័ន្ធ​រ៉ុ​ស្សី​ពី​កើតមក​លិច​ដល់​មុខ​ផ្សារ​បាយ័ន​បាន​លេចមុខ​ជនសង្ស័យ២នាក់​ជិះ​ម៉ូតូ​មួយគ្រឿង​ដោយ​មិន​ចាំ​ម៉ាក​ជិះ​មកពី​ក្រោយ​បានធ្វើ​សកម្មភាព​ឆក់​កាបូប​ពី​ស្ដ្រី​រងគ្រោះ​តែ​មិនបាន​សម្រេច​បណ្ដាល​ឲ្យ​ដួល​ម៉ូតូ​រងរបួស​ជើង ។ 

ដោយឡែក​ជនសង្ស័យ​បាន​ជិះ​គេចខ្លួន​បាត់ស្រមោល​តែម្ដង  ៕

ឃាត់ខ្លួនជនបរទេស២នាក់ លួចដកប្រាក់ ពីទូរ ATM របស់គ្រឹះស្ថានមីក្រូហិរញ្ញវត្ថុប្រាសាក់ (មិនបានសម្រេច)

[ពិភពចែករំលែក-World Share]
រាជធានីភ្នំពេញ ៖ នៅថ្ងៃទី ២៩ ខែកញ្ញា ឆ្នាំ២០១៧ វេលាម៉ោង០១:០០នាទី កម្លាំងជំនាញរបស់ការិយាល័យបានស្រាវជ្រាវឃាត់ខ្លួនជនសង្ស័យ ជាជនបរទេស ចំនួន ០២ នាក់ នៅចំណុចផ្លូវលេខ ១៦៣កែងផ្លូវលេខ ៤៣២ សង្កាត់ទួលទំពូង១ ខណ្ឌចំការមន រាជធានីភ្នំពេញ ពីបទ ប៉ុនប៉ងលួចដកប្រាក់ ពីទូរអេ ធី អឹម សាធារណៈរបស់គ្រឹះស្ថានមីក្រូហិរញ្ញវត្ថុប្រាសាក់ (មិនបានសម្រេច) កាលពីថ្ងៃទី ០៨ ខែកញ្ញា ឆ្នាំ២០១៧ វេលាម៉ោង ០០,៣២ នាទី នៅចំណុច មុខផ្ទះលេខ ៦៤០E និង ៦៤០F ផ្លូវលេខ២៧១ ភូមិក្បាលទំនប់ សង្កាត់បឹងទំពុន២ ខណ្ឌមានជ័យ រាជធានីភ្នំពេញ ។

ការបង្ក្រាបនេះ គឺយោងតាមពាក្យបណ្តឹងរបស់ឈ្មោះ ឈឹម ណារិទ្ធ ភេទប្រុស អាយុ ៤៨ ឆ្នាំ ជនជាតិ ខ្មែរ ជាតំណាងស្របច្បាប់ឲ្យគ្រឹះស្ថានមីក្រូហិរញ្ញវត្ថុប្រាសាក់ ចុះថ្ងៃទី ១៤ ខែកញ្ញា ឆ្នាំ២០១៧ ។
ជនសង្ស័យដែលឃាត់ខ្លួនបាន
១-ឈ្មោះ THANARAJ-THANGARAJH ភេទប្រុស អាយុ ៣០ ឆ្នាំ ជានជាតិស្រីលង្កា កាន់លិខិតឆ្លងដែនលេខ N៥២៤១៧៩១ មុខរបរ អ្នកជំនួញ ។​
២-ឈ្មោះ CHANDHRAKANTH-BALASUBRA MANIAM ភេទ ប្រុស អាយុ ៣០ ជនជាតិ ឥណ្ឌា
កាន់លិខិតឆ្លងដែនលេខ L ៣០៤៧០០៩ មុខរបរ អ្នកជំនួញ ។​

វត្ថុតាងចាប់យកជាមធ្យោបាយធ្វើសកម្មភាពមាន :
១-ម៉ូតូមួយគ្រឿងម៉ាកហុងដាអែប្លែក ពណ៌ក្រហមខ្មៅ ពាក់ស្លាកលេខ  ភ្នំពេញ ១AC-៥៧០៣ ។
២-បណ្ណ័អេធីអឹម VISA CARD ៥ សន្លឹក
៣-បណ្ណ័អេធីអឹម MASTER CARD ២ សន្លឹក
៤-Laptob ចំនួន ២គ្រឿង
៥-ផ្លាស សំរាប់ផ្ទុកទិន្នន័យ ចំនួន ០១ និងសំភារះ ឯកសារជាច្រេីនទៀត ។

បច្ចុប្បន្នជនសង្ស័យទាំងពីរនាក់ខាងលើ ការិយាល័យបញ្ជូនទៅសាលាដំបូងរាជធានីភ្នំពេញ ចាត់ការតាមនិតិវិធី ៕

ចោរចូលលួចមាន់ស្លាប់ រីឯម្ចាស់មាន់របួសធ្ងន់ដេកពេទ្យ ដោយប្រឈមផ្លូវច្បាប់ទៀតផង!​

[ពិភពចែករំលែក]

​ខេត្តបាត់ដំបង ៖ បុរសម្នាក់ស្លាប់បាត់បង់ជីវិត ខណៈប៉ុនប៉ងចូលទៅលួចមាន់អ្នកភូមិ ហើយត្រូវម្ចាស់គេទាន់ កាប់ជាច្រើនពូថៅ នាវេលាម៉ោង២ ថ្ងៃទី២៧ ខែកញ្ញា ឆ្នាំ២០១៧ នៅចំណុចភូមិថ្នល់បត់ ឃុំអូររំដួល ស្រុកភ្នំព្រឹក។

ជនរងគ្រោះដែលស្លាប់បាត់បង់ជីវិតឈ្មោះ គង់ កែវ ភេទប្រុស អាយុ៥៧ឆ្នាំ មុខរបរមិនពិតប្រាកដ រស់នៅភូមិ-ឃុំកើតហេតុខាងលើ។

រីឯជនសង្ស័យជាម្ចាស់មាន់ឈ្មោះ ជា ចន ភេទប្រុស អាយុ៥៧ឆ្នាំ មុខរបរធ្វើចំការ រស់នៅភូមិ-ឃុំជាមួយគ្នា។ ជនសង្ស័យប្រាប់ឲ្យដឹងថា មុនពេលកើតហេតុ ជនរងគ្រោះដែលខ្លួនវាយស្លាប់ខាងលើនោះ បានចូលទៅលួចមាន់នៅផ្ទះរបស់ខ្លួន ដោយមានកាំបិតផ្គាក់១នៅជាប់ដៃ ឃើញដូចនេះ ខ្លួន(ជនសង្ស័យ) ក៏ស្រែកថាចោរៗ។ ខណៈនោះ ជនរងគ្រោះ(ចោរ)បានយកកាំបិតផ្គាក់ដែលកាន់នៅនឹងដៃ កាប់លើជនសង្ស័យត្រូវពោះ និងក្បាល ហើយក៏បានប្រតាយប្រតប់គ្នាទៅវិញទៅមក។ ស្របពេលនោះ ជនសង្ស័យក៏ទាញបានដំបង និងពូថៅ កាប់ទៅលើជនរងគ្រោះវិញ ត្រូវចំក្បាល និងដងខ្លួនជាច្រើនកន្លែង បណ្តាលឲ្យជនរងគ្រោះជាចោរ ស្លាប់នៅនឹងកន្លែង។ ហើយក្រោយកើតហេតុ ជនសង្ស័យត្រូវបានបញ្ជូនទៅព្យាបាលនៅមន្ទីរពេទ្យខេត្តបាត់ដំបងដើម្បីសង្គ្រោះអាយុជីវិត។

តាមប្រជាពលរដ្ឋរាយការណ៍ថា ជនរងគ្រោះជាមនុស្សសរសៃប្រសាទ មិនដែលនៅផ្ទះទេ ដេកតាមតែព្រៃ ចូលផ្ទះម្តងកាល។ ក្រោយកើតហេតុ សមត្ថកិច្ចបានចុះទៅអន្តរាគមន៍ ធ្វើកោសល្យវិច័យ ស្រាវជ្រាវ និងកសាងសំណុំរឿង បញ្ជូនទៅសាលាដំបូងខេត្តបាត់ដំបងដើម្បីចាត់ការតាមនីតិវិធី៕ 

ប្រភពពី Cam-Post

លួចជិតបានហើយ! ម្ចាស់លោត​ធាក់ចោរ​មាន​កាំភ្លើងកំពុងលួចកាច់.កម៉ូតូ (មាន​វីដេអូ)

 [ពិភពចែករំលែក] 

រាជធានី​ភ្នំពេញ: ជន​សង្ស័យ​២​នាក់​បាន​ជិះ​ម៉ូតូ​មក​ធ្វើ​សកម្មភាព​កាច់​.ក ម៉ូតូ តែ​មិន​បាន​សម្រេច​បាន​ដក​កាំ​ភ្លើង​ភ្ជង់​បំរុង​នឹង​បាញ់​ប្លន់ តែ​សំណាង​ល្អ​មាន​នគរបាល​ព្រហ្មទណ្ឌ​កម្រិត​ធ្ងន់ ជិះ​រថយន្ត​ឆ្លង​កាត់​បាន​ដក​កាំភ្លើង​ភ្ជង់​បាន​មុន។ ហេតុការណ៍​នេះ​បង្ក​ការ​ភ្ញាក់ផ្អើល​កាល​ពី​វេលា​ម៉ោង ៣​និង​៣០ ល្ងាច​ថ្ងៃទី​៣ ខែកញ្ញា ឆ្នាំ២០១៧ ស្ថិត​នៅ​តាម​បណ្ដោយ​ផ្លូវ ៣៧១ ភូមិ​ត្នោត​ជ្រុំ​៤ សង្កាត់​បឹង​ទំពុន ខណ្ឌ​មានជ័យ។

ជន​រងគ្រោះ​មាន​ឈ្មោះ តឹក វណ្ណា អាយុ​២៦​ឆ្នាំ មុខ​របរ បើក​រថយន្ត​ដឹក​ទំនិញ ហើយ​ពេល​ទំនេរ រត់​ម៉ូតូ​ឌុប ស្នាក់​នៅ​ភូមិ​ម័រ សង្កាត់​ដង្កោ ខណ្ឌ​ដង្កោ។

ដោយ​ឡែក​ជន​សង្ស័យ​មាន​ឈ្មោះ ចាន់ សុខ អាយុ​៣២​ឆ្នាំ មុខរបរ​មិន​ពិត​ប្រាកដ ស្នាក់​នៅ​មិន​ពិត​ប្រាកដ មាន​ស្រុក​កំណើត​នៅ​ភូមិ​ត្រពាំង​ថ្លុង ឃុំ​ត្រពាំង​ថ្លុង ស្រុក​ពញា​ក្រែក ខេត្ត​ត្បូង​ឃ្មុំ ចំណែក​ជន​សង្ស័យ​ម្នាក់​ទៀត​មាន​ឈ្មោះ ចាន់ ថា អាយុ​៣៤​ឆ្នាំ មុខរបរ​កម្មករ​សំណង់ ស្នាក់​នៅ​ក្រុង​តាខ្មៅ ខេត្ត​កណ្ដាល រត់​គេច​ខ្លួន​បាត់​ស្រមោល។

យោង​តាម​ប្រភព​ព័ត៌មាន​ពី​កន្លែង​កើត​ហេតុ​បាន​ប្រាប់​ឲ្យ​ដឹង​ថា មុន​ពេល​កើតហេតុ​ជន​រង​គ្រោះ​បាន​ជិះ​ម៉ូតូ​ម៉ាក​ហុងដា​ឌ្រីម ពណ៌​ខ្មៅ ពាក់​ស្លាក​លេខ 1 FW-8464 មក​ជួយ​លើក​ឥវ៉ាន់ ឲ្យ​អ្នក​ស្គាល់​នៅ​ផ្ទះ​ស្ថិត​នៅ​ទីតាំង​កើតហេតុ​ខាង​លើ បាន​ទុក​ម៉ូតូ​នៅ​មុខ​ផ្ទះ​រួច​ឡើង​ទៅ​លើក​ឥវ៉ាន់ ខណៈ​នោះ ស្រាប់តែ​មាន​ជន​សង្ស័យ​២​នាក់​ជិះ​ម៉ូតូ​មួយ​គ្រឿង​មិន​ចាំ​ម៉ាក មក​ឈប់​រួច​ធ្វើ​សកម្មភាព​កាច់.ក ម៉ូតូ​បាន​សម្រេច​បំរុង​និង​ជិះ​គេច​ខ្លួន តែ​ត្រូវ​ម្ចាស់​ម៉ូតូ​ចុះ​មក​ទាន់ បាន​លោត​ធាក់ ហើយ​បាន​វាយ​ប្រតាយប្រតប់​គ្នា បង្ក​ការ​ភ្ញាក់ផ្អើល​ដល់​អ្នក​ធ្វើ​ដំណើរ​តាម​ផ្លូវ ស្រាប់​តែ​ពេល​នោះ​មាន​កម្លាំង​នគរបាល​ព្រហ្មទណ្ឌ​កម្រិត​ធ្ងន់​បាន​បើក​រថយន្ត​ឆ្លងកាត់​ឃើញ ហើយ​ឃើញ​ជន​សង្ស័យ​មាន​កាំភ្លើង​នៅ​ចង្កេះ ក៏​បាន​ចុះ​ពី​លើ​រថយន្ត​ហើយ​ដក​កាំ​ភ្លើង​ភ្ជង់​ទៅ​លើ​ជន​សង្ស័យ​ឲ្យ​ទម្លាក់​កាំភ្លើង​ចុះ ជន​សង្ស័យ​ក៏​បាន​ដក​កាំភ្លើង​របស់​ខ្លួន​បោះ​មក​ក្រោយ រួច​ត្រូវ​បាន​សមត្ថកិច្ច​វាយ​ខ្នោះ ក៏​ត្រូវ​បង​ប្អូន​ប្រជាពលរដ្ឋ​នាំគ្នា​ស្វាគមន៍​យ៉ាង​ចាស់​ដៃ ទើប​សមត្ថកិច្ច​នាំ​ខ្លួន​មក​សាក​សួរ​តែម្ដង។

បច្ចុប្បន្ន​ជន​សង្ស័យ​ត្រូវ​បាន​សមត្ថកិច្ច​ធ្វើការ​សាកសួរ​នៅ​ប៉ុស្តិ៍​នគរបាល​បឹង​ទំពុន និង​ធ្វើការ​ស្រាវជ្រាវ​តាម​ចាប់​បក្ស​ពួក​ម្នាក់​ទៀត​ជា​បន្ត ដើម្បី​ចាត់​ការ​តាម​ផ្លូវ​ច្បាប់៕

សូម​ទស្សនា​សេចក្ដី​រាយការណ៍​ពី​ប៉ុស្តិ៍​ននគរបាល​បឹង​ទំពុន