បាញ់រះជាច្រេីនគ្រាប់ ដែលដំណឹងបឋម ស្លាប់១នាក់ របួសធ្ងន់៣នាក់ រីឯជនប្រដាប់អាវុធទាំង២នាក់ រត់ចូលព្រៃបាត់ ខណៈនេះសមត្ថកិច្ចកំពុងធ្វេីការ!

ដកស្រង់បន្តពី [ABC FB] ហេតុការណ៍បាញ់រះជាច្រេីនគ្រាប់ មានអ្នកស្លាប់១នាក់ របួសធ្ងន់ ៣នាក់ នៅក្នុងស្នាក់ការសង្កាត់រដ្ឋបាលព្រៃឈើក្រាំងស្គារ

ខេត្តកំពង់ឆ្នាំង ៖ សេចក្ដីរាយការណ៍ពីអ្នកឃេីញហេតុការណ៍ផ្ទាល់បានប្រាប់ឲ្យវិទ្យុABC ដឹងភ្លាមៗថា ៖ មុននេះបន្តិចមានហេតុការណ៍បាញ់រះជាច្រេីនគ្រាប់ជាប់ៗគ្នា នៅក្នុងស្នាក់ការសង្កាត់រដ្ឋបាលព្រៃឈើក្រាំងស្គារ ដែលបណ្ដាលឲ្យបុរស១នាក់ស្លាប់ និង៣នាក់ទៀតត្រូវគ្រាប់កាំភ្លេីងជាច្រេីនគ្រាប់ រងរបួសធ្ងន់ ស្ថិតភូមិក្ដុលសែនជ័យ ឃុំក្ដុលសែនជ័យ ស្រុកទឹកផុស ខេត្តកំពង់ឆ្នាំង នាវេលាម៉ោង១៩៖៤៥នាទីយប់ ថ្ងៃទី២៣ ខែឧសភា ឆ្នាំ២០១៧នេះ ។ ភ្លាមៗនោះជនមិនស្គាល់មុខ២នាក់ប្រដាប់ដោយកាំភ្លេីង បានចូលទៅយកកាំភ្លេីងAK ហេីយរត់គេចខ្លួនបាត់ ។

បេីយោងតាមសមត្ថកិច្ចបានប្រាប់ឲ្យវិទ្យុABC ដឹងបន្ថែមទៀតថា ជនរងរបួស និងស្លាប់ក្នុងហេតុការណ៍បាញ់រះជាច្រេីនគ្រាប់នេះមាន ៖ 

១, អ្នកស្លាប់ឈ្មោះ សឹង ហាត ភេទប្រុស តួនាទី ជាមន្ត្រីសង្កាត់រដ្ឋបាលព្រៃឈើក្រាំងស្គារ ឬ(មេព្រៃ)ក្ដុលសែនជ័យ ។ 

២, ឈ្មោះ អ៊ុក ណាន់ ភេទប្រុស តួនាទីជាមេបញ្ជាការរង កងរាជអាវុធហត្ថស្រុកទឹកផុស (រងរបួស)។ 

៣, ឈ្មោះ លូ គឹមលន ជាមន្ត្រីយោធា (រងរបួស) 

៤, ឈ្មោះ ម៉ៅ សារ៉ាត់ ហៅតាលន ជាប្រជាពលរដ្ឋ រស់នៅទល់មុខសង្កាត់រដ្ឋបាលព្រៃឈើ (រងរបួស)។

ខណៈនេះកម្លាំងសមត្ថកិច្ចជំនាញចុះដល់កន្លែងហេតុ បើកការស្រាវជ្រាវ ដើម្បីតាមចាប់ខ្លួនជនដៃដល់យកមកផ្តន្ទាទោសតាមច្បាប់ហើយដែរ ។ ដោយខណៈនេះABC មិនទាន់ទទួលបានពីមូលហេតុច្បាស់លាស់ទាក់ទងនឹងហេតុការណ៍បាញ់រះជាច្រេីនគ្រាប់នោះនៅឡេីយទេ។ 

សូមរងចាំព័ត៌មានបន្ថែមABCនឹងជម្រាបជូនបន្ត ឬបេីកស្ដាប់វិទ្យុABC 107.5 FM

បេីមានអ្វីបន្ទាន់ៗ ចោរ លួច ឆក់ ប្លន់ត្រូវការសមត្ថកិច្ចចុះអន្តរាគមន៍ ត្រូវការឡានពេទ្យ ត្រូវការឡានពន្លត់អគ្គិភ័យ ប្រទះឃេីញ​មនុស្សវង្វេង ឬបាត់ក្មេង និងអ្វីបន្ទាន់ៗ ប្រិយមិត្តអាចរាយការណ៍មកវិទ្យុABC កម្ពុជា 107.5 FM (ប្រត្តិកម្មបន្ទាន់)  តាមរយៈលេខទូរស័ព្ទ (HOTLINE 24/h) 010 231010 / 012231010 / 070 231010 / 077 231010 / 087 232323