សាន ស្រីឡៃ ស្លាប់ទៅនៅមិនទាន់ ថតរឿងភាគលើកដំបូងក្នុងជីវិតនៅឡើយទេ ខណៈដែលសពកំពុងតម្កល់ធ្វើបុណ្យនៅវត្តសែនសុខ និងបូជានៅថ្ងៃទី១៨ស្អែកនេះ

[ពិភពចែករំលែក - World Share]
រាជធានីភ្នំពេញ ៖ ដំណឹងមរណភាពរបស់តារាចម្រៀង ប្រចាំផលិតកម្មហង្សមាស អ្នកនាង សាន ស្រីឡៃ បានធ្វើឲ្យកក្រើកពេញផ្ទៃប្រទេស។ ដំណឹងពីក្រុមការងារផលិតកម្មបានបញ្ជាក់ថា តារាស្រីរូបនេះនៅមិនទាន់បញ្ចប់កគម្រោងថតភាពយន្តភាគដែលនាងសម្តែងលើកដំបូងនៅឡើយទេ។

​មរណភាពរបស់តារាចម្រៀង សាន ស្រីឡៃ បានបន្សល់ទុកនៅនូវភាពសោកស្តាយ និងអាលោះអាល័យខ្លាំងសម្រាប់មហាជន និងមិត្តរួមអាជីព។ តាមការទម្លាយរបស់ផលិតករ និងសិល្បករដែលរួមការងារបានបញ្ជាក់ថា តារាស្រី វ័យ២៤ឆ្នាំរូបនេះ ទើបនឹងចាប់ផ្តើមចេញថតរឿងភាគ ជាលើកដំបូងរបស់ខ្លួន គឺរឿង ”រាជនីភូមិគ្រឹះ” ដែលនាងសម្តែង ជាតួអង្គកាចឆ្នាសឆ្នើម និងគូជាមួយ ម្ចាស់ជ័យលាភី The Voice Cambodia រដូវកាលទី២ គឺលោក ថែម ថៃ។ ដោយភាពយន្តភាគនេះ ទើបនឹងចាប់ផ្តើមសម្តែង បានប្រមាណជាង២០ភាគរយប៉ុណ្ណោះ ក្នុងនោះក៏មានឈុតឆាកសំខាន់ៗជាច្រើនដែលអ្នកនាងរួមសម្តែងផងដែរ។

ប្រភពបន្តថា ជាស្នាដៃសម្តែងលើកដំបូងអ្នកនាងប្រឹងប្រែងខ្លាំង បើទោះបីជាពេលខ្លះការចេញទៅសម្តែងរបស់នាងទាំងគ្មានអារម្មណ៍ក្នុងខ្លួនព្រោះតែការតាមរំខានពីអតីតស្វាមីផងដែរ។ ក្រុមផលិតករ និងសិល្បករដែលត្រូវចេញ ទៅសម្តែងនៅថ្ងៃទី១៧-១៨ ខែតុលា ឆ្នាំ២០១៧នេះ ក៏ត្រូវរំសាយបណ្តោះអាសន្នផងដែរ ហើយគេនៅមិនទាន់ដឹងនៅឡើយទេថា​តារាសម្តែងរូបណានឹងត្រូវជំនួសរូបនាងនោះដែរ។

​គួរបញ្ជាក់ដែរថា សាន ស្រីឡៃ អតីត The Voice Cambodia ត្រូវបានអតីតស្វាមីគឺលោក ជ័យ រិន ជាមន្ត្រីគយបាញ់សម្លាប់ចំនួន៣គ្រាប់កាលពីវេលាម៉ោងជាង៤ល្ងាចថ្ងៃទី១៦តុលា២០១៧នេះនៅម្ដុំទូរទស្សន៍អប្សរា សង្កាត់បឹងកេងកង១ ខណ្ឌចំការមន ភ្នំពេញ ។ ដើមហេតុនៃការសម្លាប់នេះត្រូវបានគេទម្លាយថាកើតឡើងពីការប្រច័ណ្ឌ។

ខណៈនេះសពនាងបាននឹងកំពុងធ្វើបុណ្យតាមទំនៀមទម្លាប់ប្រពៃណីខ្មែរនៅក្នុងបរិវេណវត្តសែនសុខ  ខណ្ឌសែនសុខ ភ្នំពេញ នឹងត្រូវរៀបចំបូជាតាមទំនៀមទម្លាប់ នៅថ្ងៃសុក្រទី១៨ ខែតុលា ឆ្នាំ២០១៧ សប្តាហ៍នេះ៕

Breaking News | ផឹកស៉ីច្រៀងឌឺដងគ្នា ប៉ូលីសព្រហ្មទណ្ឌម្នាក់ ទាញកាំភ្លើងបាញ់៣គ្រាប់ ប្រហារសន្តិសុខម្នាក់ស្លាប់ទាំងយប់!​

[ពិភពចែករំលែក]
រាជធានីភ្នំពេញ ៖ នៅវេលាម៉ោង១៩:៤០នាទីយប់ ថ្ងៃទី១៤ ខែតុលា ឆ្នាំ២០១៧នេះ មានករណីឃាតកម្មមួយ កើតឡើងនៅចំណុចហាងលក់គ្រឿងក្លែម មួយកន្លែងស្ថិតនៅផ្លូវលំក្រុមទី១១ ភូមិទ្រា សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ ។​

ជនរងគ្រោះឈ្មោះ សែម ប៊ុនថន ភេទប្រុស អាយុ៥០ឆ្នាំ ជាអតីតសន្តិសុខផ្សារស្ទឹងមានជ័យ បច្ចុប្បន្នធ្វើជា សន្តិសុខក្រុមហ៊ុនឯកជន នៅពោធ៍សែនជ័យ ស្នាក់នៅផ្ទះជួលភូមិទ្រា ស្លាប់នៅកន្លែងកើតហេតុ​។​

ជនល្មើសឈ្មោះសាន បុរី ភេទប្រុស អាយុ38ឆ្នាំ ជាមន្ត្រីនគរបាលព្រហ្មទណ្ឌ កំរិតស្រាលក្រុងភ្នំពេញ ស្នាក់នៅផ្ទះលេខ៣១២ ក្រុម១១ ភូមិទ្រា សង្កាត់ស្ទឹងមានជ័យ១។​

#ដំណើររឿង ៖ ជនបង្កហេតុដែលជាអ្នកធ្វើការប៉ូលីស ព្រហ្មទណ្ឌកម្រិតស្រាល បានចូលទៅហាងផឹកស៊ី គ្រឿងក្លែម កើតហេតុខាងលើ ក៌មានការច្រៀងលេង ផឹកស៊ីដឺដងជាមួយជនរងគ្រោះដែលជាសន្តិសុខឯកជន រំពេចក្រោយមក ជនបង្កហេតុខឹងសម្បារ និងសន្តិសុខឯកជននោះក៏ចេញទៅផ្ទះយកកាំភ្លើងម៉ាករ៉ូឡូ មកបាញ់តំរង់ទៅជនរងគ្រោះចំនួន៣គ្រាប់ ស្លាប់នៅកន្លែងតែម្តង ។ សូមបញ្ជាក់ដែលថា ជនបង្កហេតុពីមុន ក៌ធ្លាប់ផឹកស៊ី ខឹងប្រពន្ធ រួចទាញកាំបិតអារក ប្រពន្ធខ្លួនឯងម្តងរួចហើយ តែប្រពន្ធ័រត់ចេញផុត ។

ក្រោយកើតហេតុភ្លាមៗនោះជនសង្ស័យក៏ត្រូវបានកម្លាំងសមត្ថកិច្ចចេញអន្តរាគមន៍ឃាត់ខ្លួនបានភ្លាមៗនិងនាំមកប៉ុស្តិ៍នគរបាលរដ្ឋបាលស្ទឹងមានជ័យ១ ដើម្បីធ្វើការសាកសួរនិងកសាងសំនុំរឿងតាមច្បាប់។​

ពិភពចែករំលែក

ខណៈនេះអ្នកស្លាប់កើនឡើងជាង៥០នាក់ និងជាង២០០នាក់ រងរបួសនៅក្នុងករណីបាញ់ប្រហារយ៉ាងសាហាវព្រៃផ្សៃនៅទីក្រុង Las Vegas អាមេរិក

[ពិភពចែករំលែក-World Share]
សហរដ្ឋអាមេរិក៖ យោងតាមសារព័ត៌មានអន្តរជាតិធំៗចេញផ្សាយ Update មុននេះបន្តិចបានឲ្យដឹងថា ការបាញ់ប្រហារដ៏សាហាវព្រៃផ្សៃមួយបានកើតមានឡើងនៅ​ក្នុងការប្រគុំតន្ត្រី​ដ៏ធំមួយ ក្នុងទីក្រុង ឡាស វេហ្គាស (Las Vegas) ដីល្បីល្បាញ នៃរដ្ឋ​ណេវ៉ាដា (Nevada) ភាគខាងលិច​សហរដ្ឋ​អាមេរិក នៅពេលនេះមានមនុស្សស្លាប់កើនឡើង រហូតដល់ទៅជាង៥០នាក់ និងរបួសជាង២០០នាក់ផ្សេងទៀត។

ប៉ូលិសអាមេរិកអះអាងថា ជនសង្ស័យត្រូវបានកំណត់មុខសញ្ញាហើយ ប៉ុន្តែពុំទាន់មានការបញ្ជាក់ថា វាជាអំពើភេរវកម្ម ឬក៏មិនមែននោះទេ។ ការអះអាង​ពីនាយករដ្ឋានប៉ូលិស​នៃទីក្រុង Las Vegas ជនសង្ស័យម្នាក់​បានស្លាប់ បន្ទាប់ពីបានបើក​ការបាញ់ប្រហារ​យ៉ាង​កម្រោល ទៅលើក្រុមមនុស្ស​យ៉ាងច្រើនកុះករ ដែលបាននាំគ្នា​ទៅចូលរួមក្នុង ពិធីបុណ្យប្រគុំតន្រ្តី​​ដ៏ធំមួយ ស្ថិតនៅក្បែរ​សណ្ឋាគារ-​កាស៊ីណូ ម៉ាន់ដាឡាយ បេយ (Mandalay Bay) នាវេលាយប់​ថ្ងៃអាទិត្យ (ពេលវេលានៅភាគខាងលិចសហរដ្ឋអាមេរិក)។

គួរបញ្ជាក់ថា ខណៈពេលនេះ​កម្លាំងប៉ូលិស​អាមេរិក កំពុងធ្វើការ​ស៊ើបអង្កេត ដើម្បីស្វែងរកមូលហេតុ នៅពីក្រោយហេតុការណ៍​បាញ់​ប្រហារ​ហ្វូងមនុស្ស​ម្នាដ៏សាហាវនេះ ដែលបានកើតឡើង​ចំយប់ថ្ងៃ​ចុងក្រោយ នៃពិធីបុណ្យប្រគុំ​តន្រ្តីមានឈ្មោះថា Route 91 Harvest ដែលមានរយៈ​ពេលសរុប ០៣ថ្ងៃ។ ព្រមពេល​ជាមួយគ្នា អ្នកដែលបាន​ទទួលរងរបួស​ទាំងប៉ុន្មាន ក៏ត្រូវបានបញ្ជូន​ទៅកាន់​មន្ទីរពេទ្យ ដើម្បីជួយ​សង្រ្គោះ​ជីវិតផងដែរ៕

[ពិភពចែករំលែក-World Share]