➤ពិភពចែករំលែក World Share - Blogger Network Social News Update ⇧
ហេតុការណ៍នេះដែរ បានបង្កឲ្យមានការភ្ញាក់ផ្អើលកាលពីវេលាម៉ោង៨:១០នាទីយប់ ថ្ងៃទី១៣ ខែសីហា ឆ្នាំ២០១៧ នៅត្រង់ចំណុចផ្ទះលេខ២៤ ផ្លូវ៥៨២Z ក្រុមទី១៤ ភូមិ១៣ សង្កាត់បឹងកក់២ ខណ្ឌទួលគោក រាជធានីភ្នំពេញ ។
ជនដៃដល់ដែលជាចៅប្រុសបង្កើតរបស់លោកយាយរងគ្រោះមានឈ្មោះ ឆាយ ស៊ីនហូ អាយុ២៣ឆ្នាំ មុខរបរនិងស្នាក់នៅផ្ទះកើតហេតុខាងលើ ។ ចំណែកឯលោកយាយរងគ្រោះដែលស្លាប់បាត់បង់ជីវិតមានឈ្មោះ ក្រួច សុខាអាយុ៧៨ឆ្នាំ ស្នាក់នៅផ្ទះកើតហេតុខាងលើ ។
បើយោងតាមសម្តីនារីម្នាក់ឈ្មោះ លឹម តាលីដា អាយុ២៨ឆ្នាំមុខរបរ អ្នកគិតលុយក្នុងហាង ដែលជាបងស្រីបង្កើតជនដៃដល់និងជាចៅស្រីបង្កើតរបស់លោកយាយរងគ្រោះបាននិយាយប្រាប់ឲ្យដឹងថា មុនពេលកើតហេតុ នាងឃើញជនដៃដល់បានសុំលោកយាយរងគ្រោះទៅបើកទ្វារឡើងដំបូលផ្ទះ ដោយត្អូញថាក្តៅដោយលោកយាយបាននិយាយថាមិនអោយបើកព្រោះមេឃជិតភ្លៀងហើយ រួចលោកយាយរងគ្រោះក៏ចុះពីជាន់ឡៅតឿនៅខាងលើមកជាន់ផ្ទាល់ដី ហើយអង្គុយអានគម្ពីរដោយលោកយាយកាន់សាសនាគ្រឹះ ។ ខណៈពេលនោះជនបង្កដែលជាចៅបានខឹងនិងលោកយាយជាខ្លាំងព្រោះតែមិនអោយឡើងបើកដំបូល និងអានគម្ពីរឮៗផង ស្រាប់តែជនបង្ក(ដែលជាចៅ)បានទៅយកដំបងឈើជ្រុងប្រវែងប្រហែល១ម៉ែត្រ មកសំពងក្បាលលោកយាយជាច្រើនលើក បណ្តាលអោយផុងលលាយ៍ក្បាលហូរឈាមស្រោចខ្លួន រងរបួសយ៉ាងធ្ងន់ធ្ងរតែម្ដង ។
នារីម្នាក់ដែលជាចៅលោកយាយរងគ្រោះបានប្រាប់បន្តខណៈពេលដែរឃើញហេតុការណ៍នេះកើតឡើងខ្លួននាងមិនហ៊ានចូលទៅជួយនោះទេដោយខ្លាចជនបង្កដែលជាប្អូនមកវាយខ្លួនដែរព្រោះតែកន្លងមកជនបង្កតែងតែអុកឡុកក្នុងផ្ទះនៅពេលខឹងអ្នកផ្ទះស្តីបន្ទោសណែរនាំម្តងៗហើយជនបង្កនេះជាមនុស្សសរសៃប្រសាទទៀតផង។នាងបានបន្តថាបន្ទាប់ពីជនបង្កបានបានបង្កហេតុរួចរូបគេដែលជាជនដៃដល់ក៏បានដើរចូលទៅក្នុងបន្ទប់ទឹករួចនាងក៏បានពិងពាក់អ្នកជិតខាងឲ្យជួយដឹកលោកយាយតាមម៉ូតូរ៉ឺម៉កកង់បីមកមន្ទីរពេទ្យព្រះកុសុមៈ(ពេទ្យលោកសង្ឃ)និងបានទៅប្ដឹងសមត្ថកិច្ចមូលដ្ឋានផងដែរ ។
បន្ទាប់ពីដឹកលោកយាយរងគ្រោះមកដល់មន្ទីរពេទ្យជាអកុសលលោក យាយបានដាច់ខ្យល់ស្លាប់បាត់បង់ជីវិតទៅហើយ ។ ក្រោយពីទទួលបានដំណឹងខាងលើនេះ ក៏ចុះទៅឃាត់ខ្លួនជនបង្កនិងវត្ថុតាងយកមកសាកសួរនាំនៅប៉ុស្តិ៍បឹងកក់២ភ្លាមៗ និងកសាងសំណុំរឿងបញ្ចូនទៅកាន់អធិការដ្ឋាននគរបាលខណ្ឌទួលគោក ដើម្បីចាត់ការបន្តតាមនីតិវិធីច្បាប់នៅពេលក្រោយ ។
ក្រោយពេលកើតហេតុសមត្ថកិច្ចមូលដ្ឋាននិងសមត្ថកិច្ចជំនាញខាងកោសល្យវិច័យ បានចុះមកដល់សាលកម្កល់សព ដើម្បីពិនិត្យនិងរៀបចំឯកសារ ហើយក៏ប្រគល់សពឲ្យទៅកូនចៅនៃក្រុមគ្រួសារយកទៅធ្វើបុណ្យតាមប្រពៃណី ៕
ទស្សនាវិដេអូខាងក្រោម :
➤ពិភពចែករំលែក World Share - Blogger Network Social News Update ⇧