ឆ្មក់ចូលឆែកឆេរផ្ទះសំណាក់ណាវី ទៀតហើយ! ឃាត់ខ្លួនជនសង្ស័យប្រុសស្រី៣នាក់ ព្រមទាំងគ្រឿងញៀន៤កញ្ចប់ធំ

➤ពិភពចែករំលែក World Share - Blogger Network Social News Update ⇧

រាជធានីភ្នំពេញ ៖ ផ្ទះសំណាក់ ណាវី បើករៀងរាល់ថ្ងៃ២៤ម៉ោងលើ២៤ម៉ោង គេឃើញ ក្មេងស្ទាវៗទាំងប្រុសទាំងស្រី ចេញចូលទីតាំងផ្ទះសំណាក់កំពុងពេញនិយមនេះ ដែលជាផ្ទះសំណាក់ធ្លាប់ពាក់ព័ន្ឋនិងការបង្ក្រាបគ្រឿងជាច្រើនករណីរួចហើយ នៅបន្តបើកទ្វារ បម្រើអតិថិជនបានដដែល ជាក់ស្ដែងកាលពីវេលាម៉ោង ១:៣០នាទីរសៀល ថ្ងៃទី២៥ ខែកក្កដា ឆ្នាំ២០១៧ ជនសង្ស័យ៣នាក់ (ប្រុសម្នាក់និងនារីរូបស្រស២នាក់ទៀត) ព្រមថ្នាំញៀន ៥កញ្ចប់ធំ ត្រូវបានកម្លាំងសមត្ថកិច្ចក្រុង បានសហការជាមួយសមត្ថកិច្ចខណ្ឌមានជ័យ ឆ្មក់ចូលបង្ក្រាបបាន ក្រោយធ្វេីការស្រាវជ្រាវ ប្រត្តិបត្តការណ៍នេះចុះបង្ក្រាប នៅចំណុចផ្ទះសំណាក់ យីហោ ណាវី នៅតាមបណ្ដោយផ្លូវជាតិលេខ២ ភូមិព្រែកនូ សង្កាត់ចាក់អង្រែលេី ខណ្ឌមានជ័យ ។

ជនសង្ស័យទាំង៣នាក់ដែលត្រូវសមត្ថកិច្ចឃាត់ខ្លួនមានឈ្មោះទី១ ឈ្មោះ សុន ពិសិដ្ឋ ភេទប្រុស មុខរបរមិនពិតប្រាកដ និងស្រីពីរនាក់ទៀតតែមិនបានស្គាល់អត្តសញ្ញាណ ។

សមត្ថកិច្ចបានបន្ដទៀតថា ជនសង្ស័យទាំង៣នាក់ជាមុខសញ្ញាចាស់ ក្រោយពេលមានការស្រាវជ្រាវទេីបកំណត់មុខសញ្ញាបាន ទេីបឈានមកដល់ឃាត់ជនសង្ស័យទាំង៣ នាក់ ក្រោយធ្វេីការឆែកឆេរនៅកន្លែងកេីតហេតុសមត្ថកិច្ចបានរកឃេីញនូវថ្នាំញៀនចំនួន ៥កញ្ចប់ធំនិងសម្ភារៈមួយចំនួន ។

តាមច្បាប់ស្តីពីគ្រឿងញៀន បានចែងថា រាល់ទីតាំង ឬម្ចាស់អាជីវកម្មណា ដែលពាក់ព័ន្ឋបញ្ហាគ្រឿង ញៀន និងយោងតាម បទបញ្ជារបស់ សាលារាជធានីភ្នំពេញ ទីតាំងនោះ ឬអាជីវកម្មនោះ ត្រូវបិទការធ្វើអាជីវកម្ម ជាបណ្តោះអាសន្ន។ ប៉ុន្តែរហូតមកដល់ពេលនេះ គេឃើញអាជីវកម្ម ផ្ទះសំណាក់ ណាវី ដែលពាក់ព័ន្ឋនឹងបញ្ហាគ្រឿងគ្រឿងជាច្រើនករណីហើយ នៅបើកទ្វារ បម្រើអតិថិជនបានដដែល ព្រោះជារៀងរាល់ថ្ងៃគេឃើញ ក្មេងស្ទាវៗទាំងប្រុសទាំងស្រី ចេញចូលទីតាំងផ្ទះសំណាក់កំពុងពេញនិយមនេះ។

បច្ចុប្បន្នជនសង្ស័យទាំង៣នាក់និងវត្ថុតាងត្រូវបានកម្លាំងសមត្ថកិច្ចក្រុងយកទៅដេីម្បីកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ចាត់ការតាមនីតិវិធីច្បាប់ ៕