(សៀមរាប)៖ សាលាដំបូងខេត្តសៀមរាប នៅល្ងាចថ្ងៃទី១៨ ខែមេសានេះ បានសម្រេចឃុំខ្លួន ស្ត្រីម្ចាស់ហាង បារាយណ៍ស្ប៉ា ស្ថិតក្នុងតំបន់កម្សាន្ត Pub Street ក្រុងសៀមរាប បន្ទាប់ពីធ្វេសប្រហែសរាយខ្សែភ្លើង បណ្តាលឲ្យឆក់យុវតីម្នាក់ស្លាប់ នៅយប់ថ្ងៃទី១៦ ខែមេសា ឆ្នាំ២០១៧ ដែលជាយប់ចុងក្រោយ នៃពិធីបុណ្យចូលឆ្នាំថ្មី។
នាងខ្ញុំសុំចេញសារមួយបកស្រាយចំពោះការមរណៈភាពរបស់ប្អូនស្រីនាងខ្ញុំឈ្មោះ លី មុនីរដ្ធានី ទៅដល់បងប្អូនទាំងនៅក្នុងបណ្តាញសង្គម Facebook អោយបានដឹងនឹងជ្រាបច្បាស់
នៅយប់ថ្ងៃទី16 ខែ មេសា ឆ្នាំ 2017 ជាយប់ថ្ងៃចូលឆ្នាំបង្ហេីយខ្ញុំនិងប្អូនស្រីនាងខ្ញុំរួមទាំងមិត្តភក្តិខ្ញុំចំនួន7នាក់ទៀតបានទៅលេងកំសាន្តនៅតំបន់ Pub Street ហេីយពួកខ្ញុំបានឈរលេងបាញ់ទឹកជាមួយគ្នានៅមុខហាងមួយកន្លែងមានឈ្មោះថា អង្គរហ៊ីប & ផ្ទះម៉ាស្សា Baray Spa ពួកខ្ញុំលេងរហូតដល់វេលាម៉ោង 11:40 នាទីយប់ដោយសារតែលេងហត់ហេីយឃ្លានផងក៏បានហៅដំឡូងបំពងមួយចានមកញាុំជាមួយគ្នានឹងត្រៀមរៀបចំទៅផ្ទះទៅហេីយប៉ុន្តែដោយចៃដន្យប្អូននាងខ្ញុំបានទៅច្រត់ដៃទៅលេីបង្គោលដែកតូចមួយដែលនៅចន្លោះកណ្តាលនៃហាងទាំងពីរនោះ (អង្គរហេុីប & ផ្ទះម៉ាស្សា Baray Spa) តែភ្លាមៗនោះខ្ញំបានឃេីញប្អូនស្រីខ្ញុំឆក់ រួចខ្ញុំក៏ស្ទុះទៅជួយក៏ឆក់រួមទាំងខ្ញុំផងដែរ ហេីយពេលនោះមានមិត្តភកិ្តប្រុសម្នាក់មកជួយទាញសង្រ្គោះខ្ញុំនឹងប្អូនស្រីខ្ញុំរួចគេក៏ចាប់បីប្អូនខ្ញុំសង្រ្គោះបឋមហេីយក៏ឃេីញមិនស្រួលមិត្តភក្តិខ្ញុំទាំងអស់បានជួយនឹងចាប់បីប្អូនខ្ញុំរត់យកទៅពេទ្យបង្អែកខេត្តសៀមរាប ខ្ញុំនឹងមិត្តខ្ញុំខ្លះបានស្រែកទៅជួយវែកសុំផ្លូវដេីម្បីយកប្អូនទៅពេទ្យសង្រ្គោះបន្ទាន់នៅពេទ្យបង្អែកខេត្តសៀមរាមហេីយខ្ញុំក៏ទូរសព្ទ័ទៅបងស្រីបង្កេីត ដែលមកលេងនៅសៀមរាបជាមួយមិត្តគាត់ដែល ប៉ុន្តែដោយអកុសលប្អូនខ្ញុំបានផុតទៅហេីយ ដោយសារតែបងស្រីបង្កេីតខ្ញុំមិនអស់ចិត្ត ក៏បានបញ្ចូនទៅមន្ទីពេទ្យរ៉ូយ៉ាល់អង្គរបន្តទៀត ប៉ុន្តែនៅតែមិនអាចជួយប្អូនបាន ។
ជាអកុសលខ្លាំងមែនទែននៅក្នុងឆាកជីវិតនាងខ្ញុំ ដោយនាងខ្ញុំនេះជាបងស្រីមិនអាចជួយប្អូនសោះ ប្អូនខ្ញុំទេីបតែមានអាយុ13 ឆ្នាំ នឹងឈាន ចូល 14 ឆ្នាំទៅហេីយមិនគួរណាប្អូនកេីតរឿងបែបនេះសោះ
ជាចុងក្រោយនាងខ្ញុំ លី មុនីនាថ នឹងគ្រួសារខ្ញុំទាំងមូលសុំសំនូមពរដល់សមត្ថកិច្ចជួយរកយុត្តិធម៏ ឲប្អូនស្រីនាងខ្ញុំផង និង សំនូមពរដល់សារព័ត៌មានទាំងអស់ឈប់ចេញផ្សាយព័ត៌មានមិនពិតទៀត ហេីយនៅពេលនេះក្រុមគ្រួសារខ្ញុំទាំមូលកុំពុងតែមានទុក្ខធំជាទម្ងន់សុំមេត្តាពុកម៉ែបងប្អូនព្រមទាំមិត្តភក្តិទាំងអស់សុំចូលរួមរំលែកទុក្ខដល់ប្អូនស្រីខ្ញុំផង ។ ឥឡូវនេះសពកំពុងតែតង្កល់ធ្វេីបុណ្យនៅគេហដ្ធាន ភូមិមុខខេត្ត សង្កាត់រកាធំ ក្រុងច្បារមន ខេត្តកំពង់ស្ពឺ។
ជាការគោរពអញ្ចេីញ ឯកឧត្តម លោកជំទាវ អ្នកឧញ៉ា លោកលោកស្រីទាំងអស់ជាភ្ញៀវកិត្តិយស ៕
មន្ត្រីជាន់ខ្ពស់នៅតុលាការខេត្តសៀមរាប បានបញ្ជាក់ប្រាប់នៅថ្ងៃទី១៨ ខែមេសានេះថា បន្ទាប់ពីព្រះរាជរង លោក សំរិទ្ធ សុខន សាកសួរចម្លើយ និងសម្រេចចោទប្រកាន់ស្ត្រីម្ចាស់ហាង ឈ្មោះ មាស សុភ័ក្រ ភេទស្រី អាយុ៣៦ឆ្នាំ ពីបទមនុស្សឃាតដោយអចេតនា ហើយត្រូវបានតុលាការ សម្រេចឃុំខ្លួនផងដែរ។
សូមជម្រាបថា នៅរសៀលថ្ងៃទី១៨ ខែមេសានេះ កម្លាំងនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តសៀមរាប បាននាំខ្លួនម្ចាស់ហាង បារាយណ៍ស្ប៉ា ទៅតុលាការ បន្ទាប់ពីធ្វើការស្រាវជ្រាវ ករណីយុវតីម្នាក់បានស្លាប់ ដោយសារឆក់ខ្សែភ្លើង នៅក្នុងតំបន់កម្សាន្ត Pub Street ហើយរកឃើញថា ម្ចាស់ហាងម៉ាស្សាខាងលើ បានធ្វេសប្រហែសធ្ងន់ធ្ងរ ដោយបានរាយខ្សែភ្លើងមិនត្រឹមត្រូវ ទើបបណ្តាលឲ្យមានករណី ឆក់យុវតីម្នាក់នោះស្លាប់។
យុវតីវ័យក្មេងស្រស់ស្អាតម្នាក់ ឈ្មោះ លី មុនីរដ្ឋានី អាយុ១៤ឆ្នាំ មានលំនៅដ្ឋាននៅក្រុងច្បារមន ខេត្តកំពង់ស្ពឺ បានស្លាប់ដោយសារឆក់ខ្សែភ្លើង នៅតំបន់កម្សាន្ត Pub Street នៅក្នុងក្រុងសៀមរាប
នៅយប់ថ្ងៃទី១៦ ខែមេសា ឆ្នាំ២០១៧ ដែលថ្ងៃចុងក្រោយនៃពិធីបុណ្យចូលឆ្នាំថ្មី ប្រពៃណីខ្មែរ ខណៈរូបគេកំពុងតែរាំកម្សាន្ត តែជាអកុសលហួសពេលទៅហើយ៕
