បេីតាមការផ្សាយផ្ទាល់របស់ Page ABC FB កាលពីវេលាម៉ោងជាង៧យប់ ថ្ងៃទី១៥ ខែមេសា ឆ្នាំ២០១៧ ដែលត្រូវនឹងថ្ងៃចូលឆ្នាំថ្មីប្រពៃណីខ្មែរថ្ងៃទី២នោះ មានករណីគ្រោះថ្នាក់ចរាចរណ៍ ម៉ូតូធំបុកម៉ូតូ Wave ពណ៍ក្រហម ស្លាកលេខកំពត 1B-4714 បណ្តាលឲ្យមនុស្សស្រីប្រុស ២នាក់ស្លាប់ភ្លាមៗ យ៉ាងអាណោចអាធម៍ និងបុរសម្នាក់ទៀតរងរបួសធ្ងន់ បាក់ដៃ និងបាក់ភ្លៅ ។
ហេតុការណ៍គ្រោះថ្នាក់ចរាចរណ៍ដ៏រន្ធត់នេះកេីតឡេីងកាលពីវេលាម៉ោង០៧៖១០នាទីយប់ ថ្ងៃទី១៥ ខែមេសា ឆ្នាំ២០១៧នេះ ស្ថិតនៅបណ្តោយវិថីសម្ដេចតេជោ (ហៅផ្លូវ៦០ម៉ែត្រ) ចំណុចព្រំប្រទល់ មុំ៣ ទី១ ជាប់សង្កាត់ចាក់អង្រែក្រោម ខណ្ឌមានជ័យ ទី២ជាប់សង្កាត់ជេីងឯក ខណ្ឌដង្កោ និងទី៣ ជាប់ខេត្តកណ្ដាល ។
ជនរងគ្រោះរបួសធ្ងន់ត្រូវបានរថយន្តសង្គ្រោះរបស់មន្ទីរពេទ្យបង្អែកជ័យជំនះ ដឹកយកទៅមន្ទីរពេទ្យលោកសង្ឃ ។
បេីតាមសេចក្ដីរាយការណ៍បញ្ជាក់ពីក្រុមការងារវិទ្យុABC នៅកន្លែងកេីតហេតុបានឲ្យដឹងថា សាកសពជនរងគ្រោះប្រុសស្រីទាំង២នាក់ មិនទាន់ស្គាល់អត្តសញ្ញាណច្បាស់លាស់នៅឡេីយទេ ហេីយត្រូវបានខាងមន្ត្រីជំនាញនគរបាលចរាចរណ៍ក្រុងធ្វេីការវាស់វែងរួចប្រគល់ ឲ្យរថយន្តដឹកសព ដឹកយកទៅវត្តទឹកថ្លា ដេីម្បីរងចាំការប្រកាសស្វែងរកក្រុមគ្រួសារសាច់ញាតិ យកសពទៅធ្វេីបុណ្យតាមប្រពៃណី។
សូមបងប្អូនជួយ Share ចែករំលែកបន្តផងព្រោះសពជនរងគ្រោះប្រុសស្រីទាំង២នាក់ ជិះម៉ូតូ Wave ពណ៍ក្រហម ពាក់ស្លាកលេខកំពត 1B-4714 មិនទាន់ស្គាល់អត្តសញ្ញាណច្បាស់លាស់នៅឡេីយទេ និងត្រូវបានដឹកយកទៅរក្សាទុកនៅវត្តទឹកថ្លា រងចាំការប្រកាសស្វែងរកក្រុមគ្រួសារសាច់ញាតិសិន ដេីម្បីយកទៅធ្វេីបុណ្យតាមប្រពៃណីព្រះពុទ្ធសាសនា។
