រាជធានីភ្នំពេញ ៖ មានហេតុការណ៍គ្រោះថ្នាក់ចរាចរណ៍ដ៏រន្ធត់ទាំងយប់ទៀតហេីយ រវាងម៉ូតូ២គ្រឿង បុកគ្នាពេញទំហឹង លាន់ដូចរន្ទះបណ្តាលឱ្យមនុស្សចំនួន២នាក់ស្លាប់ និង២នាក់ទៀតរងរបួសធ្ងន់។
ហេតុការណ៍ដ៏រន្ធត់មួយនេះបានកើតឡើងកាលពីវេលាម៉ោង១០៖៣០នាទីយប់ ថ្ងៃទី២២ ខែមេសាឆ្នាំ២០១៧ ស្ថិតតាមបណ្តោយផ្លូវជាតិលេខ៤ ក្នុងភូមិថ្មដា សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះទាំង២នាក់ដែលបានបង់ជីវិតនោះ
- ឈ្មោះ សុីម ដា អាយុ៣១ឆ្នាំ ស្នាក់នៅភូមិគោកពពេល ឃុំរមាសហែក ស្រុកអង្គស្នួល ខេត្តកណ្តាល ជិះម៉ូតូឌ្រីស៊េរីឆ្នាំ២០១៥។
- ឈ្មោះ ហែម ណាន អាយុ៣៥ឆ្នាំ ស្នាក់នៅស្រុកអង្គស្នួល ខេត្តកណ្តាលមានស្រុកកំណើតនៅខេត្តព្រៃវែង ជិះម៉ូតូឌ្រីស៊េរីឆ្នាំ២០១៦។
ប្រភពពត៌មានពីកន្លែងកើតហេតុបានឱ្យដឹងថានៅមុនពេលកើតហេតុដោយសាតែស្ថានភាពផ្លូវងងឹតផងនោះមានម៉ូតូមួយគ្រឿងម៉ាកឌ្រីមសេ១២៥សេរីឆ្នាំ២០១៥ពាក់ស្លាកលេខភ្នំពេញ 1CT-7890 ជិះដោយបុរស២នាកក្នុងល្បឿនយ៉ាងលៀនទិសដៅពីលិចទៅកើតលុះមកដល់ចំណុចកើតហេតុក៏បានវ៉ារថយន្តមួយគ្រឿងទៀតមិនស្គាល់ម៉ាកនិងស្លាកលេខដែលបើកនៅខាងមុខរួចក៏ជ្រុលចង្កូតទៅបុកជាមូយម៉ាក Dream សេ១២៥ ស៊េរីឆ្នាំ២០១៦ ពណ៌ខ្មៅ ពាក់ស្លាកលេខភ្នំពេញ 1FL−7684 ដែលកំពុងតែជិះគ្នា២នាក់ក្នុងល្បឿនលៀនជាន់ហ្រ្វាង្គមិនទាន់ក៏បុកគ្នាពេញទំហឹងដួលមកលើផ្លូវហើយត្រូវរថយន្តដែលម៉ូតូ០១៥ វ៉ាបុកថែមទៀតតែគេមិនដឹងថាបុកដោយរបៀបណានោះទេ ព្រោះកន្លែងកើតហេតុមានស្ថានភាពងងឹតខ្លាំងពេកគេគ្រាន់តែឃើញស្លាកស្នាមបន្សល់ទុកនៅកន្លែងកើតហេតុ គឺបំណែកកញ្ចក់រថយន្តប៉ុណ្ណោះហើយរថយន្តបានបេីកបន្ថែមល្បឿនរត់គេចខ្លួនបាត់ទៅហើយដោយបន្សល់ទុកឱ្យជនរងគ្រោះ ២នាក់ស្លាប់ និង២នាក់ទៀតរងរបួសធ្ងន់។
ក្រោយពេលកើតហេតុជនរងគ្រោះដែលរបួស ធ្ងន់ ត្រូវបានដឹកទៅសង្គ្រោះនៅមន្ទីពេទ្យ រីឯជនរងគ្រោះដែលស្លាប់ត្រូវបានសមត្ថកិច្ចប្រគល់ឱ្យក្រុមគ្រួសារយកទៅធ្វេីបុណ្យតាមប្រពៃណី៕
(សូមជួយ Share ចែករំលែកបន្តផង)
អត្ថបទដេីម : ចិន្តា - ប្រែសម្រួល : AhBoYz