"យុទ្ធនាការ កុំជែងទេវតា" របស់វិទ្យុABC ចែកជូនទឹកសុទ្ធ និងពន្យល់ពីច្បាប់ចរាចរណ៍ជូនអ្នកដំណើរតាមដងផ្លូវ បានទៅដល់រង្វង់មូលនាងកាន់គួរស្រូវ ខណ្ឌដង្កោហេីយ
នៅល្ងាចថ្ងៃទី១២ មេសា ២០១៧នេះ ក្រុមការងារវិទ្យុABC និងកម្លាំងនគរបាលចរាចរណ៍ និងកម្លាំងសណ្ដាប់ធ្នាប់ខណ្ឌដង្កោ រូួមគ្នាធ្វើការងារសង្គម ចែកជូនទឹកសុទ្ធ និងពន្យល់អំពីច្បាប់ចរាចរណ៍ជូនអ្នកដំណើរតាមដងផ្លូវ នៅចំណុចរង្វង់មូលនាងកាន់គួរស្រូវ (រង្វង់មូលដីក្រហម) ស្ថិតនៅផ្លូវជាតិលេខ២ ស្ថិតក្នុងខណ្ឌដង្កោ រាជធានីភ្នំពេញ ។
សូមទទួលយកភាពត្រជាក់ដោយស្នាមញញឹមពីក្រុមការងារវិទ្យុអេបីសុី និង សូមគោរពច្បាប់ចរាចរណ៍ទាំងអស់គ្នា និងសូមចងចាំថាមនុស្សជាទីស្រលាញ់របស់អ្នកនិងក្រុមគ្រួសារអ្នកកំពុងរងចាំអ្នកត្រលប់ទៅផ្ទះដើម្បីជួបជុំគ្រួសារ។
ក្នុងឱកាសបុណ្យឆ្នាំថ្មីប្រពៃណីជាតិខ្មែរ ឆ្នាំរកា នព្វស័ក ពស ២៥៦១ គស ២០១៧ យេីងខ្ញុំទាំងអស់គ្នាជាក្រុមការងារវិទ្យុABC សូមគោរពជូនពរ ប្រិយមិត្តបងប្អូនជនរួមជាតិទាំងអស់ បានជួបប្រទះតែសេចក្ដី សុខ សេចក្តីចម្រើន រកស៊ីទទួលទានមានបាន ធ្វើដំណើរទៅកាន់ទីជិតទីឆ្ងាយ សូមបានប្រកបដោយសុខ សុវត្ថិភាពគ្រប់ក្រុមគ្រួសារ និងចូលរួមគោរពច្បាប់ចរាចរណ៍អោយបានត្រឹមត្រូវទាំងអស់គ្នា!
ដោយក្ដីគោរពរាប់អានពីវិទ្យុABC
