"យុទ្ធនាការ កុំជែងទេវតា" របស់វិទ្យុABC ចែកជូនទឹកសុទ្ធ និងពន្យល់ពីច្បាប់ចរាចរណ៍ជូនអ្នកដំណើរតាមដងផ្លូវ នៅចំណុចរង្វង់មូលព្រែកសំរោង ក្រុងតាខ្មៅ ខេត្តកណ្ដាល (ថ្ងៃទី១)
ក្រុងតាខ្មៅ ៖ កាលពីល្ងាចម្សិលមិញថ្ងៃទី១១ ខែមេសា ឆ្នាំ២០១៧នេះ ក្រុមការងារវិទ្យុABC និងកម្លាំងនគរបាលចរាចរណ៍ ក្រុងតាខ្មៅ ដោយមានការចូលរួមពី លោកគ្រូ ប្រាក់ សុវណ្ណារ៉ា គ្រូបង្វឹកបាល់ទាត់ដ៏ល្បីនៅកម្ពុជា បានរូួមគ្នាធ្វើការងារសង្គម ចែកជូនទឹកសុទ្ធ ដោយស្នាមញញឹមនិងទឹកចិត្តរីករាយ និងពន្យល់អំពីច្បាប់ចរាចរណ៍ជូនអ្នកដំណើរតាមដងផ្លូវ នៅចំណុចរង្វង់ព្រែកសំរោង ក្រុងតាខ្មៅ ខេត្តកណ្ដាល ។
សូមទទួលយកភាពត្រជាក់ដោយស្នាមញញឹមពីក្រុមការងារវិទ្យុអេបីសុី និង សូមគោរពច្បាប់ចរាចរណ៍ទាំងអស់គ្នា និងសូមចងចាំថាមនុស្សជាទីស្រលាញ់របស់អ្នកនិងក្រុមគ្រួសារអ្នកកំពុងរងចាំអ្នកត្រលប់ទៅផ្ទះដើម្បីជួបជុំគ្រួសារ។
ក្នុងឱកាសបុណ្យឆ្នាំថ្មីប្រពៃណីជាតិខ្មែរ ឆ្នាំរកា នព្វស័ក ពស ២៥៦១ គស ២០១៧ យេីងខ្ញុំទាំងអស់គ្នាជាក្រុមការងារវិទ្យុABC សូមគោរពជូនពរ ប្រិយមិត្តបងប្អូនជនរួមជាតិទាំងអស់ បានជួបប្រទះតែសេចក្ដី សុខ សេចក្តីចម្រើន រកស៊ីទទួលទានមានបាន ធ្វើដំណើរទៅកាន់ទីជិតទីឆ្ងាយ សូមបានប្រកបដោយសុខ សុវត្ថិភាពគ្រប់ក្រុមគ្រួសារ និងចូលរួមគោរពច្បាប់ចរាចរណ៍អោយបានត្រឹមត្រូវទាំងអស់គ្នា!
ដោយក្ដីគោរពរាប់អានពីវិទ្យុABC
