យុវតីជាសិស្ស នៃវិទ្យាល័យជាស៊ីសាមគ្គីម្នាក់ ព្រោះតែលុយ១០ដុល្លារ ទើបបង្ខំចិត្តធ្វើចោរ (Video)

យុវតីជាសិស្ស នៃវិទ្យាល័យជាស៊ីសាមគ្គីម្នាក់ ព្រោះតែលុយ១០ដុល្លារ ទើបបង្ខំចិត្តធ្វើចោរ

រាជធានីភ្នំពេញ យុវតីជាសិស្ស នៃវិទ្យាល័យជាស៊ីសាមគ្គីម្នាក់ ត្រូវបានក្រុមអាជីវករលក់ដូរ សម្លៀកបំពាក់ នៅក្នុងផ្សារស្ទឹងមានជ័យថ្មី ធ្វើការឃាត់ខ្លួនប្រគល់ជូនសមត្ថកិច្ចប៉ុស្តិ៍រដ្ឋបាលនគរបាល ស្ទឹងមានជ័យ ក្រោយធ្វើសកម្មភាពចូលទៅលួចយកខោអាវ១កំផ្លេរ បង្កអោយមានការភ្ញាក់ផ្អើលកាល ពីវេលាម៉ោង ១០៖០០នាទីព្រឹកថ្ងៃទី ២២ ខែមិថុនា ឆ្នាំ២០១៧ ស្ថិតក្នុងផ្សារស្ទឹងមានជ័យចាស់ ក្នុងសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។ យុវតីខាងលើ សមត្ថកិច្ចសុំមិនបញ្ចេញឈ្មោះ អាយុ១៧ ជាសិស្សថ្នាក់ទី១១ នៃវិទ្យាល័យជាស៊ីម សាមគ្គី ។

តាមចម្លើយឆ្លើយសារភាពរបស់រូបនាងអោយដឹងថា នៅវេលាព្រឹកថ្ងៃខែឆ្នាំដដែល មិត្តភក្តិរបស់នាង បានពឹងនាងអោយជួយទិញខោខៅប៉ូយ១ ដោយអោយលុយនាងចំនួន១០ដុល្លារទៅទិញ ហើយសល់ បន្តិចបន្តួចទុកចាយចុះ ប៉ុន្តែនាងបានជ្រុះបាត់លុយនោះ មិនដឹងថាបាត់នៅទីណា ។ ដោយភ័យខ្លាច មិនមានខោសងមិត្តភក្តិវិញ នាងក៏សម្រេចចិត្តចូលមកក្នុងផ្សារស្ទឹងមានជ័យតែម្នាក់ ហើយធ្វើសកម្មភាពលួចយកខោខៅប៉ូយ និងអាវ ១ឈុតដែលគេបង្យួរដាក់លក់ដាក់ចូលក្នុងកាតាបខ្លួន ប៉ុន្តែសំណាងអាក្រក់ត្រូវក្រុមអាជីវករផ្សារប្រទះឃើញ ក៏នាំគ្នាចាប់ឃាត់ខ្លួនប្រគល់ជូនសមត្ថកិច្ចតែម្តង ។

ស្ត្រីជាម្ចាស់សម្លៀកបំពាក់ បានបញ្ជាក់ថា ក្នុង១ខែៗ គាត់បានបាត់សម្លៀកបំពាក់ជារឿយៗ ប៉ុន្តែតាម ចាប់ចោរមិនដែលបានសោះ ព្រោះអ្នកទាំងនោះ លួចហើយរត់គេចលឿនណាស់ ។ ហើយក្នុងតម្លៃ ខោអាវនីមួយៗ សុទតែមានតម្លៃចាប់ពី ១០ដុល្លារឡើងទៅ ។

យ៉ាងណាមិញ ជុំវិញករណីលួចនេះ ស្ត្រីជាម្ចាស់សម្លៀកបំពាក់ពុំបានដាក់ពាក្យបណ្តឹងក្មេងស្រីខាងលើឡើយ ដោយគ្រាន់តែសំណូមពរសមត្ថកិច្ចមូលដ្ឋានធ្វើការអប់រំណែនាំនាង ហើយទំនាក់ទំនង ទៅអាណាព្យាបាលអោយមកធ្វើកិច្ចសន្យាបញ្ឈប់ទង្វើបែបនេះជាលើកទី២ បើពុំដូច្នោះ នឹងចាត់វិធាន ការតាមផ្លូវច្បាប់ ៕ ពីបង លីហេង

ទស្សនាវិដេអូខាងក្រោម