ករណី រក្សាទុកដោយខុសច្បាប់នូវសារធាតុញៀន
ក្រុងតាខ្មៅ : កាលពីវេលាម៉ោង០១:២០នាទីរំលងអាធ្រាត្រ ថ្ងៃទី២២.០៦.២០១៧ នៅចំណុចផ្លូវលេខ២១០ ស្ថិតក្នុងភូមិព្រែកសំរោង សង្កាត់តាខ្មៅក្រុងតាខ្មៅ ខេត្តកណ្តាល ។ ជនសង្ស័យចំនួន០៥នាក់៖
- -ឈ្មោះ រុន ចំរើន ភេទ ប្រុស អាយុ ៣២ឆ្នាំ ជនជាតិខ្មែរ មានទីលំនៅភូមិ ព្រែជើងព្រៃ ១ ឃុំអំពៅព្រៃ ស្រុកកណ្តាលស្ទឹង ខេត្តកណ្តាល មុខរបរលាងម៉ូតូ (ឃាត់ខ្លួន)
- ឈ្មោះ ផុន វិុត ភេទប្រុស អាយុ ២០ឆ្នាំ មានទីលំនៅភូមិជើងព្រៃ ២ ស្រុកកណ្តាលស្ទឹង ខេត្តកណ្តាល មុខរបរកម្មកររោងចក្រ (ឃាត់ខ្លួន)
- ឈ្មោះ ឈិន ប៉ាវ ភេទ ប្រុស អាយុ ២១ ឆ្នាំ មានទីលំនៅភូមិ ជើងព្រៃ ១ ឃុំអំពៅព្រៃ ស្រុកកណ្តាលស្ទឹង ខេត្តកណ្តាល មុខរបរ កម្មករសំណង់ (ឃាត់ខ្លួន)
- ឈ្មោះ រដ្ឋ ធានី ភេទប្រុស អាយុ ១៧ ឆ្នាំមានទីលំនៅ ភូមិជើងព្រៃ១ ឃុំអំពៅព្រៃ ស្រុកកណ្តាលស្ទឹង ខេត្តកណ្តាល មុខរបរនៅផ្ទះ (ឃាត់ខ្លួន)
- ៥-ឈ្មោះ ទីន ភេទប្រុស អាយុ ១៧ឆ្នាំ មានទីលំនៅភូមិតាដោល ឃុំអំពៅព្រៃ ស្រុកកណ្តាលស្ទឹងខេត្តកណ្តាល មុខរបរមិនពិតប្រាកដ (គេចខ្លួន) ។
សភាពនៃរឿងហេតុ ៖នៅពេលវេលាកើតហេតុដូចខាងលើកម្លាំងល្បាតនៃស្នងការនគរបាលខេត្តកណ្តាល និងកម្លាំងប៉ុស្តិ៍បានល្បាតមកដល់ចំណុចកើតហេតុខាងលើក៏បានជួបជាមួយជនសង្ស័យកំពុងតែជិះម៉ូតូដោយមានការសង្ស័យកម្លាំងយើងក៏បានធ្វើការឃាត់ធ្វើការឆែកឆេរ រកឃើញ ថ្នាំញៀនចំនួន ០១ កញ្ចប់តូច និងជំពាមកៅស៊ូចំនួន ០២ដើម បន្ទាប់មកកម្លាំងប៉ុស្តិ៍ក៏បានរាយការណ៍មកកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលក្រុងតាខ្មៅដើម្បីចុះទៅសហការហើយក៏បាននាំខ្លួនជនសង្ស័យមកកាន់អធិការដ្ឋាននគរបាលក្រុងតាខ្មៅ ដើម្បីធ្វើការសាកសួរ និងកសាងសំណុំរឿងតាមនីតិវិធី ។នៅចំពោះមុខសមត្ថកិច្ចជនសង្ស័យឈ្មោះ រុន ចំរើនបានឆ្លើយសារភាពថា៖ ថ្នាំញៀនខាងលើពិតជារបស់ខ្លួនមែនដោយខ្លួនបានទិញពីមនុស្សស្រីម្នាក់មិនស្គាល់ឈ្មោះនៅចំណុចវាលខ្សាច់ ស្ថិតក្នុងសង្កាត់ចាក់អង្រែលើ ដើម្បីយកមកប្រើប្រាស់ បន្ទាប់ពីទិញថ្នាំបានហើយខ្លួនក៏បានជិះម៉ូតូត្រលប់មកផ្ទះវិញ ពេលដែលមកដល់ចំណុចខាងក្រោយវត្តព្រែកសំរោងម៉ូតូរបស់ខ្លួនបានបែកកង់ខាងក្រោយ ហើយខ្លួនក៏បានតេទូរសព្ទ័ទៅរកប្អូនប្រុសឈ្មោះ រដ្ឋ ធានីឲ្យជួយទិញពោះវៀនម៉ូតូ ដើម្បីយកមកប្តូរពេលដែលពួកគេមកដល់ក៏កម្លាំងសមត្ថកិច្ចឃាត់ពួកខ្លួនឆែរឆេរតែម្តងទៅ ។
ពេលដែលឆែកឆេរឃើញថ្នាំញៀន មិត្តភក្រ្ត័ប្អូនរបស់ខ្លួន ឈ្មោះ ទី បានជិះម៉ូតូរត់គេងខ្លួនតែម្តង ។ កន្លងមកពួកគេទាំង បួន នាក់ធ្លាប់ប្រើប្រាស់ថ្នាំញៀនមានរយៈពេលយូរឆ្នាំមកហើយដោយថ្នាំញៀននេះ គឺទិញពីវាលខ្សាច់រហូត។ក្រៅពីប្រើប្រាស់ថ្នាំញៀនក្នុងចំណោម ជនសង្ស័យទាំងបួននាក់ គឺមានជនសង្ស័យម្នាក់ឈ្មោះ រុន ចំរើន ធ្លាប់ជាប់ពន្ធនាគារ រយះពេល ៧ ឆ្នាំ ៦ ខែ ពីបទប្លន់ម៉ូតូ ដែលប្រព្រឹត្តនៅស្រុកកណ្តាលស្ទឹង ខេត្តកណ្តាល ចំណែកជនសង្ស័យ បី នាក់ទៀតមិនធ្លាប់បានប្រព្រឹត្តបទល្មើស លួច ឆក់ ប្លន់ និង ហឹង្សារអ្វីឡើយ។បច្ចុប្បន្នជនសង្ស័យ រួមជាមួយវត្ថុតាង ត្រូវបានបញ្ជូនមកកាន់អធិការដ្ឋាននគរបាល ដើម្បីសាកសួរបន្ត និងកសាងសំណុំរឿងចាត់ការតាមនីតិវិធីច្បាប់ ។
