អបអរសាទរ! សម្តេចតេជោ ហ៊ុន សែន នឹងឧបត្ថម្ភលើកទឹកចិត្តម្នាក់ 1ពាន់ដុល្លារ​ ដល់ក្រុមកីឡាករបាល់ទាត់ជម្រើសជាតិ កម្ពុជា ដែលបានប្រកួតឈ្នះក្រុមជម្រើសជាតិ អាហ្វហ្គានីស្ថាន 1ទល់0

នៅល្ងាចថ្ងៃទី១៣ ខែមិថុនា ឆ្នាំ២០១៧ នេះក្រុមកីឡាករបាល់ទាត់ជម្រើសជាតិកម្ពុជា បានយកឈ្នះក្រុមជម្រើសជាតិ អាហ្វហ្គានីស្ថាន ក្នុងលទ្ធផល កម្ពុជា 01 – អាហ្វហ្គានីស្ថាន 00 ដែលបានធ្វើការប្រកួតនៅក្នុងពហុកីឡាដ្ឋានជាតិអូឡាំពិច ។ ក្នុងនោះផងដែលសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានធ្វើការកោតសរសើរ និងលើកទឹកចិត្តចំពោះក្រុមកីឡាករកម្ពុជា និងគ្រូបង្វឹកម្នាក់ មួយពាន់ដុល្លារសហរដ្ឋអាមេរិក ។ ដោយសម្តេចមានប្រសាសន៍ថា៖ 

 

ខ្ញុំសូមអបអរសាទរក្រុមកីឡាករបាល់ទាត់ជម្រើសជាតិកម្ពុជា ដែលបាន (Afghanistan) ក្នុងលទ្ធផល (កម្ពុជាឈ្នះ 01 -អាហ្វហ្គានីស្ថាន 00 ) នៅក្នុងការ ប្រកួតបាល់ទាត់ជម្រុះជើងឯកអាស៊ីឆ្នាំ២០១៩ (AFC Asian Cup UAE 2019) Cambodia Vs Afghanistan ដែលទើបបានបញ្ចប់ នៅពហុកីឡាដ្ឋានជាតិអូឡាំពិក នៅមុននេះបន្តិច។ ខ្ញុំសូមកោតសរសើរចំពោះសមត្ថភាពក្មួយៗកីឡាករជម្រើសជាតិកម្ពុជាដែលបានខិតខំលេងបានយ៉ាងល្អ។ ខ្ញុំសូមឧបត្ថម្ភលើកទឹកចិត្តដល់ក្រុមកីឡាជម្រើសជាតិកម្ពុជា រួមទាំងគ្រូបង្វឹកនូវថវិកាម្នាក់ $1,000 (មួយពាន់ដុល្លារ)។ ឯកឧត្តម នាយឧត្តមសេនីយ៍ សៅ សុខា នឹងផ្តល់នូវថវិកានេះជូនដល់ក្មួយៗ ក្រុមកីឡាករទាំងអស់។អរគុណបងប្អូនប្រជាពលរដ្ឋដែលគាំទ្រវិស័យកីឡាជាពិសេសក្មួយៗដែលបានចូលរួមទស្សនាផ្ទាល់នៅពហុកីឡាដ្ឋាន តាមទូរទស្សន៍ និងតាម Facebook ខ្ញុំ។សូមជូនពរកីឡាបាល់ទាត់ជម្រើសជាតិកម្ពុជា ទទួលបានជោគជ័យជាបន្តបន្ទាប់ទៀត៕