ឧកញ៉ា ឌួង ឆាយ ផ្តល់ផ្ទះមួយល្វែង ឲ្យ K01 ធ្វើជាទីស្នាក់ការ ដើម្បីបន្តការងារមនុស្សធម៌ ដោយមិនអស់ថ្លៃជួល (មានវិដេអូ)

តាមការបង្ហោះវិដេអូរៀបរាប់របស់លោក K01 ដែលគេស្គាល់ថាជាប្រធានអង្គភាពសារព័ត៌មានកម្លាំងមនុស្សធម៌ តែងតែឆ្លៀតពេលទៅជួលសម្រួលចរាចរណ៍នៅតាមដងផ្លូវជាច្រេីនក្នុងរាជធានីភ្នំពេញ ដែលតែងតែកកស្ទះចរាចរណ៍រៀងរាល់ថ្ងៃ និងពេលខ្លះបានឃាត់និងណែនាំដល់ប្រជាពលរដ្ឋដែលបើកបរបញ្ច្រាស់ទិសចរាចរណ៍នោះ បានអោយដឹងថា លោកបានទទួលផ្ទះមួយល្វែងពីលោក ឧកញ៉ា ឌួង ឆាយ ដើម្បីអោយលោកបានធ្វើជាទីស្នាក់ការ បំពេញការងារមនុស្សធម៌ រយៈពេល ២ ទៅ ៣ឆ្នាំ ដោយមិនអស់ថ្លៃជួលស្នាក់ការឡើយ។

ក្នុងនោះដែរក៏មានសប្បុរសជនមួយចំនួនទៀត ឧបត្ថម្ភលោក K01 ដែលកំពុងសម្រាកព្យាបាលនៅមន្ទីពេទ្យ ព្រោះតែមានជំងឺ។

ចំពោះការផ្តល់ផ្ទះមួយល្វែងពីសំណាក់លោក ឧកញ៉ា ឌួង ឆាយ នេះលោក K01 ក៏មិនបានបញ្ជាក់ទេថា លោកឧកញ៉ា ផ្តល់ផ្ទះអោយលោកជាកម្មសិទ្ធិ រឺ ក៏ផ្តល់ផ្ទះដើម្បីធ្វើស្នាក់ការបណ្តោះអាសន្នដោយមិនគិតថ្លៃឈ្នួលនោះឡើយ៕