➤ពិភពចែករំលែក World Share - Blogger Network Social News Update ⇧
ក្មេងជនរងគ្រោះ ឈ្មោះមឿន សៀងឡៃ ភេទស្រី អាយុ០៦ឆ្នាំមុខរបរនៅផ្ទះមានទីលំនៅភូមិរទាំងត្បូង ឃុំភូមិធំ ស្រុកកៀនស្វាយ ខេត្តកណ្តាល ។ ចំណែកជនសង្ស័យឈ្មោះ បាន សុឹម ភេទប្រុសអាយុ ៤៨ឆ្នាំជនជាតិខ្មែរ មុខរបរ នេសាទត្រី មានទីលំនៅភូមិរទាំងត្បូង ឃុំភូមិធំ ស្រុកកៀនស្វាយ ខេត្តកណ្តាល ។
យោងតាមប្រភពព័ត៌មានបានឲ្យដឹងថា ជនសង្ស័យបានចេញពីផ្ទះ ដើម្បីទៅដាក់សន្ទូចនៅឯបឹងក្រោយផ្ទះរបស់ខ្លួន គាប់ជួនពេលនោះមានភ្លៀងធ្លាក់ ជនសង្ស័យក៏បានទៅជ្រកភ្លៀងក្នុងរោងរបស់ឈ្មោះ ដួង មឿន ( ត្រូវជាឪពុកបង្កើតរបស់ជនរងគ្រោះ) ពេលអង្គុយជ្រកភ្លៀងនោះជនសង្ស័យក៏បានយកទូរសព្ទចាក់ចម្រៀងស្តាប់ រួចក៏បានយកផ្លែសន្ទូចមកបិទនុយ សម្រាប់ដាក់បង្កៃយកត្រី ពេលនោះជនរងគ្រោះក៏បានមកយកទូរស័ព្ទរបស់ជនសង្ស័យដែលទុកនៅលើកៅអី ហើយប្រាប់អោយជនសង្ស័យថា បើកទូរទស្សន៍ឲ្យខ្លួនមើល ពេលកំពុងមើលជនរងគ្រោះបានធ្វើឲ្យវៀចអង់តែនទូរសព្ទ័ដៃឃើញដូចនេះជនសង្ស័យក៏បានយកទូរសព្ទ័មកតម្រង់អង់តែន ពេលនោះជនរងគ្រោះក៏បានមកទ្រោបខ្លួនលើខ្នងរបស់ជនសង្ស័យហើយ ជនសង្ស័យបានយកដៃទៅស្ទាបប្រដាប់ភេទរបស់ជនរងគ្រោះ ធ្វើឲ្យជនរងគ្រោះមានអាការៈឈឺចាប់ រួចក៏បានទៅនិយាយប្រាប់ម្តាយ ជនសង្ស័យបានយកដៃមកស្ទាបប្រដាប់ភេទខ្លួន ភ្លាមនោះម្តាយរបស់ជនរងគ្រោះបានទូរសព្ទ័មកប្តឹង នគរបាលប៉ុស្តិ៍ភូមិធំ ។
ក្រោយទទួលដំណឹងនេះភ្លាមនគរបាលប៉ុស្តិ៍បានចុះដល់កន្លែងកើតហេតុនិងបានឃាត់ខ្លួន មកសួរនាំជនសង្ស័យបានសារភាពថាខ្លួនពិតជាបានយកដៃទៅស្ទាបប្រដាប់ភេទរបស់ជនរងគ្រោះពិតប្រាកដមែន ។ បច្ចុប្បន្នជនសង្ស័យបានបញ្ជូនមកអធិការដ្ឋាននគរបាលស្រុក បន្តចាត់ការតាមនីតិវិធី ៕
ប្រភពពពី : Yobminh
➤ពិភពចែករំលែក World Share - Blogger Network Social News Update ⇧