ជិះម៉ូតូលឿនពេកទៅបុកបង្គោលសញ្ញាផ្លូវកោង ស្លាប់ម្នាក់របួសធ្ងន់ម្នាក់

➤ពិភពចែករំលែក World Share - Blogger Network Social News Update ⇧

ខេត្តបន្ទាយមានជ័យ ៖ ថ្ងៃទី១៣ ខែសីហា ឆ្នាំ២០១៧ វេលាម៉ោង ១៧៖១៥នាទី មានករណីគ្រោះថ្នាក់ចរាចរណ៍មួយកើតឡើង លើកំណាត់ផ្លូវលេខ156D មង្គលបូរី - ព្រះនេត្រព្រះត្រង់ចំណុច ផ្លូវកោងមុខផ្ទះឈ្មោះ សំ យឿន ស្ថិតនៅភូមិស្រេះលិច ឃុំព្រះនេត្រព្រះ ស្រុកព្រះនេត្រព្រះ ខេត្តបន្ទាយមានជ័យ បង្ករឡើងដោយម៉ូតូបុកនឹងបង្គោលសញ្ញាផ្លូវកោង។

មុនដំបូងមានម៉ូតូមួយគ្រឿងម៉ាកហុងដាទ្រីមពណ៏ខ្មៅពាក់ផ្លាកលេខបន្ទាយមានជ័យ 2Q-8772 បើកបរដោយឈ្មោះ ភិច អ៊ាន ភេទប្រុស អាយុ២៤ឆ្នាំ នៅភូមិប៉ុស្ត៏ចាស់ ឃុំព្រះនេត្រព្រះ ស្រុកព្រះនេត្រព្រះ ខេត្តបន្ទាយមានជ័យ អ្នករួមដំណើរឈ្មោះ ណាន នុត ភេទប្រុស អាយុ២៤ឆ្នាំ នៅភូមិជាមួយ បើកបរមកពីទិសខាងលិច ទៅទិសខាងកើតពេលមកដល់ចំណុចកើតហេតុខាងលើជាចំណុចផ្លូវកោង បានរេចង្កូតទៅបុកនឹងបង្គោលសញ្ញាផ្លូវកោងពេញមួយទំហ៊ឹងកើតមានគ្រោះថ្នាក់តែម្តង។

អ្នកបើកបរម៉ូតូឈ្មោះ ភិច អ៊ាន រងរបួសធ្ងន់បញ្ជូនទៅសង្គ្រោះនៅមន្ទីពេទ្យបង្អែកស្រុកព្រះនេត្រព្រះ ចំណែកឯ អ្នករួមដំណើរឈ្មោះ ណាន នុត បានស្លាប់នៅនឹងកន្លែងកើតហេតុ៕

ពិភពចែករំលែក - World Share