ផ្អើលជាងផ្សារដែកម្នាក់ ត្រូវខ្សែភ្លើងឆក់សន្លប់ស្ដូកស្ដឹង ជាប់លើសំយ៉ាបដែក!​

➤ពិភពចែករំលែក World Share - Blogger Network Social News Update ⇧

(ក្រុងតាខ្មៅ)៖បុរសម្នាក់ជាជាងផ្សារដែក ត្រូវឆក់ខ្សែភ្លើង បណ្តាលអោយរបួសធ្ងន់ និងសន្លប់ស្ដូកស្ដឹងជាប់លើសំយ៉ាបដែក បង្កការភ្ញាក់ផ្អើលដល់អ្នកដំណើរយ៉ាងខ្លាំង។

ហេតុការណ៍នេះកើតឡើង មុននេះបន្តិចម៉ោងជិត៦ល្ងាច ថៃ្ងទី១៩ ខែធ្នូ ឆ្នាំ២០១៧នេះ នៅចំណុចភូមិតាក្តុលត្បូង សង្កាត់តាក្តុល ក្រុងតាខ្មៅ ខេត្តកណ្តាល។

សេចក្ដីរាយការណ៍ពីកន្លែងកើតហេតុបានប្រាប់អោយដឹងថា ខណៈនេះជនរងគ្រោះកំពុងត្រូវបាន ប្រជាពលរដ្ឋជួយយកចុះមកក្រោមវិញបានហើយ និងកំពុងធ្វើការសង្គ្រោះបឋមនៅកន្លែងកើតហេតុហើយ និងកំពុងទាក់ទងរថយន្តសង្គ្រោះ ដើម្បីដឹកទៅកាន់មន្ទីរពេទ្យ។៚