[ពិភពចែករំលែក]
ខេត្តព្រះសីហនុ ៖ នៅថ្ងៃទី២៨ ខែកញ្ញា ឆ្នាំ២០១៧ នៅវេលាម៉ោង១២.១០នាទី លើផ្លូវជាតិលេខ៣ ចន្លោះគីឡូម៉ែត្រ ១៩០-១៩១ ស្ថិតនៅក្នុងភូមិទួល ឃុំទឹកល្អក់ ស្រុកព្រៃនប់ ខេត្តព្រះសីហនុ មានករណីគ្រោះថ្នាក់ចរាចរណ៍ មួយកើតឡើង រវាង ម៉ូតូ 1១គ្រឿងម៉ាក HONDA C១២៥ ពណ៌ខ្មៅពាក់ផ្លាកលេខ តាកែវ១K-១៩៤១ ជិះគ្នា៤នាក់ស្រី ១នាក់ មានទិសដៅពីកំពត មក ខេត្តព្រះសីហនុ ដល់ចំណុចខាងលើ ម៉ូតូបែកកង់រ៉េចង្កូតមកខាងឆ្វេងដៃ រួចធ្លាក់អ្នករួមដំណើរ ពីលើម៉ូតូចំនួន៣នាក់ស្រី១នាក់ បណ្ដាលឲ្យ រថយន្ត១គ្រឿងម៉ាក SSANGYONGពណ៌លឿង ពាក់ស្លាកលេខភ្នំពេញ២AG-២៨៩០ ដែលបើកពីក្រោយ កិនក្មេងប្រុស និង ក្មេងស្រី អូសធ្លាក់ចូលទៅក្នុងប្រឡាយទឹក ។
គ្រោះថ្នាក់នេះបណ្ដាលឲ្យ ស្លាប់ក្មេងប្រុសម្នាក់ នៅ នឹង កន្លែងកើតហេតុដោយអូសទៅជាមួយរថយន្តធ្លាក់ចូលប្រឡាយទឹក និងរងរបួសធ្ងន់ក្មេងស្រី1នាក់ បញ្ជូនទៅសង្គ្រោះ ទៅគ្លីនិកលិគឹមឌីវាលរេញ។ បច្ចុប្បន្នសមត្ថកិច្ចជំនាញ កំពុងចាត់ចែង ស្រាវជ្រាវរកអត្តសញ្ញាណភាគីទាំងសងខាង ៕
