ដំណឹងបន្ទាន់លោកតា ផ្លុងមឿក សិល្បករជើងចាស់ ផ្នែកអាយ៉ៃ កំពុងសង្គ្រោះបន្ទាន់នៅមន្ទីពេទ្យ កាល់ម៉ែត្រ

[ពិភពចែករំលែក-World Share]
នៅមុននេះបន្តិច លោកតា ផ្លុងមឿក សិល្បករ ជើងចាស់  ផ្នែកអាយ៉ៃ កំពុងសង្គ្រោះបន្ទាន់នៅមន្ទីពេទ្យ កាល់ម៉ែត្រ ដោយជំងឺសួត និងខួរក្បាលស្វិត នេះបើយោង តាមគណនី Facebook ផ្ទាល់របស់តារាសម្តែងលោក អុឹម ជីវ៉ា បានឲ្យដឹងនៅយប់ថ្ងៃទី៣ ខែតុលា ឆ្នាំ២០១៧នេះថា៖ សូមជំរាបជូនដំណឹងបន្ទាន់ នៅវេលាយប់នេះ តារាចំរៀង ផ្នែកអាយ៉ៃ វីរៈសិល្បករ លោកតា ផ្លុងមឿក កំពុងសង្គ្រោះបន្ទាន់ នៅមន្ទីពេទ្យកាល់ម៉ែត្រ ដោយជំងឺសួត និងខួរក្បាលស្វិត ពេលនេះក្រុមគ្រួសារវីរៈសិល្បករ លោកតាផ្លុងមឿក កំពុងខ្វះខាតសូមអោយបងប្អូនសិល្បករ និងសប្បុរសជនទាំងអស់ជួយគាត់ដោយអនុគ្រោះផង ។

សូមទាក់ទងលេខទូរស័ព្ទកូនស្រីរបស់គាត់ 012917148

គួរបញ្ជាក់ផងដែលថា ជីវភាពរបស់សិល្បករជើងចាស់ ផ្នែកអាយ៉ៃរូបនេះ ពិតជាមានការលំបាកខ្លាំង កន្លងមកក៏មានការជួយជាជំនួយពីសំណាក់សិល្បករ សិល្បការនី ផ្សេងៗផងដែល។

សូមបញ្ជាក់ដែរថា កាលពីប៉ុន្មានខែមុនភរិយា របស់លោកតា បានទទួលមរណៈភាព ដោយសារជំងឺទឹកនោមផ្អែម និងលើសឈាម រកថវិកាធ្វើបុុណ្យសឹងពុំមាន៕

[ពិភពចែករំលែក-World Share]