រថយន្តឡិចស៊ីសបែកកង់រេចង្កូតក្រឡាប់ធ្លាក់ផ្លូវ នៅតំបន់ចំការដូងប្រេង

ខេត្តព្រះសីហនុ ៖ កាលពីវេលាម៉ោង១៨:២០នាទីល្ងាច ថ្ងៃទី២៤ ខែមិថុនា ឆ្នាំ២០១៧​នេះ មានគ្រោះថ្នាក់ចរាចរ មួយកើតឡើង នៅចន្លោះគីឡូម៉ែត្រលេខ ១៥៩-១៦០ តំបន់ចំការដូងប្រេង ភូមិមនោរម្យ ឃុំតានៃ ស្រុកព្រៃនប់ ខេត្តព្រះសីហនុ ។

មានរថយន្ត ម៉ាកលុចសុិច RX ៣០០ មួយគ្រឿងពណ៍ស ពាក់ស្លាកលេខ ភ្នំពេញ2H-7250 អ្នកបើកបរ ឈ្មោះ លី គីដេត ភេទប្រុស អាយុ៤៨ឆ្នាំ ជាមន្ត្រីយោធា ខេត្តព្រះសីហនុ មានលំនៅដ្ឋាននៅ ភូមិ១ សង្កាត់១ ក្រុង,ខេត្តព្រះសីហនុ ។

ដែលធ្វើដំណើរមកពីភ្នំពេញ លុះមកដល់ចំណុចខាង លើដោយរថយន្តមានល្បឿនលឿននិង បែកកង់ខាងឆ្វេង ក៏បណ្តាលអោយក្រឡាប់ទៅខាងឆ្វេងដៃ តែមិនបណ្តាលអោយមនុស្ស រងរបួសឡើយ។ ក្រោយមករថយន្តត្រូវបានម្ចាស់ជួល រថយន្តមកស្ទូចយកទៅធ្វើការ ជួសជុល នៅខេត្តព្រះសីហនុ ។ ប្រភពពី នាយកដ្ឋានផ្សព្វផ្សាយអប់រំ

សមត្ថកិច្ចខណ្ឌចំការមនដេញចាប់ជនសង្ស័យ២នាក់ និងដាវ១ដើម ខណៈជនសង្ស័យដេញកាប់ជនរងគ្រោះ

រាជធានីភ្នំពេញ៖ សមត្ថកិច្ចល្បាតរបស់ខណ្ឌចំការមន បានប្រដេញចាប់ជនសង្ស័យ៣នាក់ក្នុងចំណោមបក្សពួកមួយក្រុមមានគ្នាប្រមាណ៧ម៉ូតូ ដែលជិះដេញកាប់ជនរងគ្រោះ២នាក់ជិះម៉ូតូ១គ្រឿង ដកហូតបានដាវកែឆ្នៃ១ដើម។

ហេតុការណ៍ដេញកាប់នេះនៅវេលាម៉ោង១និង២០នាទីរំលងអាធ្រាតឈាន នៅចំណុខមុខក្លឹប TOP ផ្លូវ២៧១ ស្ថិតក្នុងសង្កាត់ទួលទំពូង២ ខណ្ឌចំការមន។

សមត្ថកិច្ចបានឃាត់ជនសង្ស័យ២នាក់ដកហូតបានដាវ១ដើម ម៉ូតូ១គ្រឿងម៉ាក Zoomer .X ពាក់ស្លាកលេខភ្នំពេញ 1FX-9711 ជាម៉ូតូរបស់ជនសង្ស័យធ្វើសកម្មភាព។

ជនសង្ស័យទី១មានឈ្មោះ ភ័ណ្ឌ យ៉ានីន អាយុ១៨ឆ្នាំមុខរបរសិស្ស មានទីលំនៅខេត្តតាកែវ។
ជនសង្ស័យទី២មានឈ្មោះ ស៊ីម វាសនា អាយុ១៦ឆ្នាំ មុខរបរសិស្ស មានទីលំនៅខេត្តតាកែវ ទាំង២នាក់ទើបនិងមកភ្នំពេញ មកលេងផ្ទះបង រួចបានចូលទៅរាំកំសាន្តនៅក្លឹប ថប រួចក៏ប៉ះពាក្យសម្តីជាមួយជនរងគ្រោះ ៣នាក់ក្នុងនោះស្រី២នាក់ ជិះម៉ូតូ Zoomer-Xមួយគ្រឿង។

តាមប្រភពពីសមត្ថកិច្ចបានអោយដឹងថា មុនពេលកើតហេតុសមត្ថកិច្ចបានជិះល្បាតការពារក្នុងភូមិសាស្ត្រដែលស្មុកស្មាញ លុះមកដល់ចំណុចមុខក្លឹបថប ផ្លូវ២៧១ ស្ថិតក្នុងសង្កាត់ទួលទំពូង២  ក៏ប្រទះជនសង្ស័យមួយក្រុមមានគ្នាមួយក្រុមម៉ូតូ៧ទៅ៨គ្រឿង ក្នុងនោះមានជនសង្ស័យដែលឃាត់បានមានដាន់ដាវ ដែលដេញតាមកាប់ជនរងគ្រោះ៣នាក់ ប្រុសម្នាក់ស្រី២នាក់ ឃើញដូច្នេះកម្លាំងបានធ្វើការប្រដេញតាមធ្វើអោយក្រុមជនសង្ស័យបែកហ្វូង រួចសមត្ថកិច្ចក៏តាមតែជនសង្ស័យ២នាក់ខាងលើដែលមានដាវ តែជនសង្ស័យបានព្យាយាមជិះម៉ូតូរត់រហូតដល់មុខភោយជណីដ្ឋាន ម្លប់ស្វាយ៩៩ ក៏ត្រូវកម្លាំងតាមទាន់ចាប់បានទាំង២នាក់រួមនិងអាវុធ ដាវតែម្តង។

ក្រោយកើតហេតុសមត្ថកិច្ចបាននាំជនសង្ស័យមកសាកសួរនាំនៅប៉ុស្តិនគរបាលសង្កាត់
ទួលទំពូង២ដើម្បីកសាងឯកសារចាត់ការតាមនិតិវិធីច្បាប់។

ស្ត្រីជនជាតិចិន២នាក់ត្រូវចាប់ខ្លួន ក្នុងចំណោមបក្ខពួក៣នាក់ ករណីឆបោកគ្រឿងអលង្ការ និងលុយ

រាជធានីភ្នំពេញ ៖ ថ្ងៃទី២៣-០៦-២០១៧ ម៉ោង១០និង ៣០នាទី នៅមុខផ្ទះលេខ១៥ ផ្លូវ៣៦៣ ភូមិកណ្តាល សង្កាត់ច្បារអំពៅ២ ខណ្ឌច្បារអំពៅ មានករណី ឆបោកគ្រឿងអលង្ការ និងលុយមួយករណីកើតឡើងដោយជនរងគ្រោះក្នុងហេតុការណ៍នេះមានឈ្មោះ លី គៀវ ភេទស្រី អាយុ ៥៥ឆ្នាំជនជាតិខ្មែរ មុខរបរមេផ្ទះ ស្នាក់នៅផ្ទះ១៧៥ ផ្លូវ៣៦៩ ភូមិដើមចាន់ សង្កាត់ ច្បារអំពៅទី២ ខណ្ឌច្បារអំពៅ ។

ឃាត់ខ្លួនបានជនសង្ស័យ០២នាក់ ៖ ១-ឈ្មោះ យ៉ាង យីនហៅ ង៉ាន់ ង៉ា ភេទ ស្រី អាយុ៥០ឆ្នាំ ជនជាតិចិន មុខរបរ មិនពិតប្រាកដ ស្នាក់នៅមិនពិតប្រាកដ កាន់លិខិតឆ្លងដែនលេខ E៦៣០៣៥៣៧៥ ។ ២-ឈ្មោះម៉ូ វ័ងហ្វង់ ភេទស្រី អាយុ ៥៤ឆ្នាំ ជនជាតិចិន មុខរបរមិនពិតប្រាកដ ស្នាក់នៅ មិនពិតប្រាកដកាន់លិខិតឆ្លងដែនលេខ E៥៥៤៥៩៦០៦។

សមត្ថកិច្ចបានឱ្យដឹងថា មុនពេលកើតហេតុជនសង្ស័យ ០៣នាក់ ឈ្មោះ យ៉ាង យីន, ឈ្មោះ ម៉ូ វ័ងហ្វង់ និងឈ្មោះ មួយ បាន ដើររកឆបោកគេ ពេលមកដល់ចំណុចខាងលើ ក៏បានជួបជនរងគ្រោះ ពេលនោះពួកជនសង្ស័យបានប្រើល្បិចទស្សន៍ទាយជនរងគ្រោះថា មានគ្រោះនៅពេលខាងមុខ រួចប្រាប់ជនរងគ្រោះយកលុយមួយចំនួននិងគ្រឿងអលង្ការយកមកប្រសិទ្ធី ជនរងគ្រោះ ក៏យកលុយដុល្លារ ១៥៩ដុល្លារ-លុយខ្មែរ ៥ម៉ឺនរៀលនិងគ្រឿងអលង្ការកាឡៃទាំងអស់រួមមាន ៖ ខ្សែក១ខ្សែ មានបន្តោង១ដាំត្បូង ពណ៌ស, ចិញ្ជៀន៤វង់ មានដាំត្បូងពណ៌ស, ខ្សែដៃ២ខ្សៃមានដាំត្បូងពណ៌ស ឲ្យទៅពួកជនសង្ស័យប្រសិទ្ធី រួចក៏ឲ្យជនរងគ្រោះដើរទៅមុខកុំងាកក្រោយឲ្យនិយាយថា សុខ សប្បាយៗ រួចពួកជនសង្ស័យទាំង ០៣នាក់ នាំគ្នាយកគ្រឿងអលង្ការកាឡៃ និងលុយរត់គេចខ្លួន។ ពេល ជនរងគ្រោះឃើញក៏ស្រែកចោរៗ ត្រូវបានសមត្ថកិច្ចយើងឃាត់ខ្លួនបានជនសង្ស័យ០២នាក់ ឈ្មោះយ៉ាង យីន និងឈ្មោះម៉ូ វ័ងហ្វង់ ដកហូតគ្រឿងអលង្ការកាឡៃ និងលុយមកវិញ បញ្ជូនមកអធិការដ្ឋាននគរបាល ខណ្ឌច្បារអំពៅ ធ្វើការសាកសួរ។ ចំណែកជនសង្ស័យម្នាក់ទៀតឈ្មោះ មួយ បានរត់គេចខ្លួនបាត់៕ ប្រភពពី នាយកដ្ឋានផ្សព្វផ្សាយ អប់រំ

ស្រី​ស្អាត​ម្នាក់​​បន្លំ​លុយ ត្រូវ​បាន​ម្ចាស់គេចាប់ទាន់ បង្កឲ្យភ្ញាក់ផ្អេីលពេញផ្សារកាណាឌីយ៉ា

រាជធានី​ភ្នំពេញ​៖ ស្រ្ដី​ម្នាក់​បាន​មកធ្វើ​សកម្មភាព​ដូរ​លុយ​រួច​បាន​បន្លំ​លុយ​ត្រូវ​បាន​អាជីវិក​រឃាត់​ខ្លួន​ប្រគល់​ឲ្យ​សមត្ថកិច្ច​ហេតុ​ការណ៍​នេះ​កើត​ឡើង​កាល​​ពី​វេលា​ម៉ោង​១០​និង​៣០​នាទី​ព្រឹក​ថ្ងៃ​ទី​២៤​ខែ​មិថុនា​ឆ្នាំ​២០១៧ ស្ថិត​នៅ​ផ្សារ​កាណា​ឌីយ៉ា ​សង្កាត់​ចោម​ចៅ ​ខណ្ឌ​ពោធិ៍​សែន​ជ័យ ។

ជន​រងគ្រោះ​ជា​អ្នក​ដូរ​លុយ​មាន​ឈ្មោះ ម៉ុច វិឡា​ អាយុ​៣១​ឆ្នាំ​ស្នាក់​នៅ​បុរី​ពិភព​ថ្មី សង្កាត់​ចោម​ចៅ ខណ្ឌ​ពោធិ៍​សែន​ជ័យ មាន​ស្រុក​កំណើត​ខេត្ដ​ក្រចេះ ស្ដ្រី​សង្ស័យ​មិន​ស្គាល់​អត្ដ​សញ្ញាណ​ទេ​ដោយ​សមត្ថកិច្ច​ឲ្យ​ឡើង​ម៉ូតូ​ជិះ​ចេញ​ទៅ​បាត់​​ទៅ ។

យោង​តាម​ប្រភព​ព័ត៌មាន​ពី​កន្លែង​កើត​ហេតុ​បាន​ឲ្យ​ដឹង​ថា ស្ដ្រី​ដែល​ចូល​មក​បន្លំ​លុយ​ខាង​លើ​នេះ​គឺ​គេ​បាន​ស្គាល់​ថា ជា​មុខ​សញ្ញា​ជា​ញឹក​ញាប់​មក​ហើយ​តែ​ថ្ងៃ​នេះ​បាន​ចូល​មក​ដូរ​លុយ​ចំនួន​២៥០​ដុល្លារ​ហើយ​បាន​ធ្វើ​រាប់​លុះ​ពេល​រាប់​គ្រប់​ហើយ​បាន​យក​លុយ​៥​ម៉ឺន​ដាក់​ចូល​ក្នុង​អាវ​ក៏​ត្រូវ​ធ្លាក់​ប្រជា​ពលរដ្ឋ​អ្នក​រក​ស៊ី​ដូច​គ្នា​ចាប់​ប្រគល់​ឲ្យ​សន្ដិ​សុខ​តែ​ម្ដង ។

ក្រោយ​ពេល​កើត​ហេតុ​សមត្ថកិច្ច​ចុះ​មក​ជួយ​អន្ដរាគមន៍​និង​យក​ជន​សង្ស័យ​ទៅ​សាក​សួរ​នៅ​ប៉ុស្ដិ៍​នគរបាល​រដ្ឋបាល​ចោម​ចៅ ដើម្បី​បន្ដ​តាម​នីតិ​វិធី ៕

ប្រភពពី ដំណឹងយប់មិញ

វេទនាណាស់! ស្ត្រីទុរគតម្នាក់មានជំងឺមហារីកដំណាក់កាលចុងក្រោយ គ្មានប្រាក់ទិញថ្នាំលេបពន្យារជីវិត អំពាវនាវសុំឲ្យសប្បុរសជនជួយ!

រាជធានីភ្នំពេញ ៖ ស្រ្តីទុរគតម្នាក់ មានជំងឺមហារីកដំណាក់កាលចុងក្រោយ គ្មានប្រាក់ព្យាបាលជំងឺ កំពុងមានខ្វះខាតក្នុងជីវភាពយ៉ាងខ្លាំង ដោយរស់នៅផ្ទះជួលជាមួយបងស្រីជាជនពិការ រកព្រឹកខ្វះល្ងាច បានដង្ហោយរកការសណ្តោសប្រណី ពីសប្បុរសជន ដើម្បីអាចបន្តជីវិត។

ស្ត្រីទុរគតកំពុងញុំញីដោយជំងឺមហារីក.ក ដំណាក់កាលចុងក្រោយនេះ មានឈ្មោះ ឃុត ឈីង អាយុ៤៥ឆ្នាំ ជាស្ត្រីក្រមុំចាស់ រស់នៅផ្ទះជួលជាមួយបងស្រីពិការ នៅសង្កាក់ទឹកថ្លា ខណ្ឌនសែនសុខ នៅម្ដុំក្រោយផ្សារទឹកថ្លា រាជធានីភ្នំពេញ។

ថ្លែងប្រាប់អង្គភាព Fresh News តាមទូរស័ព្ទជាមួយសំឡេងខ្សាវៗស្តាប់មិនចង់បាន ស្ត្រីឈ្មោះ ឃុត ឈីង បាននិយាយថា គាត់មានជំងឺមហារីកដំណាក់កាលចុងក្រោយ ដោយគ្មានប្រាក់ទិញថ្នាំ សម្រាប់ព្យាបាលជំងឺ និងជំពាក់ប្រាក់អ្នកជិតខាង ដោយសារតែខ្ចីមកទិញថ្នាំ និងចាយវាយប្រចាំថ្ងៃ​។ ដូច្នេះមាន​តែម្រាមដៃដប សូមអំពាវនាវដល់សប្បុរសជននានា មេត្តាជួយគាត់ផងទោះជាថវិកា សម្ភារៈប្រើប្រាស់ ឬថ្នាំព្យាបាលជំងឺរបស់គាត់ក៏បានដែរ។

អ្នកជិតខាងស្រ្តីទុរគតខាងលើ បានរៀបរាប់ប្រាប់ Fresh News ថាដោយអាណិតអាសូរ ចំពោះស្ត្រីឈ្មោះ ឃុត ឈីង ដែលមានជំងឺមហារីក រស់នៅជា​មួយបងស្ត្រីជាជនពិការ និងបានស្តាប់លឺគាត់និយាយថា គាត់ស្លាប់ហើយ បើគ្មានថ្នាំព្យាបាលជំងឺនោះទេ គឺរស់នៅបានតែ១ខែប៉ុណ្ណោះ ប្រសិនបើមានថ្នាំព្យាបាលគាត់អាចរស់នៅបានមួយឆ្នាំទៀត ទើបអ្នកស្រីបានជួយតាមលទ្ធភាពបន្តិចបន្ទួច។ឮ

ជាមួយគ្នានេះ អ្នកជិតខាងរូបនោះ បានអំពាវនាវសូមឲ្យ បងប្អូនសប្បុរសជននានា មេត្តាជួយឧបត្តម្ភដល់ ស្ត្រីដែលកំពុងមានជំងឺមហារីកនេះផង ដើម្បីឲ្យគាត់អាចបន្តជីវិតបានមួយរយៈពេលទៀត។

សប្បុរសជន អាចទាក់ទងផ្តល់ការឧបត្ថម្ភទៅស្រ្តីទុរគត ឈ្មោះ ឃុត ឈីង ដោយផ្ទាល់បាន តាមរយៈលេខទំនាក់ទំន ០១២ ៧១៣ ៨៤២៕