ពិភពចែករំលែក

បង្ក្រាបក្រុមក្មេងទំនើង៩នាក់ ដែលប្រដាប់ដោយដាវ អុកឡុកសង្គម

ខេត្តកណ្ដាល ៖ ក្រុមក្មេងទំនើង៩នាក់ ដែលប្រដាប់ដោយដាវធ្វើសកម្មភាពស្រែកឡូឡា អុកឡុកហាងតែគុជកន្លែង នៅក្នុងក្រុមហ៊ុន7NG ភូមិព្រៃចាស់ ឃុំវិហារសួគ៌ ស្រុកខ្សាច់កណ្តាល ត្រូវកម្លាំងនគរបាលមូលដ្ឋានបង្ក្រាបបាន នៅយប់ថ្ងៃទី០២ ខែសីហា ឆ្នាំ២០១៧។ លោកឧត្តមសេនីយ៍ អ៊ាវ ចំរើន ស្នងការនគរបាលខេត្តកណ្តាល បានឲ្យដឹងថា នៅពេលកើតហេតុក្រុមជនសង្ស័យ បានផឹកស្រាស្រវឹងហើយជិះម៉ូតូ ស្រែកឡូឡា ចូលអុកឡុកក្នុងហាងតែគុជ ស្ថិតនៅក្នុងក្រុមហ៊ុន 7NG ក្នុងពេលធ្វើសកម្មភាពត្រូវបានកម្លាំង សន្តិសុខក្រុមហ៊ុន7NG បានព័ទ្ធចាប់បានក្រុមជនសង្ស័យទាំង៩នាក់ រួចប្រគល់ឲ្យកម្លាំងនគរបាលស្រុកខ្សាច់កណ្ដាលតែម្ដង។

ក្រុមក្មេងទំនើងដែលបង្ក្រាបបាននោះរួមមាន ទី១៖ឈ្មោះ សុខុម សុខឃាង ហៅប៉ុយ អាយុ១៨ឆ្នាំ, ទី២៖ឈ្មោះ នីន យុទ្ធ អាយុ២៣ឆ្នាំ, ទី៣៖ឈ្មោះ ព្រិល ជីឡា អាយុ១៩ឆ្នាំ, ទី៤៖ឈ្មោះ ម៉ី ម៉ុក ហៅសុខមួយ, ទី៥៖ឈ្មោះ ផេង ភី អាយុ១៧ឆ្នាំ, ទី៦៖ ឈ្មោះ ភាន់ ភារៈ ហៅនៅ, ទី៧៖ឈ្មោះ សុខអេង ផានិត ហៅញ៉, ទី៨៖ឈ្មោះ រ៉ឺន រៀម ហៅរ័ត្ន អាយុ១៦ឆ្នាំ និងទី៩៖ឈ្មោះ ជា ភាង អាយុ២១ឆ្នាំ។

បើតាមលោកឧត្តមសេនីយ៍ទោស្នងការ ក្នុងនោះកម្លាំងនគរបាលដកហូតបាន២ដើម និងម៉ូតូ៦គ្រឿង ផងដែរ។ បច្ចុប្បន្នកម្លាំងនគរបាលជំនាញព្រហ្មទណ្ឌ កំពុងកសាងសំណុំរឿងដើម្បីចាត់បន្ដ៕

ប្រភពពី Fresh News

ក្រុមប្លន់ប្រដាប់អាវុធ ដែលធ្វើសកម្មភាពជាច្រើនករណីនៅភ្នំពេញ ត្រូវបង្ក្រាបបាននៅផ្ទះសំណាក់ «ឧត្តុង្គមហាហេង» ស្រុកពញាឮ, រសៀលនេះតុលាការសម្រេចឃុំខ្លួន

ខេត្តកណ្ដាល ៖ កម្លាំងនគរបាលខេត្តកណ្ដាល បានបង្ក្រាបក្រុមចោរប្លន់ប្រដាប់អាវុធ២នាក់ ដែលធ្វើសកម្មភាពយ៉ាងច្រើនករណីក្នុងរាជធានីភ្នំពេញ នៅចំណុចផ្ទះសំណាក់ ឧត្តុង្គមហាហេង ស្ថិតក្នុងភូមិចតុទិស ឃុំវិហារលួង ស្រុកពញាឮ។

លោកឧត្តមសេនីយ៍ត្រី រឿន ណារ៉ា ស្នងការរងទទួលផែនព្រហ្មទណ្ឌ បានប្រាប់អង្គភាព Fresh News ឲ្យដឹងនៅថ្ងៃទី០២ ខែសីហា ឆ្នាំ២០១៧នេះថា ប្រតិបត្តិការបង្ក្រាបនេះធ្វើឡើង ក្រោមការបញ្ជាផ្ទាល់ពីលោកឧត្តមសេនីយ៍ទោ អ៊ាវ ចំរើន ស្នងការនគរបាលខេត្ត នៅរសៀលថ្ងៃទី៣១ ខែកក្កដា ឆ្នាំ២០១៧ ដោយចាប់បានជនសង្ស័យ២នាក់ ឈ្មោះ គា សុវណ្ណារ៉ា អាយុ២២ឆ្នាំ និងឈ្មោះ ចាន់ រដ្ឋា អាយុ១៧ឆ្នាំ។ បើតាមលោកស្នងការរង ជុំវិញរង្វង់ប្រតិបត្តិការនេះ កម្លាំងជំនាញដកហូតបាន កាំភ្លើងខ្លី១ដើម ម៉ាករ៉ូឡូ WL, គ្រាប់ចំនួន៥គ្រាប់, ទូរស័ព្ទ១គ្រឿងនិងអាយផេត១គ្រឿងផងដែរ។ លោកឧត្តមសេនីយ៍ត្រីស្នងការរង បានរៀបរាប់ពីដំណើរសាច់រឿងថា កម្លាំងមហាជនល្អបានផ្តល់ព័ត៌មានថា មានជនសង្ស័យមកចូលដេកផ្ទះសំណាក់ ដោយមានការសង្ស័យខាងលើ ក្រោយពីទទួលបានព័ត៌មាន កម្លាំងជំនាញបានសហការជាមួយកម្លាំងប៉ុស្តិ៍នគរបាលរដ្ឋបាលវិហារលួង បានចុះទៅឆែកឆេរបន្ទប់ស្នាក់នៅ បានរកឃើញ(អាវុធ) វត្ថុតាងខាងលើ ភ្លាមនោះកម្លាំងជំនាញ បានធ្វើការឃាត់ខ្លួនជនសង្ស័យបញ្ជូនមកកាន់ អធិការដ្ឋាននគរបាលស្រុកពញាឮ។

បើតាមចម្លើយសារភាព ពួកគេបានធ្វើសកម្មភាពជាច្រើនករណីនៅរាជធានីភ្នំពេញ ហើយលើកចុងក្រោយនេះ បានប្លន់ម៉ូតូ Zommer-X មួយគ្រឿងផងដែរ។

ដោយឡែកនៅរសៀលថ្ងៃទី០២ ខែសីហា ឆ្នាំ២០១៧នេះ សាលាដំបូងខេត្តកណ្ដាល បានសម្រេចឃុំខ្លួនជនសង្ស័យទាំង២នាក់ផងដែរ៕ (ទាំងស្រុងពី Fresh News)

លោក ប៊ុន រឿន ក្រុមការងារខណ្ឌជ្រោយចង្វារ នឹងក្រុមគ្រួសារ ពិតជាមានកិត្តិយសណាស់ បានធ្វេីជាតំណាង ក្នុងការទទួលគំនូរថ្នាក់ដឹកនាំកំពូលរបស់កម្ពុជា

រាជធានីរាជធានីភ្នំពេញ ៖ កាលពីថ្ងៃទី០១ ខែសីហា ឆ្នាំ២០១៧នេះ នៅរង្វង់មូលព្រហ្មមុខបួន លោកប៊ុន រឿន និងអ្នកនាង អារីយ៉ា ក្រុមការងារខណ្ឌជ្រោយចង្វារ សូមថ្លែងអំណរអរគុណបងប្រុស សាន្ត ប៊ុនធឿន វិចិត្រករដៃឯក សម្រែកបេះដូងគុណធម៍ ចំពោះថ្នាក់ដឹកនាំ ដែលបានសង្រ្គោះជាតិ ប្រជាជន ពិតប្រាកដគឺ សម្ដេចតេជោ ហ៊ុនសែន រួមនឹងថ្នាក់ដឹកនាំគណបក្សប្រជាជន ជួយពិត មិនចេះតែថា មិនដែលសន្យា អ្នកធ្វេីពិតប្រាកដ !!!

ក្នុងឱកាសនោះដែរ លោក ប៊ុន រឿន ក្រុមការងារខណ្ឌជ្រោយចង្វារ នឹងក្រុមគ្រួសារ ពិតជាមានភព្វ័សំណាងនឹងកិត្តិយសណាស់ និងសម្ដែងការត្រេកអរយ៉ាងខ្លាំង ដោយបានធ្វេីជាតំណាង មកទទួលគំនូររបស់ថ្នាក់ដឹកនាំកំពូល ដែលជាឪពុកម្ដាយទីពីរ ហេីយក៏ជាស្ថាបនិក សន្តិភាព នឹង ការអភិវឌ្ឍន៍ របស់ប្រទេសកម្ពុជា ។

នេះជាគំនូរស្រស់ស្អាតគ្មានពីរ គូរដោយបេះដូងពោរពេញដោយ មនោសញ្ចេតនា ស្រលាញ់ពេញចិត្ត ដែកជាស្នាដៃរបស់លោក សាន្ត ប៊ុនធឿន ក្នុងន័យដឹងគុណ ចំពោះថ្នាក់ដឹកនាំ ដ៏ល្អ របស់ប្រទេសជាតិខ្លួន ។

ក្នុងនាមជាក្រុមការងារខណ្ឌជ្រោយចង្វារ លោកប៊ុន រឿន និងក្រុមគ្រួសារ បានបន្ថែមទៀតថា ៖ ក្រុមគ្រួសាររបស់លោកពិតជាគោរពស្រលាញ់ បំរេី ការពារ យ៉ាងស្មោះស្មគ្រ័ ចំពោះសម្ដេចតេជោ ហ៊ុនសែន សម្ដេចគតិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងក្រុមគ្រួសារ នឹងចៅៗ ខ្លាំងណាស់ ៕

ស្ថាបនិតនៃសាកលវិទ្យាល័យបញ្ញាសាស្រ្ត លោកតា កុល ផេង ផ្ដល់អាហារូបករណ៍១០០%ដល់ ពេជ្រ ថៃ ទោះធ្លាក់ ឬជាប់ក៏ដោយ

ប្រភពពី ជង្រុកព័ត៏មាន : នៅថ្ងៃទី០២ ខែសីហា ឆ្នាំ២០១៧នេះ បើយោងតាមគណនីហ្វេសប៊ុក ឈ្មោះ Chhouk បានបង្ហោះសារ និងរូបភាព យ៉ាងដូច្នេះថា៖

#ដំណឹងដ៏រីករាយដល់ប្អូនប្រុស_ពេជ្រ_ថៃ
នៅពេលដែលខ្ញុំផុសថានឹងជួយផ្ដល់សម្លៀកបំពាក់ដល់ប្អូនពេជ្រ ថៃ មានអ្នកសួរខ្ញុំថា ហេតុអីមិនជួយគាត់ផ្នែកសម្ភារៈសិក្សាវិញ ដូចជាកាតាប សៀវភៅ និងកង់ជិះជាដើម? ខ្ញុំក៏មិនបានសន្យាអីដែរទៅលើការសិក្សារបស់គាត់ ព្រោះវាហួសលទ្ធភាពរបស់ខ្ញុំ។

បន្ទាប់មក ខ្ញុំបានពាំនាំដំណឹងនេះជូនលោកតាបណ្ឌិត កុល ផេង ដោយលោកមានចិត្តមេត្តា ករុណា ចំពោះអ្នកខ្សត់ លោកតា ក៏សណ្ដោសផ្ដល់អាហារូបករណ៍ដល់ប្អូនប្រុសតូច ពេជ្រ ថៃ ពេញតែម្ដងទាំងថ្នាក់ភាសាអង់គ្លេស (IEAP) ទាំងថ្នាក់បរិញ្ញាប័ត្រ(BA) នៅសាកលវិទ្យាល័យបញ្ញាសាស្ដ្រ ដែលជាសាលាដ៏ល្បីល្បាញមួយប្រចាំប្រទេសកម្ពុជាយើង ទោះបីគាត់ប្រឡង The Voice Kids Cambodia ធ្លាក់ឬជាប់ក៏ដោយ។ហើយលោកតាក៏មានបណ្ដាំខ្លះដល់ប្អូនប្រុស ពេជ្រ ថៃ ដែរគឺ ” ចៅពូកែសិល្បៈហើយ តែចៅកុំភ្លេចប្រឹងប្រែងរៀនសូត្រឲ្យចប់ថ្នាក់ទី១២ សាលាបញ្ញាសាស្ត្រត្រៀមកៅអីអាហាររូបករណ៍ជូនចៅ១០០ភាគរយ “។

#បញ្ជាក់៖ រហូតមកដល់ពេលនេះ ខ្ញុំនៅមិនទាន់ទទួលបានការទាក់ទងផ្ទាល់ពីប្អូនប្រុសតូចនៅឡើយទេ។ បើបងប្អូនណាដឹង សូមជួយផ្ដល់ដំណឹងនេះដល់គាត់ ឬអ្នកជិតស្និទ្ធិគាត់ឲ្យទាក់ទងមកអាត្មាផង។ សូមអរព្រះគុណ និងអរគុណ។

លោកតា កុល ផេង គឺបិតាស្ថាបនិតនៃសាកលវិទ្យាល័យបញ្ញាសាស្រ្ត លោកតាតែងតែជួយដល់ជនក្រីក្រគ្មានលទ្ធភាពរៀនថ្នាក់មហាវិទ្យាល័យនឹងសាលកមិនតែប៉ុណ្ណោះលោកបានជួយអ្នកដែលគ្មានការងារធ្វើថែមទៀតផងពិតជារំភើបជំនួសប្អូនប្រុស និងទឹកចិត្តសណ្តោសមេត្តារបស់លោកតាបណ្ឌិតចំពោះអ្នកក្រខ្សត់ ឲ្យមានឱកាសបានសិក្សា លោកតាតែងមានចិត្តសណ្តោសប្រណៃជានិច្ច។

ចូលរួមត្រេកអរជាមួយ ពេជ្រ ថៃ ដែលបានការសណ្តោសប្រោសប្រណីពីសំណាក់ឯកឧត្តម កុល ផេង ជួយឧបត្ថម្ភ រហូតចប់ថ្នាក់បរិញ្ញាបត្រ គោរពជូនពរឯកឧត្តម មានសុខភាពល្អ ជួបប្រទះពុទ្ធពរ4ប្រការគឺ អាយុ វណ្ណ: សុខ:ពល:កុំបីឃ្លៀងឃ្លាតឡើយ៕