ពិភពចែករំលែក

ចំនួនភ្ញៀវចូលទស្សនារមណីយដ្ឋានអង្គរនៅក្នុងខែមិថុនា សរុប ១៤០,៧៦០នាក់ និងថវិកាដែលបានពីការលក់សំបុត្រ បាន ៦,២៥៤,៣៧០ដុល្លារ

ចំនួនភ្ញៀវដែលចូលទស្សនារមណីយដ្ឋានអង្គរនៅក្នុងខែមិថុនា មានចំនួសរុប ១៤០,៧៦០នាក់ និងថវិកាដែលបានមកពីការលក់ប័ណ្ណចូលទស្សនារមណីយដ្ឋានអង្គរ បានចំនួន ៦,២៥៤,៣៧០ដុល្លារអាមេរិក។ ហើយថវិកាដែលបានមកពីការលក់ប័ណ្ណចូលទស្សានានេះ បានបង់ចូលមូលនិធិមន្ទីរពេទ្យគន្ធបុប្ឆា ២៨១,៥២០ដុល្លារ និងបង់ចូលថវិកាជាតិ ៥,៩៧២.៨៥០ដុល្លារអាមេរិក។

បេីយោងតាមរបាយការណ៍របស់គ្រឹះស្ថានអង្គរបានឲ្យដឹងថា ចំពោះប័ណ្ណចូលទស្សនារមណីយដ្ឋានអង្គរ ដែលមានតម្លៃ ៣៧ដុល្លារ លក់បានចំនួន ៩៩,២៨៤ ។ ប័ណ្ណចូលទស្សនារមណីយដ្ឋានអង្គរ ដែលមានតម្លៃ ៦២ដុល្លារ លក់បានចំនួន ៤០,៥៤១ និងប័ណ្ណចូលទស្សនារមណីយដ្ឋានអង្គរ ដែលមានតម្លៃ ៧២ដុល្លារ លក់បានចំនួន ៩៣៥ ។

ចំណែកចំនួនភ្ញៀវទិញ ប័ណ្ណចូលទស្សនារមណីយដ្ឋានអង្គរ សរុប ១៤០,៧៦០នាក់ ៕

ប្រភពពី : BTV Cambodia

Mrr Swaq ជូនពរមិត្តដែលប្រឡងបាក់ឌុបឆ្នាំនេះ ជួបនូវពុទ្ធពរទាំង 5 ប្រការគឺ...

Mrr Swaq : សូមជូនពរគ្រប់ៗគ្នានូវពុទ្ធពរទាំង 5 ប្រការគឺ :
ភ្នែកច្បាស់ ត្រជៀកវ័យ ដៃរហ័ស ខួររអិល និងតិចនិចលាក់ប្រីយ៉ុងខ្ពស់ កុំបីឃ្លាងឃ្លាតឡើយ 👏👏 អនុរក្សមកពីមុខឲរំលង 🙈💨 អនុរក្សមកពីក្រោយខ្នងឲរលាយ 🌚💨 រីឯអ្នកសង្កេតការណ៍មកពីនាយ ហើយមិនចេះយោគយល់សូមឲវិនាសខ្ជាត់ខ្ជាយ ជាពិសេសសូមឲក្រឡេកទៅនិយាយជាមួយអ្នកណា ធ្វើឲគេពិបាកចិត្ត គោរព អាណិត និងព្រមជួយស្រោចស្រង់ ឲចំលងដោយសន្តិវិធី ❤ អនុមោទនា!

ដកស្រង់ពី [Mrr Swaq]

#Dont_mind_me

#For_all_grade_11_12

#Try_our_best

First News | ចុះបង្រ្កាបទីតាំងម៉ាស្សាឡុង ឈាន គឺសង្ស័យមានការបង្កប់ជួញដូរផ្លូវភេទ ទាំងយប់

រាជធានីភ្នំពេញ ៖ នៅវេលាម៉ោង១០យប់ ថ្ងៃទី១ ខែកក្កដា ឆ្នាំ២០១៧នេះ កម្លាំងសមត្ថកិច្ចចុះបង្រ្កាបទីតាំងក្លឹបម៉ាស្សាមួយកន្លែង យីហោ ឡុងឈានដោយមានការសង្ស័យលួចបង្កប់សេវាជួញដូរផ្លូវភេទ ដែលអាគាលេខ១០A ផ្លូវ៣១៥ ស្ថិតក្នុងសង្កាត់បឹងកក់ទី១ ខណ្ឌទួលគោក។

ប្រភពពី : Post News Media

អភិបាលរាជធានីភ្នំពេញថ្មី លោក ឃួង ស្រេង ដឹកនាំមន្ត្រីជំនាញ អាជ្ញាធរដែនដី ចុះពិនិត្យមើល សកម្មភាពកាយប្រឡាយស្ទឹងមានជ័យ ដើម្បីរំដោះទឹកចេញពីតំបន់លិចលង់ដោយជំនន់ទឹកភ្លៀង

អភិបាលរាជធានីភ្នំពេញថ្មី លោក ឃួង ស្រេង នៅព្រឹកថ្ងៃទី ០១ ខែកក្កដា ឆ្នាំ២០១៧នេះ បានចុះដឹកនាំមន្ត្រីជំនាញ និងអាជ្ញាធរដែនដី ចុះពិនិត្យមើល សកម្មភាពកាយប្រឡាយស្ទឹងមានជ័យ ដើម្បីរំដោះទឹកចេញពីតំបន់លិចលង់ដោយជំនន់ទឹកភ្លៀង ។ នេះជាការងារបំរើផលប្រយោជន៍សាធារណៈជាលើកតំបូងរបស់លោក ខណៈលោកបានមកកាន់តំណែងជាអភិបាលរាជធានីភ្នំពេញថ្មី ជំនួសឯកឧត្តម ប៉ា សុជាតិវង្ស ដែលបានចូលនិវត្ត។

មន្ត្រីរដ្ឋបាលរាជធានីភ្នំពេញបានឲ្យដឹងថា ប្រឡាយស្ទឹងមានជ័យ មានប្រវែង ១៩០០ម៉ែត្រ និងមានសារៈសំខាន់ណាស់ ក្នុងការដោះស្រាយជំនន់ទឹកភ្លៀងចេញពី តំបន់ព្រលានយន្តហោះ ផ្លូវ២០០៤ ផ្លូវ២០០២ និងតំបន់ស្ទឹងមានជ័យ ដោយទំលាក់ទឹកទៅស្ថានីយ៍បូមទឹកបឹងទំពុន ។

មន្ត្រីរូបនេះក៏បានបញ្ជាក់ថា ប្រឡាយនេះនឹងស្ថាបនាឡើង ដោយបុកស៊ីផាយ មានទទឹងមាត់លើ១០ម៉ែត្រ ស្ថាបនាផ្លូវបេតុងសងខាងប្រឡាយម្ខាង៦ម៉ែត្រ និងម្ខាងទៀត២ម៉ែត្រ ។ ចំពោះប្រជាពលរដ្ឋដែលរងផលប៉ះពាល់ទៅនឹងការអភិវឌ្ឍន៍ប្រឡាយនេះមានចំនួនប្រមាណ១០០០គ្រួសារ ហើយប្រជាពលរដ្ឋទាំងអស់ ក្រោយផលប៉ះពាល់ហើយនឹងទទួលបានប្លង់កម្មសិទ្ធិស្របច្បាប់ពីរដ្ឋបាលរាជធានីភ្នំពេញ។

គួរបញ្ជាក់ផងដែរថា ខណៈចុះពិនិត្យមើលស្ថានភាពប្រឡាយស្ទឹងមានជ័យ កាលពីព្រឹកថ្ងៃ២៧ មិថុនា កន្លងមក លោក ឃួង ស្រេង បានជម្រុញអោយលោក សាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានី ដាក់គ្រឿងចក្រជាបន្ទាន់ដើម្បីកាយប្រឡាយស្ទឹងមានជ័យ រំដោះទឹកចេញ។

ការស្តាប្រឡាយស្ទឹងមានជ័យជាបណ្តោះអាសន្ននេះវានឹងប៉ះពាល់ផ្ទះប្រជាពលរដ្ឋដែលសង់រំលោភលើប្រឡាយនេះ២ម៉ែត្រ ។លើបញ្ហានេះ លោកអភិបាលរាជធានីភ្នំពេញថ្មី បានស្នើសុំអោយប្រជាពលរដ្ឋ យោគយល់ ។ ចំណែកអាជ្ញាធរវិញលោកឃួង ស្រេង ក៏បានស្មើអោយមានការថតរូបនិងធ្វើស្ថិតិអោយបានច្បាស់លាស់ចំពោះប្រជាពលរដ្ឋដែលប៉ះពាល់ ដោយលោកសន្យាថា នឹងដោះស្រាយជូនប្រជាពលរដ្ឋទាំងអស់ម្នាក់ដីឡូមួយល្វែង នៅហ្នឹងកន្លែង ពោលគឺមួយគ្រួសារអាចទទួលបានដី១ឡូទំហំ ទទឹង៤ម៉ែត្របណ្តោយជាង១០ម៉ែត្រនិងផ្តល់កម្មសិទ្ធិស្របច្បាប់ផងដែរ។

ក្រោយពីទទួលបានដីធ្លីហើយ នៅពេលសាងសង់ប្រជាពលរដ្ឋត្រូវតែសុំច្បាប់ពីអាជ្ញាធរ ដោយមិនត្រូវបង់ប្រាក់ឡើយ សូម្បីតែពន្ធប្រថាប់ត្រា ហើយការងារនេះលោកសន្យាថា នឹងធ្វើឲ្យបានសម្រេចនិងរួចរាល់នៅមុន ការបោះឆ្នោតជ្រើសរើសតំណាងរាស្ត្រនៅឆ្នាំ២០១៨ ខាងមុខនេះ។

ចំពោះគម្រោងនេះ ប្រជាពលរដ្ឋរស់នៅតាមប្រឡាយស្ទឹងមានជ័យ ស្ថិតក្នុងសង្កាត់ស្ទឹងមានជ័យ ខណ្ឌមានជ័យ និងខណ្ឌសែន សុខ ពិតជាត្រេកអរយ៉ាងខ្លាំងដោយពួកគាត់អាចទទួលបានដីជាកម្មសិទ្ធិស្របច្បាប់ ក្រោយពីកាត់ទំហំប្រឡាយ ធ្វើផ្លូវតាមប្រឡាយនេះរួច ៕

ដោយ ពិភពចែករំលែក

ការពិតគឺ ក្រុមចោរឆក់មួយសំបុក៨នាក់នេះ (ដែលឆក់គ្រូភាសារចិន) ត្រូវកម្លាំងនគរបាលក្រុង ស្រាវជ្រាវបង្ក្រាប និងបង្ហាញមុខជាសាធារណៈហេីយ នាថ្ងៃបញ្ជូនទៅតុលាការ

រាជធានីភ្នំពេញ ៖ លោក ប៊ុន សត្យា នាយការិយាល័យ នគរបាលព្រហ្មទណ្ឌកំរិតស្រាល រាជធានីភ្នំពេញ បានថ្លែងប្រាប់អ្នកសារព័ត៌មានថា ចំពោះក្រុមជនសង្ស័យដែលតែងតែធ្វើសកម្មភាពឆក់កាបូប ទូរស័ព្ទ និងសម្ភារផ្សេងៗពីប្រជាពលរដ្ឋតាមដងផ្លូវសាធារណៈយ៉ាងកក្រើក ក្នុងរាជធានីភ្នំពេញ ពិសេសបានធ្វើសកម្មភាពឆក់កាបូបពីស្ត្រីរងគ្រោះជាអ្នកគ្រូនាយកសាលាបង្រៀនភាសារចិនម្នាក់ បណ្ដាលឲ្យដួលបោកក្បាលរងរបួសធ្ងន់ ស្ទើរតែស្លាប់បាត់បង់ជីវិតពេលបញ្ជូនយកទៅសង្គ្រោះជាបន្ទាន់នៅឯមន្ទីរពេទ្យនោះ ត្រូវបានកម្លាំងនគរបាលរបស់លោកតាមស៉ើបអង្កេតរហូតបង្ក្រាបឃាត់ខ្លួនបានជាបន្តបន្ទាប់ក្នុងមួយសំបុក មានបក្ខពួកដល់ទៅ៨នាក់។

ប្រតិបត្តិការតាមបង្ក្រាបក្រុមចោរឆក់កាបូបទាំងនេះ បានធ្វើឡើងក្រោយមានការបញ្ជាយ៉ាងម៉ឺងម៉ាត់ពីសំណាក់ នាយឧត្តមសេនីយ៍ ជួន សុវណ្ណ អគ្គស្នងការរង និងជាស្នងការនគរបាលរាជធានីភ្នំពេញ និងមានការដឹកនាំផ្ទាល់ពីលោកឧត្តមសេនីយ៍ត្រី សុង លី ស្នងការរងទទួលផែនព្រហ្មទណ្ឌ ព្រមទាំងមានការសម្របសម្រួលពីព្រះរាជអាជ្ញារងលោក សៀង សុខ ផងនោះ កម្លាំងការិយាល័យនគរបាលព្រហ្មទណ្ឌកំរិតស្រាល បានធ្វើការដាក់បង្ហាញមុខក្រុមជនសង្ស័យជាសាធារណៈ នៅព្រឹកថ្ងៃទី១ ខែកក្កដា ឆ្នាំ២០១៧នេះ មុនបញ្ជូនខ្លួនទៅកាន់សាលាដំបូងរាជធានីភ្នំពេញ ដើម្បីអនុវត្តនិតិវិធី។

លោក ប៊ុន សត្យា បានបញ្ជាក់ថា ក្នុងប្រត្តបត្តិការស្រាវជ្រាវ ហើយអាចឈានទៅដល់ការបង្ក្រាបឃាត់ខ្លួនក្រុមជនសង្ស័យជាចោរឆក់យ៉ាងសកម្មទាំង៨នាក់ខាងលើនេះដែរ ត្រូវបានអនុវត្តឡើងយ៉ាងយកចិត្តទុកដាក់បំផុតកាលពីថ្ងៃទី២៥ ខែមិថុនា រហូតមកដល់ថ្ងៃទី១ ខែកក្កដា ឆ្នាំ២០១៧នេះ «ពោលត្រឹមរយះពេល៦ថ្ងៃ» បន្ទាប់ពីហេតុការណ៍ដ៍សាហាវឃោឃៅមួយបានកើតឡើងទៅលើស្ត្រីរងគ្រោះម្នាក់ឈ្មោះ សេង អេង អាយុ៦៨ឆ្នាំ មានមុខរបរជាគ្រូបង្រៀននៅសាលាភាសារចិន ស្នាក់នៅផ្ទះលេខ១៦A ផ្លូវ២៥៧ ស្ថិតក្នុងភូមិ៨ សង្កាត់បឹងសាឡាង ខណ្ឌទួលគោក បានធ្វើដំណើរជិះម៉ូតូឌុបចេញទៅពិនិត្យឈាមនៅគ្លីនិច «មយូម៉េត» ដែលមានទីតាំងស្ថិតនៅស្តុបដេអិន ខណៈជនរងគ្រោះជិះម៉ូតូឌុបត្រឡប់មកវិញដល់ចំណុចមុខផ្ទះលេខ៥៦ ផ្លូវ២៣០ ក្រុម១៦ ភូមិ៦ សង្កាត់ទឹកល្អក់៣ ខណ្ឌទួលគោក ស្រាប់តែលេចមុខជនសង្ស័យមួយក្រុមជិះម៉ូតូ៤គ្រឿង មានបក្ខពួក ៨នាក់ បានមកធ្វើសកម្មភាពឆក់ប្រទាញប្រទង់យកកាបូបដៃពីជនរងគ្រោះរហូតបានសម្រេច ហើយក៍រត់គេចខ្លួនបាត់ស្រមោល និងបណ្ដាលឲ្យជនរងគ្រោះដួលបោកក្បាលរងរបួសយ៉ាងធ្ងន់ធ្ងរ ស្ទើរតែបាត់បង់ជីវិត ពេលបញ្ជូនទៅសង្គ្រោះបន្ទាន់នៅមន្ទីរពេទ្យ។

លោក ប៊ុន សត្យា បានបញ្ជាក់ទៀតថា ក្រោយកើតមានករណីឆក់នេះ កម្លាំងនគរបាលការិយាល័យព្រហ្មទណ្ឌកំរិតស្រាល បានបើកការស៉ើបអង្កេតភ្លាមៗជាបន្ទាន់ ដោយធ្វើការកំណត់ពីអត្តសញ្ញាណរបស់ក្រុមជនសង្ស័យ និងអាចឈានដល់បើកប្រត្តបត្តិការបង្ក្រាបឃាត់ខ្លួនក្រុមចោរឆក់យ៉ាងសកម្មជាបន្តបន្ទាប់ចំនួន៦នាក់ និងដកហូតបានម៉ូតូចំនួន៤គ្រឿងដែលជាមធ្យោបាយធ្វើសកម្មភាពរបស់ជនសង្ស័យ កាលពីល្ងាចថ្ងៃទី២៨ ខែមិថុនា ឆ្នាំ២០១៧ ស្ថិតនៅក្នុងខណ្ឌចំការមន។

នាយការិយាល័យនគរបាលព្រហ្មទណ្ឌកំរិតស្រាលដដែលបន្តថា ដោយមានការអំពាវសុំឲ្យមានកិច្ចសហការពីប្រជាពលរដ្ឋក្នុងការផ្ដល់ព័ត៌មាន ក៍ដូចជាផ្ដល់សេចក្ដីរាយការណ៍ផ្សេងៗ មកកាន់កម្លាំងនគរបាលការិយាល័យជុំនាញ រហូតមកដល់ព្រឹកថ្ងៃទី១ ខែកក្កដា ឆ្នាំ២០១៧នេះ បានធ្វើការពួនស្ទាក់លបឆ្មក់ទៅបង្ក្រាបជនសង្ស័យជាក្រុមចោរឆក់បាន២នាក់បន្ថែមទៀតផងដែរ និងដកហូតបានម៉ូតូ១គ្រឿង ដើម្បីយកមកសួរនាំយកចម្លើយ ហើយបានរកឃើញថា ក្រុមជនសង្ស័យជាចោរឆក់ទាំង៨នាក់ ក្នុងនោះមាន៦នាក់ជាអ្នកប្រើប្រាស់គ្រឿងញៀន។

ជនសង្ស័យទាំង៨នាក់មានឈ្មោះដូចជា ៖

សុខ លីហុង ភេទប្រុស អាយុ១៥ឆ្នាំ
ជា រតនា ភេទប្រុស អាយុ១៧ឆ្នាំ
សុខ ដំ ភេទប្រុស អាយុ២២ឆ្នាំ
កែ ចាន់វាសនា ភេទប្រុស អាយុ១៥ឆ្នាំ
មុត ឆុនវីរះ ភេទប្រុស អាយុ១៧ឆ្នាំ
ឆេង ម៉េងលាង ភេទប្រុស អាយុ១៥ឆ្នាំ
ទូច ច័ន្ទវិច្ឆិកា ហៅកា អាយុ១៨ឆ្នាំ
យស់ ច័ន្ទបូរម៉ី ភេទប្រុស អាយុ២០ឆ្នាំ។

ក្រោយពីបង្ហាញមុខរួចមក ជនសង្ស័យទាំង៨នាក់ ត្រូវបានបញ្ជូនទៅកាន់តុលាការដើម្បីចាត់ការតាមផ្លូវច្បាប់។ ៚

ដោយ ពិភពចែករំលែក

ពិភពចែករំលែក - World Share

Mrr Swaq ជូនពរមិត្តដែលប្រឡងបាក់ឌុបឆ្នាំនេះ ជួបនូវពុទ្ធពរទាំង 5 ប្រការគឺ...

First News | ចុះបង្រ្កាបទីតាំងម៉ាស្សាឡុង ឈាន គឺសង្ស័យមានការបង្កប់ជួញដូរផ្លូវភេទ ទាំងយប់

About

Blogroll

Featured Post

ម្ចាស់ផ្ទះចេញទៅចូលរួមពិធីបុណ្យគេ ស្រាប់តែទុស្សេខ្សែភ្លេីងឆេះផ្ទះអស់ នៅក្រុងអរិយក្សត្រ

ពិភពចែករំលែក - World Share