នៅវេលាម៉ោង០០៖២០នាទីអាធ្រាត្រ ឈានចូលថ្ងៃទី២០ ខែមេសា ឆ្នាំ២០១៧នេះ មានបុរសម្នាក់ស្រវឹងស្រា បានបេីករថយន្ត Tico ស្លាកលេខភ្នំពេញ 2Q-2894 ទៅបុករនាំងថ្មបែងចែកផ្លូវ នៅស្តុបផ្លូវម៉ៅសេទុង ទល់មុខភោជនីយ៍ដ្ឋានទន្លេបាសាក់ ខណ្ឌចំការមន ត្រូវបានកម្លាំងអាវុធហត្ថកំពុងល្បាតតាមផ្លូវឃាត់ និងហៅសមត្ថកិច្ចមកធ្វេីការវាស់វែង។
គួរអោយអាណិតណាស់! កូនស្រីហេីមជេីងខ្លាំង អត់លុយយកទៅពេទ្យ ត្រូវពូម៉ូតូឌុបចិត្តល្អ ឌុបមកផ្លូវវេងស្រេង ទាក់ទងវិទ្យុABCជួយយកទៅពេទ្យផង ខណៈនេះរថយន្តអន្តរាគមន៍វិទ្យុABCដឹកយកទៅពេទ្យគន្ធបុប្ផាព្យាបាលទាំងយប់ហេីយ
រាជធានីភ្នំពេញ ៖ ពូម៉ូតូឌុបចិត្តល្អ គាត់ប្រទះឃេីញនិងឌុបមកពីម្ដុំស្ទឹងមានជ័យ ខណ្ឌមានជ័យ ហេីយក៏សួរនាំតាមផ្លូវថា បងស្រីមានឈ្មោះ រ័ត្ន អាយុប្រហែល៣០ឆ្នាំ មានកូនស្រី២នាក់ ម្នាក់អាយុ១ខួប៤ខែ មានអាការៈហេីមជេីងខ្លាំង និងកូនម្នាក់ទៀតទេីបកេីតបាន២០ថ្ងៃប៉ុណ្ណោះ តែអត់មានលុយ យកកូនទៅព្យាបាលនៅមន្ទីរពេទ្យឡេីយ ពេលឌុបមកដល់ផ្លូវវេងស្រេង សង្កាត់ចោមចៅ ខណ្ឌពៅធ៍សែនជ័យ ពូម៉ូតូក៏បានទាក់ទងមកវិទ្យុABC សុំអោយជួយប្អូនស្រីផង នៅម្ដុំផ្លូវវេងស្រេង កាលពីវេលាម៉ោងប្រមាណ១១យប់ ថ្ងៃទី០៩ ខែមករា ឆ្នាំ២០១៧នេះ។
រហូតមកដល់ម៉ោង(11៖20pm 19-04-2017) ក្រុមការងារABC (លោកភក្ដី និងលោកសីហា) បានចេញ រថយន្តអន្តរាគមន៍វិទ្យុABC (ជាអំណោយរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ប្រគល់ឲ្យស្ថានីយ៍វិទ្យុABC សំរាប់ធ្វេីការងារមនុស្សធម៍ក្នុងសង្គម) ទៅដល់ហេីយ និងកំពុងនាំបងស្រី រ័ត្ន អាយុប្រហែល៣០ឆ្នាំ មានកូនស្រី២នាក់ ម្នាក់អាយុទេីប២០ថ្ងៃ និងម្នាក់ទៀតអាយុ១ខួប៤ខែ មានអាការៈហេីមជេីងខ្លាំង យកទៅពិនិត្យព្យាបាលនៅមន្ទីរពេទ្យគន្ធបុប្ផា។
ខណៈនេះម៉ោង១១៖៤៥នាទីយប់ ក្រុមការងារABC (លោកភក្ដី និងលោកសីហា) បានធ្វេីដំណេីរតាម រថយន្តអន្តរាគមន៍វិទ្យុABC ទៅដល់មន្ទីរពេទ្យគន្ធបុប្ផាហេីយ ដោយបានអោយគ្រូពេទ្យពិនិត្យមេីល និងកំពុងរងចាំមេីលលទ្ធផលសិន។
ព័ត៍មានបន្ថែមABCនឹងជម្រាបជូនបន្ត ឬតាមដានស្ដាប់វិទ្យុABC 107.5 FM និងអាចទស្សនាតាមការ Live ផ្ទាល់លេីទំព័រ Facebook ព័ត៍មានផ្លូវការ របស់វិទ្យុABC គឺ ABC FB
បេីមានអ្វីបន្ទាន់ៗ ឬត្រូវការសមត្ថកិច្ចចុះអន្តរាគមន៍ ត្រូវការឡានពេទ្យ ត្រូវការឡានពន្លត់អគ្គិភ័យ ប្រទះឃេីញមនុស្សវង្វេង ឬបាត់ក្មេង និងអ្វីបន្ទាន់ៗ អាចទាក់ទងមកវិទ្យុABC (24ម៉ោង) តាមលេខទូរស័ព្ទ 010 231010 / 012231010 / 070 231010 / 077 231010 និង 087 23-23-23
រាជធានីភ្នំពេញ ៖ ស្ត្រីម្នាក់សម្លាប់ខ្លួនចោលប្តីសង្ស័យមានវិបត្តិគ្រួសារ ខណៈដែលមកពីកម្មវិធីផឹកសុីជាមួយមិត្តភ័ក្តិវិញលោតពីលើខុនដូរហេតុការណ៍នេះបានកើតឡើងកាលពីវេលាម៉ោង០១:៣០នាទីយប់រំលងអាធ្រាត្រឈានចូលថ្ងៃទី១៩ ខែមេសា ឆ្នាំ២០១៧នេះ នៅខុនដូលេខ ០៧.០៩បុរីសែនសុខ ផ្លូវលេខ៥៩៨ ក្រុមទី៧ សង្កាត់ភ្នំពេញថ្មី ខណ្ឌសែនសុខ ។ សាកសពត្រូវបានគេស្គាល់ឈ្មោះ យីម.យាង ភេទស្រី អាយុ ៣៦ឆ្នាំ មុខរបរ អាជីវករទីលំនៅខុនដូរកើតេហតុខាងលើ។
តាមប្រភពព័ត៌មានពីប្តីរបស់ស្រ្តីរងគ្រោះបានអោយដឹងថា នៅមុនពេលកើតហេតុជនរងគ្រោះនិងខ្លួន(ស្វាមី)បាននាំគ្នាទៅហូបបាយនិងផឹកស៊ីនៅផ្ទះមិត្តភក្ត្រ័នៅបុរីប៉េង.ហួត។ បន្ទាប់មកក៏បបួលគ្នាទៅច្រៀងខារ៉ាអូខេនៅហាងសំរិទ្ឋពេជ្រ រួចច្រៀងចប់ក៏បែកផ្លូវគ្នាទៅផ្ទះរៀងៗខ្លួន។ចំណែកជនរងគ្រោះនិងខ្លួន(ស្វាមី)ក៏បើករថយន្តមកផ្ទះពេលមកដល់ផ្ទះជនរគ្រោះរៀបចំបត់ខោអាវ។ដោយឡែកខ្លួនកំពុងរៀបចំម្ហូបដែលនៅសល់ទុក។ពេលនោះជនរងគ្រោះបានបើកទ្វារចេញទៅវ៉េរ៉ង់ដាខាងមុខលោតចុះមកក្រោមណ្តាលអោយស្លាប់តែម្តង ។ ក្រោយពីកើតហេតុគេឃើញកម្លាំងនគរបាលសហការជាមួយកងរាជអាវុធហត្ថមូលដ្ឋានចុះទៅកន្លែងកើតហេតុធ្វើកោសល្យវិច័យ។
ប្រភពព័ត៌មានពីកម្លាំងនគរបាលជំនាញបានអោយដឹងបន្ថែមទៀតថា សាកសពជនរងគ្រោះពិតជាស្លាប់ដោយសារលោតពីលើខុនដូពិតប្រាកដមែន បច្ចុប្បន្ននេះសាកសពជនរងគ្រោះត្រូវបានស្វាមីនិងក្រុមគ្រួសារយកទៅធ្វើបុណ្យនៅខេត្តព្រៃវែង៕
ប្រភពពី : Facebook
Update : ករណីអគ្គីភ័យមួយបានឆេះផ្ទះល្វែង យ៉ាងសន្ធោរសន្ធៅ ដែលស្ថិតនៅសង្កាត់កំពង់ស្វាយ ក្រុងសេរីសោភ័ណ្ឌ ខេត្តបន្ទាយមានជ័យ ដោយផ្ទះប្រជាពលរដ្ឋ២ខ្នង រួមទាំងទ្រព្យសម្បត្តិមួយចំនួនធំ ត្រូវបានអគ្គិភ័យលេបត្របាក់អស់ទាំងស្រុង និងមិនបណ្ដាលឲ្យមានអ្នករងរបួសទេ។
ហេតុការណ៍អគ្គិភ័យខាងលេីនេះកេីតឡេីងកាល ពីវេលាម៉ោង១៤៖២០នាទីរសៀល ថ្ងៃទី១៨ ខែមេសា ឆ្នាំ២០១៧នេះ។
រាជធានីភ្នំពេញ ៖ ស្ត្រីម្នាក់បានកាន់រូបថតកូនស្រីជាមួយការយំស្រែក ធ្វើដំណើរទៅកាន់ប៉ុស្ដិ៍នគរបាលចោមចៅ នៅវេលាម៉ោង៦ល្ងាច ថ្ងៃទី១៨ ខែមេសា ឆ្នាំ២០១៧ ដើម្បីសុំឲ្យនគរបាលជួយអន្តរាគមន៍រកកូនស្រីគាត់ ដែលនាងបានទៅលេងស្រុកកំណើតខាងគូដណ្ដឹង រយៈពេលជាង១០ថ្ងៃទៅហើយ មិនឃើញត្រលប់មកផ្ទះវិញសោះ។ ចំណែកគាត់ជាម្ដាយមិនដែលបានស្គាល់ស្រុកកំណើតអនាគតកូនប្រសាឡើយ ដឹងតែនៅក្នុងខេត្តព្រៃវែងប៉ុណ្ណោះ ប៉ុន្តែមិនបានដឹងថានៅក្នុងភូមិ ឃុំ និងស្រុកអ្វីឡើយ ទើបមិនអាចទៅតាមរកដល់ទីនោះបាន។ ម្យ៉ាងទៀតកូនស្រីសំណព្វចិត្តក៏បានបិទទូរស័ព្ទមិនអាចទាក់ទងបានទៀតទើបធ្វើឲ្យគាត់មានការព្រួយបារម្ភយ៉ាងខ្លាំងពីសុវត្ថិភាពកូនស្រី ហើយក៏បានរត់រកនគរបាលឲ្យជួយតែម្ដង។
ស្ត្រីជាម្ដាយឈ្មោះ ម៉ា ចាន់ អាយុ៤៣ឆ្នាំ មានមុខរបរជាកម្មការិនីងរោងចក្រកាត់ដេរ មានស្រុកកំណើតនៅក្នុងភូមិខ្នាច ឃុំសេដ្ឋី ស្រុកកំពង់ត្រឡាច កំពង់ឆ្នាំង និងស្នាក់នៅផ្ទះជួលម្ដុំភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ។ គាត់មានកូនជាមួយប្ដីមុន២នាក់ ចំណែកនាងដែលបាត់ខ្លួននោះឈ្មោះ អ៊ន ស្រីចម អាយុ១៨ឆ្នាំ មុខកម្មការិនីរោងចក្រកាត់ដេរ គឺជាកូនប្ដីមុន ហើយក្រោយពេលបែកបាក់ជាមួយប្ដីមុន គាត់បានយកប្តីក្រោយម្នាក់ទៀត ឈ្មោះ ឡេង សេង អាយុ៤៨ឆ្នាំ និងមានកូនជាមួយប្ដី ក្រោយនេះ២នាក់ទៀត។ ដោយឡែកគូដណ្ដឹងកូនស្រី និងជាអនាគតកូនប្រសាគាត់នោះឈ្មោះ ពិសិទ្ធ មានស្រុកកំណើតនៅក្នុងខេត្តព្រៃវែង។
នៅក្នុងប៉ុស្ដិ៍នគរបាលចោមចៅ ស្ត្រីដែលបាត់កូនស្រីនោះបានប្រាប់ឲ្យនគរបាលដឹងថា គាត់ និងក្រុមគ្រួសារ បានចាកចេញពីស្រុកកំណើត មកស្នាក់នៅក្នុងផ្ទះជួលខាងលើ ដើម្បីធ្វើជាកម្មករ កម្មការិនីរោងចក្រកាត់ដេរ ហើយកូនស្រីគាត់បានទទួលការស្រលាញ់ពីយុវជន ឈ្មោះ ពិសិទ្ធ នោះដោយយុវជនខាងលើបានឲ្យចាស់ទុំចូលចែចូវស្ដីដណ្ដឹងតាមទំនៀមទម្លាប់ប្រពៃណីខ្មែរ កាលពីអំឡុងថ្ងៃបុណ្យភ្ជុំបិណ្ឌក្នុងឆ្នាំ២០១៦កន្លងទៅ។ ក្រោយពេលស្ដីដណ្ដឹង និងភ្ជាប់ពាក្យរួចរាល់ បានកំណត់យកថ្ងៃរៀបអាពាហ៍ពិពាហ៍ នៅក្នុងខែសីហា ឆ្នាំ២០១៧ គឺរយៈ៤ខែទៀតខាងមុខនេះ ដោយខាងប្រុសបានព្រមជូនថ្លៃទឹកដោះចំនួន១,៥០០ដុល្លារ។
ទោះជាបែបនេះក្ដីការចូលស្ដីដណ្ដឹង និងការភ្ជាប់ពាក្យធ្វើឡើង នៅក្នុងផ្ទះជួលឯភូមិជម្ពូវ័ន សង្កាត់ចោមចៅតែប៉ុណ្ណោះ មិនបានទៅធ្វើនៅឯស្រុកកំណើតនោះឡើយ។ ចំណែកគាត់វិញ មិនដែលបានស្គាល់ស្រុកកំណើតខាងអនាគតកូនប្រសានោះទេ មានតែកូនស្រីគាត់ដែលបាត់ខ្លួនម្នាក់គត់ដែលបានស្គាល់។ ស្ត្រីជាម្ដាយរូបនោះបានបន្តថា ដោយឡែកកាលពីថ្ងៃទី៨ ខែមេសា ឆ្នាំ២០១៧ កូនស្រីគាត់បានសុំទៅលេងស្រុកកំណើតគូដណ្ដឹង ដោយមុនពេលទៅបានប្រគល់លុយប្រាក់ខែឲ្យគាត់ទាំងអស់ ដោយនៅជាប់ខ្លួននាង មានតែគ្រឿងអលង្ការមួយចំនួនតែប៉ុណ្ណោះ ហើយក៏បានប្រាប់គាត់ថា និងវិលត្រលប់ទៅផ្ទះវិញឲ្យទាន់ថ្ងៃចូលឆ្នាំខ្មែរ។
លុះក្រោយមកក៏ស្រាប់តែទៅបាត់រហូតដល់ថ្ងៃទី១៦ ទើបគាត់ខលទទៅសួរកូនស្រីថា《ត្រលប់មកផ្ទះវិញថ្ងៃណា ព្រោះត្រូវចូលធ្វើការវិញនាថ្ងៃទី១៨ហើយ》ពេលនោះកូនស្រីបានប្រាប់ថា《ម៉ែខ្ញុំដឹងហើយតែថ្ងៃទី១៧ ទើបខ្ញុំបានទៅវិញ ព្រោះពេលនេះអត់មានរថយន្តឈ្នួលជិះទៅទេ》។ បន្ទាប់មកក៏ស្រាប់តែបិទទូរស័ព្ទរហូតខលលែងចូលតែម្ដង ហើយក៏មិនឃើញត្រលប់មកផ្ទះវិញឡើយ ដែលជាហេតុធ្វើឲ្យគាត់មានការព្រួយបារម្ភខ្លាចកូនមានគ្រោះថ្នាក់ ត្រូវគេវាយសម្លាប់ ឬមានបញ្ហាអ្វីមួយកើតឡើង។
ម្យ៉ាងគាត់មិនដែលស្គាល់ស្រុកកំណើត អនាគតកូនប្រសា និងមិនអាចទៅតាមរកបានផងនោះ ទើបគាត់សម្រេចចិត្តដាក់ពាក្យបណ្ដឹង សុំឲ្យនគរបាលជួយអន្តរាគមន៍។ ទោះបីជាបែបណានៅក្នុងពេលនោះនគរបាលបានទទួលពាក្យបណ្ដឹងគាត់ និងបានលួងលោមគាត់កុំឲ្យពិបាកចិត្ត និងគិតអ្វីដែលអាក្រក់ៗពេកនោះទេ៕ ពីកោះសន្តិភាព
សូមជួយ Share បន្តផង! សូមអរគុណ
