ពិភពចែករំលែក

អគ្គិភ័យឆាបឆេះរោងចក្រស្បែកជើង យ៉ាងសន្ធោរសន្ធៅ

[ពិភពចែករំលែក]
រាជធានីភ្នំពេញ ៖ រោងចក្រផលិតគ្រេឿងផ្សំស្បែកជើងដ៏ធំមួយកន្លែង ដែលមានទីតាំងស្ថិតក្នុងសង្កាត់ភ្លើងឆេះរទេះ ខណ្ឌពោធិ៍សែនជ័យ ត្រូវមហន្តរាយអគ្គីភ័យឆាបឆេះ យ៉ាងសន្ធោរសន្ធោរ បំផ្លាញទ្រព្យសម្បត្តិ និងគ្រេឿងសង្ហរឹមផ្សេងៗ ក្នុងរោងចក្រ បង្កអោយមានការភ្ញាក់ផ្អើលឡើងកាលពីវេលាម៉ោង ១៥:០០នាទីរសៀលថ្ងៃទី២៤ ខែកញ្ញា ឆ្នាំ២០១៧ ។

តាមប្រភព័ត៌មាន នៅកន្លែងកើតហេតុ អោយដឹងថា មុនកើតហេតុ បុគ្គលិករោងចក្របានយកសាំងម្រអូបទៅទុកក្បែរកុងតាក់អគ្គីសនី លុះមួយសន្ទុះក្រោយមក ចរន្តភ្លើងបានទុស្សេ បានអោយផ្កាភ្លើងឆាបទៅសាំងក្រអូប ក៏បង្កអោយមានជាអណ្តាតភ្លើងឆាបឆេះក្រណាត់នៅទីនោះ និងបន្តរីករាលដាលដល់សម្ភារះផ្សេងៗ បង្កអោយមានការឆាបឆេះកាន់តែខ្លាំងឡើងៗតែម្តង ។

ភ្លាមៗ បន្ទាប់ពីឆាបឆេះ កម្លាំងអាជ្ញាធរ និងសមត្ថកិច្ច ពិសេសរថយន្តពន្លត់អគ្គីភ័យជាច្រើនគ្រេឿងបានអន្តរាគមន៍ដល់ទីតាំងខាងលើ និងជួយអន្តរាគមន៍បាញ់ទឹកពន្លត់ ទប់ស្កាត់កុំអោយមានការឆាបឆេះរីករាលដាលបន្តទៀត ។ក្រោយការអន្តរាគមន៍យ៉ាងយកចិត្តទុកដាក់អស់រយះពេលជាង១ម៉ោងរួចមក អណ្តាតភ្លើងត្រូវបានរលត់សូន្យសុងទៅវិញ១០០% ដោយក្នុងនោះ សមត្ថកិច្ចប្រើប្រាស់រថយន្តអន្លត់អគ្គីភ័យអស់ចំនួន១២គ្រេឿង ឡើងចុះ១៦ជើង ៕៚

[ពិភពចែករំលែក]

ហួសខិត្តអ្នកសិល្បះចេញមកទើសអ្នកសិល្បះទៀតហើយ ហម ឈរ៉ា ទើបលែងលះប្រពន្ធមិនទាន់បានប៉ុន្មានផង ស្រាប់ត្រូវអ្នកសិល្បៈ រិះគន់អត់ទំនងថា…..(មានវីដេអូ)

[ពិភពចែករំលែក]
រាជធានីភ្នំពេញ ៖ នៅថ្ងៃទី២៤ ខែកញ្ញា ឆ្នាំ២០១៧នេះ លោក ហម ឈរ៉ា តារាសម្តែងជើងចាស់ល្បីឈ្មោះហើយក៏ទើបតែលឺដំណឹងថាទើបតែលែងលះគ្នាជាមួយប្រពន្ធរួចមកមិនទាន់បានប៉ុន្មានម៉ោងផងស្រាប់តែមានការរិះគន់ពី លោក រិទ្ធ ដែលជាអ្នកសិល្បៈដូចគ្នាទៀត។

គឺរឿង លោក ហម ឈរ៉ា ជំរុញឲ្យគេសរសេរអក្សរខ្មែរជំនួសការសរសេរភាសាអង់គ្លេស ដោយប្រើសូរខ្មែរ។ ហើយការរិះគន់នេះមហាជនភាគច្រើនគឺមិនគាំទ្រលោក រិទ្ធ ឡើយ ដោយគ្រាន់តែលោក ហម ឈរ៉ាចង់អភិរក្សអក្សរខ្មែរនោះ។
លោក រិទ្ធ បានរៀបរាប់នៅលើបណ្តាញសង្គមរបស់ខ្លួនថា «សូមផ្ញើវីដេអូនេះជូនទៅបង ហម ឈរ៉ា ជាពិសេស។ ពេលខ្លះបើបងអាចយកពេលវេលាដ៏មានតម្លៃរបស់បងទៅធ្វើរឿងដែលមានប្រយោជន៍ជាងនេះប្រហែលជាល្អ សូមអរគុណ៕

សូមទស្សនាអ្នកសិល្បះចេញទើសអ្នកសិល្បះដូច្នឹងផង!

ផ្អើលពេញខេត្តកំពង់ធំ! ខណៈដែលអ្នកស្លាប់កើនឡេីងបន្តគ្នាជាង១០នាក់ ដោយសារហូចសាច់សត្វព្រៃឆៅ (មិនដឹងផ្ទុកមេរោគ) នៅតំបន់ព្រៃឡង់ ខណៈជាង២០នាក់ទៀតត្រូវបញ្ជូនទៅមន្ទីរពេទ្យ!

[ពិភពចែករំលែក - ដកស្រង់បន្តពី កោះសន្តិភាព]
ខេត្តកំពង់ធំ ៖ មានហេតុការណ៍ដ៏រន្ធត់មួយ បណ្តាលឱ្យមាន មនុស្សជាច្រើនឈឺស្លាប់ និងមនុស្សជាច្រើនទៀតកំពុង សម្រាកព្យាបាលនៅមន្ទីរពេទ្យ ដោយសារតែការបរិភោគ សាច់សត្វឆៅ ហេតុការណ៍បានកើតឡើងនៅច្រកតោ ស្ថិតក្នុងឃុំមានរិទ្ធ ស្រុកសណ្តាន់ ខេត្តកំពង់ធំ (ជិតបរិវេណព្រៃឡង់)។

លោកអនុសេនីយ៍ឯក ចាន់ មានជ័យ ប្រាប់ថា នៅច្រកតោនេះ មានប្រជាពលរដ្ឋចំណាកស្រុកជាច្រើនស្នាក់នៅ ហើយការស្លាប់នេះ មានមន្ត្រីឧទ្យាននរក្សការពារឧទ្យាន ធនធានធម្មជាតិព្រៃឡង់ម្នាក់ស្លាប់ និងប្រជាពលរដ្ឋចំនួន ៦នាក់ទៀត ក្នុងនោះនៅភូមិត្បូងទឹក ស្លាប់២នាក់
១-ឈ្មោះ អ៊ុល ជីន ភេទប្រុស អាយុ២៨ឆ្នាំ
២-ឈ្មោះ ហ៊ិន ញ៉ឹម ភេទប្រុសអាយុ៤៩ឆ្នាំ ស្លាប់ កាលពីថ្ងៃទី១៩ កញ្ញា ២០១៧នេះ ។
ចំណែកប្រជាពលរដ្ឋ៥នាក់ទៀតរស់នៅភូមិឈូក ឃុំសណ្តាន់
១-ឈ្មោះ ផេង ច្រាញ់ ភេទប្រុស អាយុប្រហែល៣៨ឆ្នាំ
២-ឈ្មោះ សាំ គួន ភេទប្រុស អាយុ៤០ឆ្នាំ
៣-ឈ្មោះ ហ៊ីង ភន ភេទប្រុស អាយុ៣៧ឆ្នាំ
៤-ឈ្មោះ ប៉ាត ឌីន ភេទប្រុស អាយុ៣៣ឆ្នាំ បានឈឺស្លាប់ជាបន្តបន្ទាប់គ្នា
ចំណែកឯទី៥ ឈ្មោះ កុយ ហ៊ន ភេទប្រុស អាយុ៣២ឆ្នាំ កំពុងឈឺធ្ងន់ដឹកចេញពីមន្ទីរពេទ្យបង្អែកទៅកាន់មន្ទីរពេទ្យខេត្តហើយ ។

រីឯខាងមន្ត្រីឧទ្យានុរក្សាខេត្តកំពង់ធំ បានឲ្យដឹងថាមនុស្ស១៣នាក់ បានឈឺចូលសម្រាកនៅមន្ទីរពេទ្យ
១-ឈ្មោះ ចាប់ ជាន, ២-ឈ្មោះ ព្រុំ ពង, ៣-ឈ្មោះ គី ម៉ាប់, ៤-ឈ្មោះ អេន អ៊ាន់
៥-ឈ្មោះ ដោក ឌត, ៦-ឈ្មោះ កែវ គីលីន, ៧-ឈ្មោះ អៀប ឌីណា, ៨-ឈ្មោះ ស៊ឹម គឹមស៊ន
៩-ឈ្មោះ អ៊ុក អៀង, ១០-ឈ្មោះ គង់ វ៉ាន, ១១-ឈ្មោះ លី សុខាឧត្តម ១២-ឈ្មោះ គឹម គង់ កំពុងតែសម្រាកព្យាបាលនៅមន្ទីរពេទ្យ និង១៣-អ្នកដែលស្លាប់ឈ្មោះ លី សុខាឧត្តម ភេទប្រុស អាយុ៣២ រស់នៅភូមិគគី ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ ។

លោកវេជ្ចបណ្ឌិត ស្រី ស៊ីន បានមានប្រសាសន៍ឲ្យដឹង នៅរសៀលថ្ងៃទី២៤ កញ្ញា ២០១៧នេះថា ករណីដែលបណ្តាលឲ្យមានមនុស្សស្លាប់ជាច្រើននាក់ខាងលើនេះ គឺមិនមែនមកពីកើតជំងឺឆ្លងអ្វីនោះទេ ហើយបញ្ហានៃការស្លាប់នេះបណ្តាលមកពីពួកគាត់នាំគ្នាបរិភោគសាច់សត្វព្រៃដែលនៅឆៅចម្អិនមិនបានឆ្អិន (ដូចជាសាច់ជ្រូកព្រៃ សាច់ឈ្លូស ដោយពួកគាត់យកទៅធ្វើជាភ្លាហូបនៅឆៅៗតែម្តង) ខណៈសាច់សត្វព្រៃនោះវាមានផ្ទុកមេរោគ នៅពេលយើងបរិភោគឆៅវា បណ្តាលឲ្យកើតជាជំងឺឈឺសាច់ដុំ និងហើមដៃហើមជើង ឈឺចុកចាប់ពេញខ្លួន រហូតដល់ស្លាប់តែម្តង។

ក្នុងនោះផងដែរ ដំណឹងដ៏ក្រៀមក្រំនេះ លោកក៏សូមអំពាវនាវ ដល់បងប្អូនប្រជាពលរដ្ឋ ក៏ដូចជាមន្ត្រីរាជការ សូមកុំឲ្យនាំគ្នាទទួលទាន សាច់សត្វគ្រប់ប្រភេទដែលនៅឆៅ ពីព្រោះវាអាចបណ្តាលឲ្យមានគ្រោះថ្នាក់ដល់អាយុជីវិតរបស់យើងទាំងអស់គ្នា ជាពិសេសការទទួលទានសាច់សត្វព្រៃ វាខុសច្បាប់ផងដែរ បើយើងទាំងអស់គ្នាមិននាំគ្នាបរិភោគ សាច់សត្វព្រៃទេនោះ ក៏គ្មានអ្នកសម្លាប់វាដែរយកមកលក់ដែរ ។ ទាំងស្រុងដកស្រង់ពី ៖ ថុក សុខា - កោះសន្តិភាព

ជាមួយគ្នានេះដែរ លោកជំទាវ ឌិត នីតា ភរិយា ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន រួមជាមួយមន្រ្តីក្រសួងបរិស្ថាន កាលពីល្ងាចថ្ងៃទី ១៧ ខែកញ្ញា ឆ្នាំ២០១៧ បានចុះសួរសុខទុក្ខ សំណេះសំណាល និងចែកអំណោយជូនមន្រ្តីឧទ្យានុរក្ស ដែលកំពុងសម្រាកព្យាបាល នៅមន្ទីរពេទ្យកាល់ម៉ែត និង នៅមន្ទីរពេទ្យព្រះកេតុមាលា នារាជធានីភ្នំពេញ។ ក្នុងឱកាសនោះ លោកជំទាវ មានប្រសាសន៍ឱ្យមន្រ្តីឧទ្យានុរក្ស ពង្រឹងស្មារតីទទួលសម្រាកព្យាបាល បានល្អ ដើម្បីឆាប់ជាសះស្បើយក្នុងរដូវបុណ្យភ្ជុំបិណ្ឌនេះ។ ជាមួយគ្នានេះ លោកជំទាវបានសំណូមពរឱ្យគ្រូពេទ្យយកចិត្តទុកដាក់ជួយពិនិត្យ ព្យាបាលដល់អ្នកជំងឺផងដែរ។ មន្រ្តីឧទ្យានុរក្ស ឈរជើងនៅតំបន់ព្រៃឡង់ ក្នុងមូលដ្ឋានខេត្តកំពង់ធំ ចំនួន១៣ នាក់ បានបញ្ជូនមកសម្រាកព្យាបាលជំងឺនៅតាមមន្ទីរពេទ្យ នារាជធានីភ្នំពេញ ចាប់តាំងពីថ្ងៃទី១៤ ខែកញ្ញា ឆ្នាំ២០១៧ បន្ទាប់ពីមានការណែនាំ នឹងយកចិត្តទុកដាក់គិតគូរពីសុខទុក្ខដល់មន្រ្តីគ្រប់លំដាប់ថ្នាក់របស់ឯកឧត្តមរដ្ឋមន្រ្តីក្រសួងបរិស្ថាន។ សូមបញ្ជាក់ថា កាលពីល្ងាចថ្ងៃទី១៥ ខែកញ្ញា ឆ្នាំ២០១៧ ឯកឧត្តមរដ្ឋមន្រ្តី សាយ សំអាល់ និងថ្នាក់ដឹកនាំក្រសួងបរិស្ថានបានជួបសំណេះសំណាល និងសួរសុខទុក្ខដោយផ្ទាល់ជាមួយមន្រ្តីឧទ្យានុរក្សកំពុងមានជំងឺ នៅមន្ទីរពេទ្យកាល់ម៉ែត និងមន្ទីរពេទ្យព្រះកេតុមាលា នារាជធានីភ្នំពេញផងដែរ៕

[ពិភពចែករំលែក - ដកស្រង់បន្តពី កោះសន្តិភាព]

រ៉េចង្កូតទៅបុកបង្គោលភ្លើងស្តុប ផ្ទុះពោងលាន់ដូចរន្ទះ ផ្អើលសមត្ថកិច្ច ចុះអន្តរាគមន៍លាន់

[ពិភពចែករំលែក]
រាជធានីភ្នំពេញ៖ រថយន្ត កាមរីបាឡែន បានរងការខូចខាតផ្នែកខាងមុខនិងបានបែកពោងទាំងសងខាង ខណ:ពេលអ្នកបើកបរ ងួរមួយភាំង ធ្វើអោយរថយន្ត រ៉េចង្កូតទៅបុកបង្គោលភ្លើងស្តុបចរាចរណ៍យ៉ាងពេញទំហឹងតែម្តង ប៉ុន្តែសំណាងល្អ ដែលអ្នកបើកបរមិនបានរងរបួសសូម្បីតែបន្តិច ហេតុការណ៍នេះបានកើតឡើងកាលពីវេលាម៉ោង០២:៥០នាទីទាបភ្លឺ ឈានចូលថ្ងៃទី២៤ ខែកញ្ញា ឆ្នាំ២០១៧នេះ នៅតាមមហាវិថីព្រះមុនីវង្ស ត្រង់ចំណុចស្តុប កែងមហាវិថីម៉ៅសេទុង សង្កាត់បឹងកេងកងទី១ ខណ្ឌចំការមន រាជធានីភ្នំពេញ ។

ប្រភពព័ត៌មានពីកន្លែងកើតហេតុបានប្រាប់អោយដឹងថា នៅមុនពេលកើតហេតុ រូបគាត់ បានបើករថយន្ត កាមរីបាឡែន ពណ៍ស្ករ ពាក់ស្លាកលេខភ្នំពេញ 2AO-5745 បើកបរតែម្នាក់ឯង បានធ្វើដំណើរតាមបណ្តោយមហាវិថី ម៉ៅសេទុង ក្នុងទិសដៅពីជើងទៅត្បូង ក្នុងល្បឿនលឿន ខណ:ពេលមកដល់កន្លែងកើតហេតុខាងលើ កែងនិងស្តុបបែកជាបួន មហាវីថី ព្រះមុនីវង្ស បានងួរមួយភាំង ក៏រ៉េចង្កូតទៅបុកបង្គោលភ្លើងស្តុបចរាចរណ៍ យ៉ាងពេញទំហឹង ក៏បណ្តាលអោយរថយន្ត រងការខូចខាតផ្នែកខាងមុខយ៉ាងដំណំតែម្តង រួមទាំងបែកពងទាំងសងខាងទៀតផង ។

ក្រោយកើតហេតុ សមត្ថកិច្ចមូលដ្ឋានបានទាក់ទងសមត្ថកិច្ចជំនាញ ធ្វើការវាស់វែងនិងយករថយន្តទៅរក្សាទុកនៅការិយាល័យចរាចរណ៍ជើងគោក ដើម្បីរង់ចាំការដោះស្រាយនៅពេលក្រោយ ។ ប្រភពពី tvfb.news

[ពិភពចែករំលែក]

គ្រាន់តែសម្តេចតេជោ បញ្ជាឲ្យប្តូរឈ្មោះ រមណីយដ្ឋានបូកគោ មុនម៉ោង១១ថ្ងៃនេះភ្លាម ទំព័រហ្វេសប៊ុកផ្លូវការរបស់រមណីយដ្ឋានប្តូរមកឈ្មោះដើមវិញភ្លែតតែម្តង

[ពិភពចែករំលែក]
រាជធានីភ្នំពេញ ៖ កាលពីព្រឹកថ្ងៃទី២៣ ខែកញ្ញា ឆ្នាំ២០១៧នេះ សម្តេចតេជោ ហ៊ុន សែន បានមានប្រសាសន៍នៅលើទំព័រហ្វេសប៊ុក ដោយសម្តេចតេជោ បានបញ្ជាឲ្យអភិបាលខេត្តកំពតទៅដកហូតចេញនូវផ្លាកសញ្ញាអត់ច្បាប់ចេញឲបានមុនម៉ោង១១ថ្ងៃនេះ ហើយសម្តេចក៏បានសូមអរគុណបងប្អូនជនរួមជាតិ ដែលបានឲសម្តេចបានដឹងពីការដូរឈ្មោះរមណីយដ្ឋានភ្នំបូកគោ ទៅជាឈ្មោះផ្សេង ដែលរាជរដ្ឋាភិបាល និងអាជ្ញាធរគ្រប់លំដាប់ថ្នាក់មិនបានដឹងនិងមិនបានអនុញ្ញាតផងដែរ។

បន្ទាប់ពីសម្តេចតេជោ បានចេញបញ្ជាឲ្យធ្វើការដកផ្លាកសញ្ញានោះចេញភ្លាម គេសង្កេតឃើញទំព័រហ្វេកប៊ុករបស់រមណីយដ្ឋានបូកគោ បានផ្លាស់ប្តូរឈ្មោះភ្លាមៗតែម្តង ដោយប្តូរពី “Sokha Thansur Resort” ទៅជាឈ្មោះ “Thansur Bokor Highland Resort” ទៅជាឈ្មោះដើមវិញ ហើយគេក៏សង្កេតអាជ្ញាធរ និងកម្លាំងមានសមត្ថកិច្ចក៏បានចុះទៅតំបន់រមណីយដ្ឋាននោះ ដើម្បីផ្លាស់ប្តូរឈ្មោះផងដែរ។

ក្រោយពេលសម្តេចតេជោបានចេញបញ្ជាឲ្យផ្លាស់ប្តូរឈ្មោះរមណីយដ្ឋានបូកគោមកឈ្មោះដើមវិញភ្លាម គេសង្កេតឃើញបងប្អូនប្រជាពលរដ្ឋជាច្រើននៅក្នុងបណ្តាញសង្គមហ្វេសប៊ុកមានការអបអរសាទ ចំពោះចំណាត់ការរបស់សម្តេច៕