➤ពិភពចែករំលែក World Share - Blogger Network Social News Update ⇧
រាជធានីភ្នំពេញ : ខណនេះ
Fresh News TV កំពុងផ្សាយផ្ទាល់ស្ដីពីហេតុការណ៍ផ្ទុះអាវុធដ៏សាហាវ ដែលបុរសម្នាក់បានដកកាំភ្លើងបាញ់សម្លាប់ស្ត្រីជាប្រពន្ធរូចបានបាញ់សម្លាប់ខ្លួនតាមក្រោយ បណ្ដាលអោយស្លាប់ក្នងថ្លុកឈាម យ៉ាងអាណោចអាធម៍ នៅចំណុចផ្ទះល្វែងមួយកន្លែង នៅផ្លូវខាងក្រោយវត្តសន្សំកុសល ស្ថិតក្នុងសង្កាត់បឹងទំពន់១ ខណ្ឌមានជ័យ ដែលបង្កការភ្ញាក់ផ្អើលដល់ប្រជាពលរដ្ឋចោមរោមមើលទាំងយប់ថ្ងៃទី២៧ ខែសីហា ឆ្នាំ២០១៧នេះ ៕
បើតាមសមត្ថកិច្ចជនរងគ្រោះ និងបាញ់ប្រពន្ធរបស់ខ្លួននោះគឺ លោក ខៀវ កូនែល ដែលត្រូវជាកូនបង្កើតរបស់លោក ខៀវ កូឡា និងជាក្មួយបង្កើត នាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃ ដែលមានតួនាទីជា អនុប្រធានការិគណនេយ្យ និងជំនួយការផ្ទាល់នាយឧត្តមសេនីយ៍ ជួន សុវណ្ណ ស្នងការនគរបាលរាជធានីភ្នំពេញ។ ជនរងគ្រោះត្រូវជាបងប្រុសបង្កើតរបស់ ខៀវ សានសាណា។
អធិការរងខណ្ឌមានជ័យលោក ហួរ ម៉េងវ៉ា បានថ្លែងប្រាប់បណ្តាញក្រុមអ្នកយកព័ត៌មាន ឲ្យដឹងថា ពិតជាមានករណីប្តីខឹងប្រច័ណ្ឌប្រពន្ធបាញ់សម្លាប់ប្រពន្ធ រួចហើយបាញ់សម្លាប់ខ្លួនឯង ស្ថិតនៅក្នុងសង្កាត់បឹងទំពុន ខណ្ឌមានជ័យ ក្បែរបុរី៩៩៩។
ដោយឡែកភរិយាវិញមានឈ្មោះ យ៉េង លក្ខិណា អាយុ ៤០ឆ្នាំ គឺបងស្វាមីរហូតដល់ទៅ៧ឆ្នាំ។ ប្រភពខ្លះបានអះអាងថា គូស្វាមីភរិយានេះទើបនឹងរៀបអាពាហ៌ពិពាហ៍ជាមួយគ្នាកាលពីថ្ងៃទី៨ ខែឧសភា ឆ្នាំ២០១៧នេះ ពោលបានរយៈពេលជាង៣ខែប៉ុណ្ណោះ។
មិនទាន់ព័ត៌មានច្បាស់ការបង្ហាញមូលហេតុ ដែលនាំឲ្យមានការបាញ់សម្លាប់គ្នានោះឡើយ តែមានការសន្និដ្ឋានខ្លះថា ឃាតកម្មនេះកើតចេញពីភ្លើងប្រចណ្ឌ ជាពិសេសអាចបណ្តាលមកពីស្វាមីស្រឡាញ់ភរិយាខ្លាំងពេក។ ក្រឡេកទៅមើលបណ្តាញសង្គម Facebook របស់គូស្វាមីភរិយានេះវិញ គេឃើញមានតែភាពផ្អែមល្ហែម ហាក់មិនមានបង្ហាញការទាស់ទែងណាមួយនោះឡើយនៅមុនពេលកើតហេតុនេះ។
លោក ខៀវ កូណែល តាមរយៈ Facebook របស់លោក ដែលមានឈ្មោះថា «Konel Leakena» ជាឈ្មោះផ្សំឡើងរវាងឈ្មោះលោក និងភរិយា។ តាមរយៈឈ្មោះលើ Facebook នេះ គេអាចសន្និដ្ឋានថា លោក កូណែល ស្រឡាញ់ភរិយាខ្លាំង ព្រោះសម្បីតែឈ្មោះលើ Facebook ក៏រំលេចឈ្មោះភរិយារបស់លោកផងដែរ។
ក្រៅពីយកឈ្មោះភរិយាមកភ្ជាប់ឈ្មោះខ្លួនដាក់ជាឈ្មោះនៅលើ Facebook ហើយនោះ លោក កាណែល បានបង្ហាញរូបភាពផ្អែមល្ហែមជាច្រើនសន្លឹកជាមួយ ភរិយារបស់លោក មានដូចជារូបភាពក្នុងពេលរៀបអាពាហ៍ពិពាហ៍ និងរូបភាពពេលដើរលេងកម្សាន្តផងដែរ។ លោក កូណែល ធ្លាប់បានសរសេរបង្ហាញពីទំហំ ក្តីស្រឡាញ់នៅក្នុងបេះដូងរបស់លោកចំពោះភរិយាថា «មនុស្សប្រុសកើតមកសម្រាប់តែលួង មិនមែនសម្រាប់ង៉ក់ងរនោះទេ ព្រោះព្រះជាម្ចាស់បាន បង្កើតមនុស្សប្រុសមកឲ្យមានដុះសាច់លើសហើយ… មិនអាចមានអ្វីត្រូវលើសមនុស្សស្រីបានទៀតទេ…លួងរហូតទៅ! សំណព្វ 70 80 90…100 and My Only One!»។
ដោយឡែកនៅលើទំព័រ Facebook ភរិយាវិញ ក៏បានបង្ហាញផ្អែមល្ហែមមិនចាញ់ស្វាមីនោះឡើយ។ តាមរយៈ Facebook ឈ្មោះ «Leakhena Yeng» ស្រ្តីជាភរិយារូបនេះ បានបង្ហាញរូបភាព និងសារផ្អែមល្ហែមជាច្រើនមិនចាញ់ស្វាមីនោះឡើយ។ និយាយជារួមនៅលើទំព័រ Facebook គូស្វាមីភរិយានេះ គឺមានតែភាពល្ហែមប្រៀបដូចស្រមោច និងស្ករទៅហើយ។
បន្ថែមពីលើការបង្ហាញរូបភាពពោរពេញដោយក្តីស្រឡាញ់ហើយនោះ នៅថ្ងៃទី២៦ ខែសីហាម្សិលមិញ ពោលមុនពេលកើតហេតុការណ៍បាញ់សម្លាប់គ្នានេះ ស្រ្តីជាភរិយា ក៏បានបង្ហោះសារបង្ហាញពីការស្រឡាញ់ស្វាមី និងបានអួតសរសើរស្វាមីថា ជាមនុស្ស ដែលតែងតែអនុគ្រោះលើកលែងរាល់កំហុសឆ្គងរបស់ខ្លួន។
ស្រ្តីជាភរិយាបានសរសេរលើ Facebook របស់ខ្លួនយ៉ាងដូច្នេះថា «មានមនុស្សតិចបំផុតដែលអាចអត់ធ្មត់និងភាពឆេវឆាវ គ្មានហេតុផលរបស់យើងបាន តែមានមនុស្សតែម្នាក់ប៉ុណ្ណោះ ដែលក្រៅពីអ្នកមានគុណយើង ដែលព្រមអភយ័អនុគ្រោះ ចំពោះកំហុសគ្រប់យ៉ាងរបស់យើង ព្រោះម្នាក់នោះជាមនុស្ស ដែលស្រលាញ់យើង ខ្លាំងជាងជីវិតរបស់គេ»។
មនុស្សម្នានៅជុំវិញកន្លែងកើតហេតុ បានសម្តែងការសោកស្តាយជាខ្លាំងចំពោះមរណភាពគូស្វាមីភរិយាមួយគូនេះ ហើយអ្នកខ្លះទៀតខ្សឹបខ្សៀវថា ពួកគេមិនគួរណាគិតខ្លីបែបនេះសោះ។ ក៏មានផងដែរថា ការសន្និដ្ឋានពីមនុស្សចោមរោមនៅកន្លែងកើតហេតុថា ការបាញ់សម្លាប់អាចផ្តើមចេញពីក្តីស្រឡាញ់លើសលុបរបស់ស្វាមីចំពោះភរិយា រហូតបង្កើតភ្លើងប្រចណ្ឌភ្លេចការពិចារណា ហើយកើតគំនិតថា «បើខ្លួនមិនបាន នរណាក៏មិនអាចយកមនុស្សដែលខ្លួនស្រឡាញ់នោះឡើយ»៕
សូមទស្សនាវិដេអូផ្សាយផ្ទាល់ខាងក្រោមនេះ
➤ពិភពចែករំលែក World Share - Blogger Network Social News Update ⇧
➤ពិភពចែករំលែក World Share - Blogger Network Social News Update ⇧
