ពិភពចែករំលែក

គួរឲ្យចង់សេីច នំខួបកំណេីត ខ្ទេីយសឡា ពិធីករវិទ្យុABC យកថ្នាំលាបផ្ទះមកធ្វេី!

គួរឲ្យចង់សេីច! បេីមេីលទៅក្នុង Account Facebook របស់ខ្ទេីយសឡា ឈ្មោះថា Hola Sola នៅថ្ងៃទី២៤ ខែសីហា ឆ្នាំ២០១៧នេះ សង្កេចឃេីញថាមានអ្នកលេងបណ្ដាញសង្គមជាច្រេីនបានបង្ហោះចូលទៅរីករាយថ្ងៃខួបកំណេីត របស់ ខ្ទេីយសឡា ពិធីករដ៏ឆ្នេីមរបស់វិទ្យុABC ។

ដោយត្រូវបានមិត្តរួមការងារនៅវិទ្យុABC យកនំខួបកំណេីតមកចូលរួមរីករាយជាមួយគ្នា ដោយនំនោះ ដាក់ឈ្មោះគួរអោយចង់សេីចថា រាជនី U90 និងមានពាក្យជូនពរជាច្រេីនគួរអោយចាប់អារម្មណ៍ដូចខាងក្រោមនេះ ៖

ពិភពចែករំលែក

💥💥

អគ្គនាយិការងនៃអគ្គនាយកដ្ឋានទឹក ស្វយ័តក្រុងភ្នំពេញ បញ្ជាក់ពីតម្លៃឲ្យច្បាស់ កុំឲ្យភ័ន្ត ច្រឡំតម្លៃទឹកថា កើនឡើង!

រាជធានីភ្នំពេញ ៖ រដ្ឋាករទឹកស្វយ័តភ្នំពេញ កាលពីថ្ងៃទី១៧ សីហា ២០១៧កន្លងមក បានចុះផ្សព្វផ្សាយអំពីតម្លៃទឹកថ្មី ជូនដល់ប្រជាពលរដ្ឋរស់នៅភូមិកុលក្រស្នារ សង្កាត់ស្នោរ ខណ្ឌពោធិ៍សែនជ័យ ។ នាឱកាសនោះ ក៏មានការតបណ្តាញ ទឹកស្អាត ដល់ប្រជាពលដ្ឋរស់នៅក្នុងមូលដ្ឋានខាងលើផងដែរ ។

លោកជំទាវ ងិន ចន្ទ្រា អគ្គនាយិការងនៃអគ្គនាយកដ្ឋានទឹក ស្វយ័តក្រុងភ្នំពេញ ទទួលបន្ទុកការងារអាជីវកម្ម បានឲ្យដឹងថា ការផលិតទឹកស្អាតរបស់អគ្គនាយកដ្ឋាន គឺមានគុណភាព អាចពិសាផ្ទាល់ពីក្បាលរ៉ូប៊ីណេ ដោយមិនប៉ះពាល់ ដល់សុខភាពទេ ហើយមានតម្លៃ ទាបជាងថ្លៃ ដើមផលិតទៅតាមការប្រើប្រាស់ជាក់ស្តែង ។

លោកជំទាវបន្តថា តម្លៃទឹកស្អាតដែលរដ្ឋាករទឹកស្វយ័ត ក្រុងភ្នំពេញ ដាក់ឲ្យអនុវត្ត ចាប់ពីថ្ងៃទី១៥ ខែឧសភា ឆ្នាំ២០១៧នោះ គឺតម្លៃប្រែប្រួលទៅតាមបរិមាណប្រើប្រាស់ ក្នុងនោះបើបរិមាណប្រើប្រាស់មិនលើសពី៣ម៉ែត្រគីបក្នុង១ខែ គឺមានតម្លៃ៤០០រៀលក្នុង១ម៉ែត្រគីប ។

-បរិមាណប្រើប្រាស់មិនលើស ពី៧ម៉ែត្រគីប ក្នុង១ខែ គឺមានតម្លៃ៥០០រៀល ក្នុង១ម៉ែត្រគីប ។
-បរិមាណប្រើប្រាស់មិនលើស ពី១៥ម៉ែត្រគីប គឺមានតម្លៃ៧៧០រៀល ក្នុង១ម៉ែត្រគីប ។
-បរិមាណប្រេីប្រាស់មិនលើស ពី៥០ម៉ែត្រគីប គឺតម្លៃ១.០១០រៀល ក្នុង១ម៉ែត្រគីប ។
-បើបរិមាណប្រេីប្រាស់លើស ពី៥០ម៉ែត្រគីប គឺមានតម្លៃ១.២៧០រៀល ក្នុង១ម៉ែត្រគីប ។

លោកជំទាវបានបន្ថែមទៀតថា ចំពោះស្ថាប័នរដ្ឋ និងតំណាងចែកចាយ គឺគ្រប់បរិមាណប្រើប្រាស់ទាំងអស់ មានតម្លៃ១.០៣០រៀលក្នុង១ម៉ែត្រគីប ។ ដោយឡែក ទីតាំងអាជីវកម្ម សេវាកម្ម ឧស្សាហកម្ម អង្គភាពស្វយ័ត និងអ្នកលក់បន្ត គឺមានតម្លៃតាមបរិមាណ ប្រើប្រាស់ដូចជា បើប្រើប្រាស់មិនលើស ពី១០០ម៉ែត្រគីប មានតម្លៃ៩៥០រៀល ក្នុង១ម៉ែត្រគីប ។ បើប្រើប្រាស់ពី១០១ដល់២០០ម៉ែត្រគីប មានតម្លៃ១.១៥០រៀលក្នុង១ម៉ែត្រគីប ។ បើប្រើប្រាស់ពី២០១ដល់៥០០ម៉ែត្រគីប មានតម្លៃ១.៣៥០រៀលក្នុង១ម៉ែត្រគីប។ ចំណែកការប្រើប្រាស់លើសពី៥០០ម៉ែត្រគីបឡើងទៅ គឺមានតម្លៃ១.៤៥០រៀលក្នុង១ម៉ែត្រគីប ។

លោកជំទាវក៏បានបញ្ជាក់ជូនប្រជាពលរដ្ឋឲ្យបានយល់ច្បាស់លាស់អំពីតម្លៃប្រើប្រាស់ទឹកដូចករណីខាងលើ និងកុំឲ្យភ័ន្ត ច្រឡំអំពីតម្លៃទឹកថា កើនឡើង ។ ដូច្នេះ មានន័យថា រាជរដ្ឋាភិបាលកម្ពុជាបានយកចិត្តទុកដាក់ កាត់បន្ថយការលំបាក និងភាពក្រីក្ររបស់់ប្រជាពលរដ្ឋ ៕ (អត្ថបទដេីម កោះសន្តិភាព កែសម្រួលអត្ថបទ Ahboyz)

ក្រសួងបរិស្ថាន បានផ្ទេរមុខងារគ្រប់គ្រងតំបន់ការពារធម្មជាតិ និងសហគមន៍តំបន់ការពារធម្មជាតិ ទៅឱ្យរដ្ឋបាលថ្នាក់ក្រោមជាតិ!

រាជធានីភ្នំពេញ ៖ នៅក្នុងវេទិកាថ្នាក់ជាតិលើកទ២ ស្តីពី ការការពារ និងអភិរក្សធនធានធម្មជាតិ ប្រព្រឹត្តទៅនៅវិមានសន្តិភាព រាជធានីភ្នំពេញ ក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ឯកឧត្តម សាយ សំអាល់ រដ្ឋមន្រ្តីក្រសួងបរិស្ថានបានអោយដឹងថា ដើម្បីពង្រឹងប្រសិទ្ធភាពការងារក្នុងសមត្ថកិច្ចរដ្ឋបាលការពារនិងអភិរក្សធម្មជាតិ ក្រសួងបរិស្ថានបានផ្ទេរមុខងារគ្រប់គ្រងតំបន់ការពារធម្មជាតិ និងសហគមន៍តំបន់ការពារធម្មជាតិទៅឱ្យរដ្ឋបាលថ្នាក់ក្រោមជាតិ ដែលមានមន្ទីរបរិស្ថានជាសេនាធិការ។

ឯកឧត្តមរដ្ឋមន្រ្តីបានបញ្ជាក់ដែរថា ក្រសួងបរិស្ថានបានខិតខំជំរុញការអនុវត្តសារាចរណែនាំ លេខ០៥ ស.រ.ណ.ន. ចុះថ្ងៃទី២២ ខែកញ្ញា ឆ្នាំ២០១៦ របស់រាជរដ្ឋាភិបាលស្តីពីវិធានការចាំបាច់នានា ក្នុងការពង្រឹងការគ្រប់គ្រងធនធានធម្មជាតិ ដោយសហការជាមួយគណៈបញ្ជាការឯកភាពរាជធានី ខេត្ត ក្រុង ស្រុក ខណ្ឌ ដើម្បីពង្រឹងការគ្រប់គ្រង ថែរក្សា និងការពារធនធានធម្មជាតិ ដោយបានចាត់វិធានការទប់ស្កាត់ និងបង្ក្រាបបទល្មើសធនធានធម្មជាតិគ្រប់ប្រភេទ។

ក្នុងវេទិការថ្នាក់ជាតិនាថ្ងៃនេះដែរ ឯកឧត្តមរដ្ឋមន្រ្តីក្រសួងបរិស្ថាន បានលើកឡើងថាបច្ចុប្បន្ន ក្រសួងបរិស្ថានបាននិងកំពុងខិតខំធ្វើការកំណត់តំបន់គ្រប់គ្រងក្នុងតំបន់ការពារធម្មជាតិ រួមមាន «តំបន់ស្នូល តំបន់អភិរក្ស តំបន់ប្រើប្រាស់ដោយចីរភាព និងតំបន់សហគមន៍» បោះបង្គោលកំណត់ព្រំតំបន់ការពារធម្មជាតិ រៀបចំផែនការគ្រប់គ្រងតំបន់ការពារធម្មជាតិ ទប់ស្កាត់បទល្មើសធនធានធម្មជាតិ ដោះស្រាយទំនាស់ដីធ្លី សហការចុះបញ្ជីដីធ្លី និងរៀបចំផែនទីសម្រាប់ការគ្រប់គ្រងនិងប្រើប្រាស់ដីធ្លី ដូចជា ដីលំនៅដ្ឋាន ដីសមូហភាពជនជាតិដើមភាគតិច សម្បទានដីសេដ្ឋកិច្ច សម្បទានដីសង្គមកិច្ច និងតំបន់ការពារធម្មជាតិ ក៏ដូចជាសម្រាប់ការកំណត់ និងបង្កើតតំបន់ការពារធម្មជាតិថ្មីៗបន្ថែមទៀត។

ជាមួយគ្នានេះដែរ តាមរយៈយុទ្ធនាការរបស់គណៈកម្មការជាតិ ដើម្បីទប់ស្កាត់និងបង្ក្រាបបទល្មើសធនធានធម្មជាតិ បទល្មើសព្រៃឈើទ្រង់ទ្រាយធំនៅទូទាំងប្រទេសត្រូវបានលុបបំបាត់ទាំងស្រុង។ ទោះជាយ៉ាងណាក៏ដោយ បទល្មើសធនធានធម្មជាតិទ្រង់ទ្រាយតូចមួយចំនួន ដូចជា ការលួចកាប់ឈើ និងការកាប់រុករានទន្ទ្រានយកដីរដ្ឋនៅបន្តកើតមាន ហើយការរុករក និងធ្វើអាជីវកម្មរ៉ែ ក៏ដូចជា ការប្រើប្រាស់ដីនៅក្នុងតំបន់ការពារធម្មជាតិសម្រាប់ជាមូលដ្ឋានកងទ័ព នៅតែជាបញ្ហាប្រឈម ដែលទាមទារឱ្យក្រសួង ស្ថាប័ន រដ្ឋបាលថ្នាក់ក្រោមជាតិ សហគមន៍មូលដ្ឋាន និងអ្នកពាក់ព័ន្ធ បន្តរួមគ្នាចាត់វិធានការគ្រប់គ្រង ទប់ស្កាត់ និងបង្ក្រាបឱ្យបានទាន់ពេលវេលា និងមានប្រសិទ្ធភាព។

វេទិកាថ្នាក់ជាតិលើកទី២ មាស សុខសោភា ស្នើកប់ៗមាត់ ខណៈ ព្រាប សុវត្ថិ ត្រឹមតែបង្ហាញក្តីសប្បាយ (មានវិដេអូ)

(ប្រភពពី Amapapa News - ដោយ ពិភពចែករំលែក)

រាជធានីភ្នំពេញ ៖ ក្នុងចំណោមវត្តមានតារា មានតារាចម្រៀង និងតារាសម្តែងល្បីៗដែលត្រូវបាន អញ្ជើញចូលរូមវេទិកាថ្នាក់ជាតិលើកទី២ ស្តីពី ការការពារ និងការអភិរក្សធនធានធម្មជាតិ នៅព្រឹកថ្ងៃទី២២ខែសីហានៅវិមានសន្តិភាព។ ក្នុងនោះ កំពូលតារាចម្រៀងពីរឌួង លោក ព្រាប សុវត្ថិ និង អ្នកនាង មាស សុខសោភា ក៏បានផ្តល់កិតិ្តយសជាពិសេស ពីសម្តេចអគ្គមហាសេនាបតីតេជោ ឲ្យឡើងមានយោបល់ និងការស្នើសុំពាក់ព័ន្ធ និងប្រធានបទ។

ក្នុងនោះ អ្នកនាងមាសសុខសោភា បានស្នើរសុំដល់លោកនាយករដ្ឋមន្រ្តីចំនួនបីចំណុចៈ

ទី១ មាសសុខសោភា ស្នើរសុំអោយមានការទប់ស្កាត់ ការចរាចរលក់ទិញដូរសត្វព្រៃគ្រប់ប្រភេទ មានន័យថា បើគ្មានអ្នកចូលចិត្តញាំក៏គ្មានឈ្មួញបរបាញ់សត្វព្រៃដែរ ។

ទី ២ នាងសុំអោយបង្កើត ឧទ្យានដើមឈើនិងសួនច្បារ នៅក្នុងក្រុងភ្នំពេញអោយបានច្រើនបន្ដែមទៀត ខណៈដែល នាងបានឃើញថា ពលរដ្ឋនៅភ្នំពេញ កំពុងត្រូវការសួនច្បារ និងឧឡានដើម្បីសុខភាពនិងអារម្មណ៏ស្រស់ថ្លា ។

ទី ៣ កញ្ញាមាសសុខសោភា ស្នើអោយទប់ស្កាត់ការលុប បឹងតាមោក និងបឹងដ៏ទៃទៀត ខណៈដែលនាង ព័ត៌មានដា បឹងតាមោក កំពុងត្រូវឈ្មួញរំលោភយក ។ កញ្ញា បានបញ្ចាក់ថា៖ បើសម្តេចមិនការពារទេ បឹងតាមោក ជាជម្រកធនធានជាតិនឹងត្រូវបាត់បង់ ដូចទីកន្លែងដ៏ទៃទៀតមិនខានឡើយ។

មាស សុខសោភា

ឡូយម្ល៉េះ! Zoomer-X 2018 តម្លៃជាង 1000$ ប៉ុណ្ណោះ!!

រាជធានីភ្នំពេញ ៖ នៅពាក់កណ្ដាលខែសីហា ឆ្នាំ២០១៧នេះ ម៉ូតូ Zoomer-X 2018 ដែលបាន បង្ហាញវត្តមាន លើទីផ្សារកម្ពុជានាពេលថ្មីៗនេះទទួលបានការចាប់អារម្មណ៍មិនស្ទើរទេពីសំណាក់យុវវ័យកម្ពុជា ប៉ុន្តែថ្ងៃនេះសូមលេីកយកអ្វីដែល ជាបញ្ហាធំនោះគឺ ម៉ូតូនេះមានលក់ក្នុងតម្លៃកប់ពពកចន្លោះ 2400$ ទៅ 2500$ ឯណោះ តែបែរជាហាងម៉ូតូមួយចំនួន មានដាក់លក់ម៉ូតូ Zoomer-X ឆ្នាំ២០១៨ នេះក្នុងតម្លៃទាប មិនគួរឲ្យជឿ ដោយមួយគ្រឿងថ្លៃត្រឹម 1390 ដុល្លារប៉ុណ្ណោះ។

បើតាមការបញ្ជាក់ពី Page របស់ហាងលក់ម៉ូតូមួយឲ្យដឹងថា Zoomer-X ឆ្នាំ ២០១៨ ដែលមានតម្លៃថោកបែបនេះ គឺជាម៉ូតូនាំចូលមកពីប្រទេសសិង្ហបុរី ដែលមានលក្ខណៈ សម្បត្តិខុសគ្នាពីម៉ូតូនាំចូល ពីប្រទេសថៃបន្តិចបន្តួច។ ប៉ុន្តែ Zoomer-X របស់សិង្ហបុរីនេះ មានប្រើប្រព័ន្ធប៊ិចសាំង FI តាមស្តង់ដាររបស់ប្រទេសថៃដែរ។

ក្រៅពីម៉ូតូ Zoomer-X ឆ្នាំ ២០១៨ គេក៏ឃើញមានម៉ូតូ Zoomer-X ឆ្នាំ ២០១៧ ដែលជាផលិតផលសិង្ហបុរីដូចគ្នា ដោយមានលក់ក្នុងតម្លៃ ១១៩០ ដុល្លារប៉ុណ្ណោះ។ តម្លៃប៉ុណ្ណេះគឺពិតជាថោកខ្លាំងមែនទែនបើប្រៀបធៀបទៅនឹងម៉ូតូ Zoomer-X ដែលនាំចូលពីប្រទេសថៃ។ ការខុសគ្នា នៃតម្លៃនេះក៏អាចបណ្ដាលមកពីម៉ូតូមានគុណភាពខុសគ្នាផងដែរ អាចផលិតផលប្រទេសថៃ មានគុណភាពលើបន្តិច និង អាចខ្វះខាតនូវប្រព័ន្ធបច្ចេកវិទ្យាខ្លះៗជាដើម៕