ខេត្តស្ទឹងត្រែង ៖ ក្មេងស្រីវ័យ ១៤ ឆ្នាំ ដែលបានបាត់ខ្លួនដោយគ្មានមូលហេតុ ហើយត្រូវអាណាព្យាបាលមកដាក់ពាក្យបណ្ដឹង ឲ្យជួយស្វែងរក ពេលនេះបានរកឃើញវិញហើយ នៅភូមិតាឡាត់ ឃុំតាឡាត់ ស្រុកសេសាន ខេត្តស្ទឹងត្រែង កាលពីវេលា ម៉ោង ១២និង១៥នាទីរំលងអាធ្រាត្រឈានចូលថ្ងៃទី ១៥ ខែកក្កដា ឆ្នាំ២២០១៧។
ក្មេងស្រីបាត់ខ្លួនមានឈ្មោះ កេត អាម៉ី អាយុ ១៤ឆ្នាំ ជាសិស្ស រស់នៅភូមិកែងប្រាសាទ ឃុំសម្បូរ ស្រុកសម្បូរ ខេត្តក្រចេះ បានបាត់ខ្លួនកាលពីថ្ងៃទី ១៣ ខែកក្កដា ឆ្នាំ២០១៧ ក្រោយពេលនាងទៅរៀន ហើយមិនឃើញត្រឡប់មកផ្ទះវិញ បានបង្កការភ្ញាក់ផ្អើល។
កម្លាំងនគរបាលស្រុកសម្បូរ និងក្រុមគ្រួសារខំប្រឹងដើររកគ្រប់ច្រកល្ហកអស់រយៈពេលពីរថ្ងៃហើយ។
មូលហេតុដែលនាងបាត់ខ្លួន គឺនាងបានស្រឡាញ់គ្នាជាមួយក្មេងប្រុសម្នាក់ឈ្មោះ ភី ណៃ អាយុ ១៧ឆ្នាំ រស់នៅភូមិ-ឃុំ តាឡាត់ ស្រុកសេសាន ហើយនាងបានទៅរកដោយខ្លួនឯង។
អធិការរងនគរបាលស្រុកសំបូរលោក ណយ ស៊ីថាច បានឲ្យដឹងនៅរសៀលថ្ងៃទី១៤នេះថា ការបាត់ខ្លួនរបស់ក្មេងស្រីវ័យជំទង់នេះ គឺមិនមែនជាករណីចាប់ពង្រាត់នោះទេ ។
ដោយលោកលើកហេតុផលថា មុននិងមានការបាត់ខ្លូននេះ ក្មេងស្រីរងគ្រោះធ្លាប់ទទួលរងការប៉ះទង្គិចផ្លូវចិត្ត គឺខឹងនឹងគ្រួសារដែលស្តីបន្ទោស និងណែនាំនាងឲ្យប្រឹងប្រែងរៀនសូត្រ ហើយនាងអាចនឹងគេចខ្លួនមួយរយៈពេល ។
លោកអធិការរង បានបញ្ជាក់ឲ្យដឹងទៀតថា ក្រោយពីស្រាវជ្រាវរយៈពេលមួយថ្ងៃពីការបាត់ខ្លួនរួចមកនោះ នៅរសៀលនេះកម្លាំងនគរបាលកំណត់បានទីតាំងដែលក្មេងស្រីកំពុងតែគេចខ្លួនហើយ ។
ប៉ុន្តែលោកនៅមិនទាន់កំណត់ថា ការគេចខ្លួនរបស់ក្មេងស្រីរងគ្រោះផ្តើមដោយសារអ្វីនៅឡើយដែរ ។
បើតាមសម្តីពីមិត្តភក្ដិស្និតនិងយុវតីខាងលើបានបង្ហើបថា កន្លងមកនាងធ្លាប់មានទំនាក់ទំនងស្នេហាតាមទូរស័ព្ទជាមួយយុវជនម្នាក់នៅស្ទឹងត្រែង ហើយការបាត់ខ្លួនរបស់នាងក៏គេអាចសន្និដ្ឋានថា នាងបានចេញពីផ្ទះទៅរកបុរសម្នាក់នោះក៏ថាបាន៕ ទាំងស្រុងពី :
ដំណឹងយប់មិញ
