ខេត្តសៀមរាប ៖ កម្លាំងការិយាល័យនគរបាលប្រឆាំងការជួញដូរមនុស្ស និងការពារអនីតិជនខេត្ត សហការជាមួយកម្លាំងនគរបាលមូលដ្ឋាន បានតាមប្រមាញ់ចាប់ខ្លួនបុរសបរទេសម្នាក់ បន្ទាប់ពីទទួលបានព័ត៌មានថា ជនសង្ស័យបានល្បួងក្មេងប្រុសជាច្រើននាក់ឱ្យឈរថតស្រាត។ ហេតុការណ៍ តាមចាប់ខ្លួនជនសង្ស័យ(ជនបរទេស) ធ្វើឡើងចាប់ពីម៉ោងជាង៩ព្រឹក ក្នុងភូមិអារញ្ញសាគរ សង្កាត់សៀមរាប រហូតដល់ម៉ោងជាង១២ថ្ងៃត្រង់ ថ្ងៃទី១៨ ខែមេសា ឆ្នាំ២០១៧នេះ ទើបចាប់ខ្លួនបាននៅក្នុងសណ្ឋាគារញូវរីវើសាយ ក្នុងភូមិជន្លង់ សង្កាត់សាលាកំរើក ក្រុងសៀមរាប។
លោកស្រីវរសេនីយ៍ទោ ដួង ថាវរី នាយការិយាល័យនគរបាល ប្រឆាំងការជួញដូរមនុស្ស និងការពារអនីតិជនខេត្ត បានប្រាប់តាមទូរស័ព្ទនៅវេលាម៉ោង៥ និង៤២នាទី ថ្ងៃទី១៨ ខែមេសា ឆ្នាំ២០១៧នេះថា ជនសង្ស័យដែលចាប់ខ្លួនមានឈ្មោះ Saraot Evrard Nicoias ភេទប្រុស អាយុ៥៣ឆ្នាំ ជនជាតិហូឡង់ ជាភ្ញៀវទេសចរណ៍។ ជននេះបានចូលមកកាន់ខេត្តសៀមរាប ហើយបានស្នាក់នៅ ជាមួយអ្នកភូមិ នៅឯស្រុកអង្គរក្រៅ ខេត្តសៀមរាប មកនៅក្នុងខេត្តសៀមរាប រួចចូលមកស្នាក់នៅក្នុងសណ្ឋាគារ ញូវរីវើសាយ ក្នុងបន្ទប់លេខ២០២ ស្ថិតនៅភូមិជន្លង់ សង្កាត់សាលាកំរើក ក្រុងសៀមរាប។
លោកស្រីបន្ថែមថា មុនថ្ងៃកើតហេតុប៉ុន្មានថ្ងៃ ជនខាងលើបានទៅ ភូមិអារញ្ញសាគរ កន្លែងកើតហេតុ ហើយបានល្បួងក្មេងប្រុស ជាច្រើននាក់ ដែលមានអាយុចាប់ពី១៥ឆ្នាំ ចុះក្រោម ឲ្យឈរស្រាតហើយថតរូប ដែលពេលខ្លះថតរួមគ្នា និងពេលខ្លះថតរូបម្នាក់ម្តង។ ខណៈដែលជនសង្ស័យខាងលើ ធ្វើសកម្មភាពបែបនេះ អ្នកភូមិទីនោះបានឃើញ ក៏បានរាយការណ៍ មកកាន់សមត្ថកិច្ច ភ្លាមៗនោះតំណាងអយ្យការ អមសាលាដំបូងខេត្ត ក៏បានបញ្ជាខាងកម្លាំងរបស់លោកស្រីឲ្យតាមស្រាវជ្រាវ ដើម្បីចាប់ខ្លួនជនសង្ស័យខាងលើយកមកសាកសួរអំពីហេតុផលដែលជនខាងលើបានធ្វើសកម្មភាពទៅលើក្មេងប្រុសទាំងនោះ។
លោកស្រីបន្ថែមថា កាលពីកន្លងទៅ ធ្លាប់មានជនបរទេស ធ្វើសកម្មភាពបែបនេះទៅលើក្រុមក្មេងប្រុសអ៊ីចឹងទេ ម្តងនេះយើងមិនទាន់ដឹងថា ជនខាងលើធ្វើសកម្មភាព បែបនេះក្នុងគោលបំណងអ្វីនោះឡើយ ប៉ុន្តែយើងអាចដឹងហេតុផល បន្ទាប់ពីនាំខ្លួនជននេះយកមកសាកសួរ។ លោកស្រីនាយការិយាល័យបន្តថា មុនពេលសមត្ថកិច្ច ចុះដល់កន្លែងកើតហេតុ ជនសង្ស័យបានជិះកង់ធុនធំគេចខ្លួនមកស្នាក់នៅក្នុងសណ្ឋាគារ ញូវរីវើសាយ ក្នុងបន្ទប់លេខ២០២។
តែដោយមានការសហការល្អពីម្ចាស់សណ្ឋាគារ សមត្ថកិច្ចបានចូលទៅនាំខ្លួនជនខាងលើ ចេញមកខាងក្រៅសណ្ឋាគារ។ ក្នុងពេលចាប់ខ្លួនជនសង្ស័យ បានប្រាប់ថា លិខិតឆ្លងដែន របស់គេបានផ្ញើទុកជាមួយអ្នកភូមិឯស្រុកអង្គរក្រៅ។ ជាមួយនឹងការឆ្លើយបែបនេះ សមត្ថកិច្ចបានឆែករកឃើញមានម៉ាស៊ីនថតរូប និងឧបករណ៍ផ្សេងៗមួយចំនួន។ បច្ចុប្បន្ន ជនសង្ស័យ(បរទេស) ម្នាក់ត្រូវបានកម្លាំងការិយាល័យនគរបាលប្រឆាំងការជួញដូរមនុស្ស និងការពារអនីតិជនខេត្ត កំពុងសាងសួរ នៅកន្លែងការិយាល័យជំនាញ ដើម្បីរៀបចំកសាងសំណុំរឿងបញ្ជូនទៅកាន់តុលាការខេត្ត ចាត់ការបន្តទៅតាមផ្លូវច្បាប់៕
អត្ថបទដេីម ៖ ច័ន្ទ រស្មី
ប្រភពពី ៖ កោះសន្តិភាព
នាងខ្ញុំឈ្មោះលី មុនីនាថ សុំជំនួសមុខគ្រួសារនាងខ្ញុំទាំងមូលនៃរឿងរ៉ាវពាក់ពន្ធ័នៃការមរណៈភាពប្អូនស្រីនាងខ្ញុំឈ្មោះ លី មុនីរដ្ធានី ដែលមានព័ត៌មានខ្លះមានការភ័ន្តច្រឡំ ការស្លាប់ដោយសារតែគិតថាប្អូនស្រីនាងខ្ញុំបានទៅរត់ប្រឡែងប៉ាតម្សៅគ្នាជាមួយក្មេងស្ទាវៗ នឹងបានទៅរត់ជាន់ខ្សែភ្លេីងដោយក្នុងវ័យអាយុ18 ឆ្នាំទេីបធ្វេីឲប្អូននាងខ្ញុំបាត់បង់ជីវិត ។ 
នៅយប់ថ្ងៃទី១៦ ខែមេសា ឆ្នាំ២០១៧ ដែលថ្ងៃចុងក្រោយនៃពិធីបុណ្យចូលឆ្នាំថ្មី ប្រពៃណីខ្មែរ ខណៈរូបគេកំពុងតែរាំកម្សាន្ត តែជាអកុសលហួសពេលទៅហើយ៕
ABC Breaking News : ខណៈនេះមានករណីអគ្គីភ័យមួយបានឆេះផ្ទះល្វែងមួយកន្លែង យ៉ាងសន្ធោរសន្ធៅ ដែលស្ថិតនៅសង្កាត់កំពង់ស្វាយ ក្រុងសេរីសោភ័ណ្ឌ ខេត្តបន្ទាយមានជ័យ។
ហេតុការណ៍អគ្គិភ័យខាងលេីនេះកេីតឡេីងកាល ពីវេលាម៉ោង១៤៖២០នាទីរសៀល ថ្ងៃទី១៨ ខែមេសា ឆ្នាំ២០១៧នេះ បេីតាមអ្នកឃេីញហេតុការណ៍ផ្ទាល់បានទាក់ទងមកប្រាប់វិទ្យុABCថា នៅទីតាំងកេីតមានកម្លាំងសមត្ថកិច្ច និងរថយន្តពន្លត់អគ្គិភ័យចេញអន្តរាគមន៍ហេីយ មានអ្វីបន្ថែមABCនឹងជម្រាបជូនបន្ត! 
