មុននេះបន្តិច មានគ្រោះថ្នាក់ចរាចរណ៍ដ៏រន្ធត់ទៀតហេីយ ដែលព័ត៍មានបឋមពីអ្នកឃេីញហេតុការណ៍ផ្ទាល់ បានប្រាប់មកអោយស្ថានីយ៍វិទ្យុABC បានដឹងថា មានរថយន្តកូរ៉េដឹកឥដ្ឋ បុកជាមួយម៉ូតូ បណ្ដាលឲ្យមនុស្សប្រុស២នាក់ស្លាប់ភ្លាមៗ យ៉ាងអាណោចអាធម៍ នៅជិតវត្តឃ្មួញ តាមបណ្ដោយផ្លូវហាណូយ ខណ្ឌសែនសុខ រាជធានីភ្នំពេញ នៅវេលាម៉ោង១៧៖៣០នាទីល្ងាច ថ្ងៃទី៣០ ខែមីនា ឆ្នាំ២០១៧នេះ ៕
ព័ត៍មានបន្ថែមសូមរងចាំទស្សនាការ Live ផ្ទាល់ លេីទំព័រព័ត៍មាន ABC FB ពីលោក វណ្ណៈ រាយការណ៍ពីកន្លែងកេីតហេតុ!
៚ការអភ័យទោស និងការសងសឹក៚
យើងម្នាក់ៗភ្លេចគិតថា ការអភ័យទោសវាប្រសើរជាងការសងសឹកគ្នាទៅវិញទៅមក គ្រប់គ្នាកើតមកជាមួយកំហុសឆ្គងដោយចៀសមិនផុតឡើយ។
កំហុសបង្កើតឡើងតែមួយប៉ព្រិចភ្នែកទេ បើយើងជ្រើសយកការអភ័យទោស វាក៏រលាយក្នុងមួយប៉ព្រិចភ្នែកវិញដូចគ្នា តែបើយើងជ្រើសយកការសងសឹកគ្នាវិញ វានឹងបន្តរហូតដល់ថ្ងៃចុងក្រោយនៃជីវិតយើង។ អ្នកធ្វើកំហុសក៏មិនសប្បាយចិត្ត ឯអ្នកដែលមិនព្រមលើកលែងទោស កាន់តែមានទុក្ខច្រើនឡើងថែមទៀត។ នៅពេលដែលយើងចំណាយពេលចាប់កំហុសពីមនុស្សម្នាក់ យើងនឹងមិនដែលមើលឃើញពីគុណសម្បត្តិរបស់គេឡើយ បើទោះបីជាការពិតគេខំធ្វើល្អច្រើនប៉ុនណាក៏ដោយ។
បើដឹងថាការរស់នៅជាមួយគំនុំសងសឹក គឺការយកខ្លួនទៅដេកឱបភ្លើង ហេតុអ្វីមិនរស់នៅជាមួយសេចក្ដីស្រលាញ់ ការយោគយល់ និងការចែករំលែករឿងល្អៗជាមួយគ្នាទៅ? ចែករំលែកក្ដីស្រលាញ់ ត្រូវផ្ដើមពីយើងទៅ <3
៚ដកស្រង់ពី ៖ សៀវភៅជីវិត
ការទន្ទឹងរងចាំរបស់អ្នកគាំទ្ររបស់ Rain ទាំងអស់ត្រូវបានបញ្ចប់ ព្រោះការប្រគំតន្ត្រីនឹងចាប់ផ្ដើមនៅល្ងាចថ្ងៃទី៣០ ខែមីនា ឆ្នាំ២០១៧នេះហើយនៅបរិវេណទីក្រុងកោះពេជ្រ
កុំភ្លេចចូលរួមព្រឹត្តិការណ៍ប្រគំតន្ត្រី Smart Mega Concert របស់ Rain ទាំងអស់គ្នានៅល្ងាចនេះក្នុងបរិវេណទីក្រុង កោះពេជ្រ៕
អត្ថបទ៖ Samedy
ABC Breaking News : មានអគ្គិភ័យកំពុងឆាបឆេះ នៅផ្លូវ២១៧ សង្កាត់ដង្កោ ខណ្ឌដង្កោ ភ្នំពេញ ខណៈនេះរថយន្តពន្លត់អគ្គិភ័យកំពុងអន្តរាគមន៍៕ ព័ត៍មានបន្ថែមABCនឹងជម្រាបជូនបន្ថែម
ទិន្នន័យសរុបប្រចាំថ្ងៃ ដែលស្ថានីយ៍វិទ្យុ ABC កម្ពុជា 107.5 FM ទទួលបានក្នុងថ្ងៃទី30 ខែមីនា ឆ្នាំ 2017 មានដូចជា ៖
ករណីគ្រោះថ្នាក់ចរាចរណ៍ : 35 ករណី, របួសធ្ងន់ 20នាក់ របួសស្រាល 09 នាក់, និងស្លាប់ 05 នាក់ ។
ករណីបាត់ម៉ូតូ : 06 ករណី = 06 គ្រឿង ។
ករណីបាត់រថយន្ត : 01 ករណី = 01 គ្រឿង ។
ករណីហិង្សា : 09 ករណី ។
ករណីអគ្គិភ័យ : 02 ករណី ៕ ៚