អានដើម្បីគិត ៖
គ្មានទីណាដូចផ្ទះរបស់យើង
•••សំរាប់ស្ទាវទាំងឡាយដែលសំរេចចិត្តលឿនក្នុងការចេញពីផ្ទះដោយសារបញ្ហាអ្វីមួយដែលកើតឡើងជាមួយគ្រួសារ ព្រោះអ្នកបានសំរេចចិត្តមិនស្តាយក្រោយ តែសូមចាំថាផ្ទះដែលធ្លាប់តែផ្តល់ភាពកក់ក្តៅ សប្បាយរីករាយ ញញឹម ជូចត់ និងអ្វីៗជាច្រើនទៀតនោះមិនដែលបិទទ្វាមិនទទួលអ្នកទេ បើទោះម្តាយរឺឪពុកអ្នកហាមាត់ដេញអ្នកចេញក៏ដោយ កំហុសរបស់យុវវ័យគឺការសំរេចចិត្តលឿនដោយមិនបានគិតពីកំហុសខ្លួន អ្នកសំរេចចិត្តទៅនៅជាមួយភឿន ដំបូងគេរីករាយនឹងទទួលអ្នក តែគេក៏មិនរីករាយទទួលអ្នករយៈពេលយូនោះដែរ មិត្តខ្លះទទួលអ្នកព្រោះអ្នកមានប្រយោជន៏សំរាប់គេ ជាថ្នូលនឹងអ្វីមួយដែលគេចង់បាន បើប៉ះមិត្តមិនល្អ អាចជាជង្រុកស្រូវហើយអាចក្លាយជាទាសករបស់គេក្នុងរូបភាពជាច្រើន និយាយទៅ នៅផ្ទះរបស់ខ្លួនអ្នកជាស្តេច មានទាសីទាសាជាអ្នកមានគុណអ្នក ដែលចាយទាំងកំលាំងកាយ កំលាំងចិត្តដើម្បីមើលថែអ្នកអស់ពីបេះដូង មួយជ្រុងដែលអ្នកគិតពេលដែលអ្នកបានចូលទៅក្នុងពិភពមិត្តនិងពិភពលោកខាងក្រៅ អ្នកក៏មើលឃើញថាទីកន្លែងដែលចាត់ទុកអ្នកដូចស្តេចនោះក្លាយជាកន្លែងឃុំឃាំងអ្នកទៅវិញ ម្តាយហាមមិនស្តាប់ចំពោះការសេពគប់មិត្ត ម្តាយហាមមិនជាប់ចំពោះការដើរហើរ ដោយអ្នកគិតថាអ្នកមានស្លាបហើរហើយ ម្តាយហាមមិនបានព្រោះអ្នកគិតថាអ្នកមានមិត្តភក្តិមើលថែហើយ តែអ្នកភ្លេចគិតថាការហាមរបស់គាត់គឺដើម្បីអោយអ្នកល្អ ព្រោះខ្លាចលោកកូនដែលជាបេះដូងរបស់គាត់មានគ្រោះថ្នាក់ និងត្រូវគេធ្វើបាប ព្រោះអ្នកមុជចូលសង្គមនេះបានតិចជាងឪពុកម្តាយយើងនោះទេ ភាសាដែលអ្នកធ្លាប់ហៅដោយទន់ភ្លន់ ស្នាមញញឹមដែលអ្នកធ្លាប់អោយទៅពួកគាត់ក៏បាត់អស់ សល់តែពាក្យគំហក ញេញធ្មេញទាំងកំហឹងទៅកាន់ពួកគាត់រួចសំរេចចិត្តដើរចេញពីផ្ទះដោយគ្មានការស្តាយក្រោយនិងអណិតអាសូរអ្នកមានគុណសោះឡើយ ហើយដោយមិនដឹងថាពួកគាត់ទាំង២ឈឺយ៉ាងណាបើទោះកាយវិការនិងសំដីកាចទៅលើអ្នក តែគាត់ធ្វើដោយឈឺចាប់ខ្លាំងណាស់ តែទ្រាំមើលការបាត់បង់យើងមិនបាន ។នោះរឺជាកាដូរនៃជីវិតអ្នកដែលបំពេញអោយអ្នកមានគុណដែលទុកអ្នកដូចស្តេចប្រចាំជីវិតរបស់គាត់តាំងពីតូចមក ?
ABC ន័យជីវិត 92.7 FM
បើអ្នកគិតថាអ្នកធំហើយ អ្នកគិតខុសហើយ មនុស្សធំត្រូវបង្ហាញថាខ្លួនជាមនុស្សធំ ជាបង្គោលរបស់ខ្លួននិងគ្រួសារ មនុស្សធំគិតធំគិតឆ្ងាយ គិតមនុស្សដែលនៅជុំវិញខ្លួន មនុស្សធំត្រូវបង្ហាញហើយគេឃើញថាអ្នកជាមនុស្សដែលអាចដឹកនាំគ្រួសារបាន នោះអ្នកនឹងទិញសេរីភាពពីគ្រួសារបានហើយ តែបើអ្នកនៅក្រោមការគ្រប់គ្រងខ្លួនឯងមិនទាន់បាននោះទេ អ្នកមិនទាន់ជាំមនុស្សធំទេ ចាំថាទ្វាផ្ទះមិនបិទចោលអ្នកទេ ព្រោះអ្នកជាស្តេចរបស់ទីនោះដែលហៅថា ផ្ទះ ដែលមានអ្នករងចាំអ្នកមុខមាំតែចិត្តអន្ទះសារចង់ជួបខ្លាំងណាស់ ។
បើអ្នកក្លាហានរត់ចេញពីផ្ទះ សូមក្លាហានត្រលប់ទៅផ្ទះវិញណា នឹកម៉ាក់ និងម៉ា និងផ្ទះ និងគ្រប់យ៉ាងទេ? ជឿទៅ គ្មានកន្លែងណាល្អជាងផ្ទះរបស់អ្នកនោះទេ!
អត្ថបទដកស្រង់ពីលោក
A+
ផ្សាយបន្តដោយ ៖ ពិភពចែករំលែក
