ពិភពចែករំលែក

ជួយបោះឆ្នោតទៅកាន់បវរកញ្ញាតំណាងកម្ពុជាយើង ដោយគ្រាន់តែចុច Like រូប ខ្លឹម ស្រីគា ដែលជាកញ្ញាឯក Miss Grand Cambodia 2017 ដែលកំពុងបង្ហាញវត្តមានក្នុងព្រឹត្តិការណ៍ប្រកួតកញ្ញាឯក Miss Grand International 2017 នៅវៀតណាម

[ពិភពចែករំលែក]

កញ្ញា ខ្លឹម ស្រីគា បានបង្ហាញវត្តមានក្នុងព្រឹត្តិការណ៍ប្រកួតកញ្ញាឯក Miss Grand International 2017 នៅលើទឹកដីនៃប្រទេសវៀតណាម។ ក្រោយពីបានប្រកួតសម្លៀកបំពាក់បែបប្រពៃណីប្រចាំប្រទេសកាលពីយប់ថ្ងៃទី១២ តុលា ២០១៧នេះ ការប្រកួតកញ្ញាឯក Miss Grand International 2017 នឹងបន្តការប្រកួតលើឈុតហែលទឹក និងប្រកួតផ្នែកចំណេះដឹងបន្តទៀត មុននឹងឈានទៅដល់វគ្គផ្ដាច់ព្រ័ត្រ ។

បញ្ជាក់ | ប្រិយមិត្តអាចបោះឆ្នោតទៅកាន់បវរកញ្ញដែលអ្នកពេញចិត្តដោយចុច Like រូបរបស់ពួកគេ៖

សូមជួយបោះឆ្នោតទៅកាន់បវរកញ្ញាតំណាងកម្ពុជាយើង ដោយគ្រាន់តែចុច Like រូបនិងជួយ Share បន្តឲ្យដឹងផង!៖

បេក្ខនារីស្រស់ស្អាត និងពោពេញដោយចំណេះដឹងមកពីប្រទេសនានានៅលើពិភពលោក ដោយក្នុងនោះរួមមានកញ្ញាឯករបស់កម្ពុជាផងដែរ នឹងដណ្ដើមម្កុដដែលមានតម្លៃរហូតដល់៣០ម៉ឺនដុល្លារច្នៃពីមាស និងត្បូងសុទ្ធ។ កញ្ញា ខ្លឹម ស្រីគា អាយុ១៨ ឆ្នាំ ជាសិស្សមកពីរាជធានីភ្នំពេញ បានក្លាយទៅជាម្ចាស់ជ័យលាភីលេខ១ គ្រងមកុដ Miss Grand Cambodia 2017។ នាងបានស្លៀកសម្លៀកបំពាក់ប្រពៃណីដែលមានឈ្មោះថា «ទេវីក្រុងកម្ពុជាធិបតី!» ដោយនាងក៏បានបង្ហាញភាពទន់ភ្លន់នៅលើវេទិកាគួរឲ្យកត់សម្គាល់ ដោយធ្វើឲ្យនាងទទួលបាននូវការលេចធ្លោរមិនធម្មតាផងដែរ នៅក្នុងវេទិកាដែលចម្រុះដោយស្រីស្អាតនាយប់នោះ។ ការប្រកួតនេះនៅមានដំណាក់កាលច្រើនទៀត ដោយការប្រកួតនឹងបន្តរហូតដល់ថ្ងៃទី២៥ តុលា ទើបបញ្ចប់ការប្រកួត ដោយការប្រកួតនោះនឹងកាន់តែមានសភាពតានតឹងសម្រាប់ស្រីស្អាតកម្ពុជា និងបេក្ខនារីទាំងអស់។ កញ្ញា ខ្លឹម ស្រីគា ត្រូវគេឃើញរំលេចសម្រស់នៅក្នុងព្រឹត្តិការណ៍នោះមិនចាញ់ស្រីស្អាតមកពីតំណាងប្រទេសផ្សេងនោះទេ បើទោះជាក្ដីសង្ឃឹមរឿងបានម្កុក និងបានតំណែងដូចជា តំណែងអ្នកស្លៀកពាក់សម្លៀកបំពាក់ប្រចាំជាតិបានស្អាតជាងគេ អ្នកស្លៀកសម្លៀកបំពាក់ហែលទឹកបានល្អជាងគេ និងអ្នកមានប្រជាប្រិយភាពជាងគេប្រចាំកម្មវិធីនៅមិនទាន់ប្រាកដក្នុងដៃ។ យ៉ាងណាមិញ ក៏ជាមោទនភាពមិនធម្មតាផងដែរ ដែល កញ្ញា ខ្លឹម ស្រីគា បានតំណាងឲ្យកម្ពុជា បង្ហាញខ្លួនក្នុងព្រឹត្តិការណ៍នេះ ហើយបានប្រកួតដណ្ដើមម្កុដជាទ្រង់ទ្រាយធំ។

នេះជាការប្រកួតម្កុដ Miss Grand លើកទី៥របស់ពិភពលោកដែលបានជ្រើសរើសប្រទេសវៀតណាមជាម្ចាស់ផ្ទះ ហើយត្រូវបានប្រទេសវៀតណាមជ្រើសយកកោះត្រល់ជាទីតាំងប្រកួតផ្ដាច់ព្រ័ត្រ ដើម្បីបង្អួតភ្ញៀវអន្តរជាតិ៕

សុទ្ធតែស្អាត! ២១ឈុតតំណាងជាតិពិសេសៗរបស់ Miss Grand International នៅប្រទេសវៀតណាម

កម្មវិធីប្រកួតសម្រស់ជាលក្ខណៈអន្តរជាតិ Miss Grand International ប្រចាំឆ្នាំ២០១៧ បានដំណើរការទៅយ៉ាងរលូនដោយមានស្រីស្អាតមកពីច្រើនប្រទេសចូលរួមប្រកួត។ កាលពីយប់មិញនេះកម្មវិធីខាងលើបានឈានដល់ដំណាក់កាលបង្ហាញឈុតតំណាងជាតិរួចហើយ ដោយឈុតទាំងនោះសុទ្ធសឹងតែច្នៃយ៉ាងសម្រិតសម្រាំង និងពោរពេញដោយអត្ថន័យសម្រាប់ប្រទេសប្រទេសនីមួយៗ។

គួររម្លឹកថាកម្មវិធីប្រកួត Miss Grand International 2017 បានប្រព្រឹត្តឡើងកាលពីថ្ងៃទី០៩ តុលា កន្លងទៅ និងត្រៀមបញ្ចប់នៅថ្ងៃទី២៥ ខែតុលា ឆ្នាំ២០១៧ខាងមុខនេះ ដែលជាថ្ងៃប្រកាសលទ្ធផល។

តែមុនដឹងពីលទ្ធផល សូមទស្សនាឈុតតំណាងជាតិពិសេសៗរបស់ Miss Grand International 2017៖

កម្ពុជា

អាហ្សង់ទីន

ប្រេស៊ីល

សាធារណរដ្ឋ ឆេក

ចិន

គុយបា

សាធារណរដ្ឋ ដូមីនីកេន

អេហ្ស៊ីប

អាល្លឺម៉ង់

ឥណ្ឌា

ឥណ្ឌូណេស៊ី

ឡាវ

មីយ៉ាន់ម៉ា

នីការ៉ាហ្គ័រ

ប៉ាណាម៉ា

ប៉េរូ

ហ្វីលីពីន

ស្រីលង្កា

ថៃ

វៀតណាម

ប្រិយមិត្តអាចបោះឆ្នោតទៅកាន់បវរកញ្ញដែលអ្នកពេញចិត្តដោយចុច Like រូបរបស់ពួកគេ៖

រូបភាព៖ FB Miss Grand International

ទូកង មានឈ្មោះល្បី "នាគខៀវមានជ័យ" និង "នាគខ្មៅមានជ័យ" ស្ថិតនៅវត្តចាក់អង្រែក្រោម កំពុងស្វែងរកសប្បុរសជនឲ្យជួយឧបត្ថម្ភផង!

[ពិភពចែករំលែក]
ប្រភពពី Facebook ៖ ធ្លាប់ល្បីរន្ទឺរួចមកហេីយទូកង ដែលល្បីថាមានល្បឿនលឿន ឈ្មោះថា នាគខៀវមានជ័យ (មានចំណុះ ៧៦នាក់) និង នាគខ្មៅមានជ័យ (មានចំណុះ ៦៨នាក់) ឲ្យបានដឹងថាកាលពីថ្មីៗនេះថា ទូកទាំងពីរនេះ មិនបានចូលរួមក្នុងការប្រណាំង នៅក្រុងតាខ្មៅទេ ដោយហេតុ ............... ប៉ុន្តែទូកទាំងពីរនេះ ចូលរួមក្នុងការប្រណាំង នៅក្នុងព្រះរាជពិធីបុណ្យអ៊ុំទូកឆ្នាំ២០១៧នេះ ទូកងល្បីឈ្មោះទាំង២នេះ ស្ថិតនៅវត្តចាក់អង្រែក្រោម សង្កាត់ចាក់អង្រែក្រោម ខណ្ឌមានជ័យ ភ្នំពេញ។

តាមការប្រាប់ពីបងប្រុសម្នាក់ដែលជាអ្នកស្នាក់នៅវត្ត បានឲ្យដឹងថា ៖ ទូកងល្បីឈ្មោះទាំង២នេះពុំមានអ្នកឧបត្ថម្ភគ្រប់គ្រាន់ឡេីយ និងកំពុងស្វែងរកសប្បុរសជនជួយឧបត្ថម្ភផង! ។

ទូកប្រណាំងមួយ ត្រូវឆ្លងកាត់ដំណាក់កាលមួយចំនួនមុនអាចចូលរួមប្រណាំងបាន

ក្នុងពិធីបុណ្យអុំទូកម្តងៗមានទូកជាច្រើនបានចូលរួមប្រណាំងប្រជែងគ្នាយកជើងឯកប្រចាំឆ្នាំ។ តើទូកទាំងនោះគេធ្វើឡើងដោយឈើអ្វីហើយភាគច្រើនផលិតនៅខេត្តណា? អតីតអ្នកគ្រប់គ្រងកីឡាករប្រណាំងទូកម្នាក់ឲ្យដឹងថាទូក-ង ដែលមានបណ្តោយវែងៗនោះគឺភាគច្រើនផលិតនៅក្នុងខេត្តព្រះវិហារ។
លោក កុយ គីម វ័យ៧០ឆ្នាំ រស់នៅឃុំកៀនជ្រៃ ស្រុកកំពង់សៀម ខេត្តកំពង់ចាម ប្រាប់ថា ទូក-ង ភាគច្រើនផលិតនៅខេត្តព្រះវិហារ ដែលលោកថានៅទីនោះសំបូរដើមគគីរធំៗ និងមានប្រវែងវែងៗ ហើយដើមគគីរមួយដើមអាចធ្វើបានតែទូក-ងមួយប៉ុណ្ណោះ លោកពូក៏បានបញ្ជាក់ទៀតថា ដើមគគីរមានភាពធន សាច់រឹង និងស្វិតជាប់ល្អដែលអំណោយផលដល់ការផលិតទូក តែលោកមិនបានដឹងពីតម្លៃផលិតទូកនោះទេ។ (ទូក-ង រក្សាទុកនៅក្នុងរោងទូកដែលការពារមិនឲ្យត្រូវកម្តៅថ្ងៃ) ទោះយ៉ាងលោកថាការផលិតទូកប្រណាំងនេះ មិនអាស្រ័យតែម្យ៉ាងលើដើមគគីរនេះទេ គឺថាតាមជំនឿពេលរកបានដើមគគីរហើយ គេត្រូវធ្វើពិធីសែនព្រេនជាមុនសិន មុននឹងចាប់ដំណើរការផលិតទូក។
លោកថាធ្វើដូចនេះដោយគេជឿថាដើម្បីឲ្យដំណើរការធ្វើទូកប្រព្រឹត្តទៅដោយរលូន និងមានជ័យជម្នះពេលប្រណាំង។ លោករៀបរាប់ទៀតថាពិធីសែនព្រេននេះមិនទាន់បញ្ចប់នោះទេ ពោលគឺថាក្រោយពីផលិតហើយទូកនោះនឹងត្រូវសែនព្រេនម្តងទៀតនៅមុនចេញប្រណាំង ហើយ« ជាធម្មតាពេលធ្វើទូករួចរាល់ ឬមុនចេញទៅប្រណាំងម្តងៗ អ្នកដឹកនាំក្រុមទាំងមូលបាននិមន្តព្រះសង្ឃមកធ្វើពីធីសែនព្រេនប្រោះព្រំដើម្បីអញ្ជើញបារមីរក្សានៅក្នុងវត្តមកជួយគ្រប់គ្រងរក្សា និងដឹកនាំការប្រកួតឱ្យទទូលបានជោគជ័យជាពិសេសដើម្បីឱ្យក្រុមការងារទាំងអស់ទាំងអ្នកដឹកនាំចំណុះទូក និងកីឡាករអុំទូកទាំងអស់ជូបតែសេចក្តីសុខ... គ្មានបញ្ហាអ្វីកើតឡើង ទាំងការធ្វើដំណើរ ការឈឺថ្កាត់អីក៏គ្មានដែរ ហើយទទួលបានជោគជ័យលើការប្រណាំងទៀតផង »។
លោក កុយ គីម ឲ្យដឹងទៀតថាក្រោយការប្រណាំង ទូកត្រូវរក្សាទុកនៅកន្លែងដែលមានការបិទបាំងត្រឹមត្រូវ ដោយថាដើម្បីកុំឲ្យទូកត្រូវកម្តៅថ្ងៃ និងងាយខូចខាត៕ អត្ថបទដោយ៖ ឌឿន អ៊ី

យុវតីរូបស្រស់ម្នាក់ប្រតិកម្មថា "បើសិនជាគណបក្សសង្គ្រោះជាតិត្រូវបានរំលាយមែនតាមនោះគឺ ខ្ញុំខ្ពើមខ្ចីទៅបោះឆ្នោតអាចម៌គោរស្អីទេហា៎"

[ពិភពចែករំលែក]
យោងតាម Facebook Account "Ahnich Khmerkorm" ដែលគេស្គាល់ថាយុវតីរូបស្រស់រូបនេះជាសកម្មជនគណបក្សសង្គ្រោះជាតិ បានបង្ហោះលើនៅម៉ោង០៩:៤៩នាទីយប់ ថ្ងៃទី០៦ ខែតុលា ២០១៧នេះ បានប្រតិកម្មយ៉ាងខ្លាំងថា ៖ "បើសិនជាគណបក្សសង្គ្រោះជាតិត្រូវបានរំលាយមែនតាមនោះគឺ ខ្ញុំខ្ពើមខ្ចីទៅបោះឆ្នោតអាចម៌គោរស្អីទេហា៎ 😏😏 កីឡាករដែលល្បីហើយខ្លាំងពិតមែនគេមិនថោកទាបផ្ដួលគូរប្រកួតមុនថ្ងៃឡើងសៃវៀនទេជ្រេញអាមេបក្សពីរនោះដល់ហើយវើយ 😏👊"។

រូបភាពពីម្ចាស់ Account FB "Ahnich Khmerkrom"

ភ័យស្លន់ស្លោយកគ្រឿងញៀនបោះលើដំបូលផ្ទះគេ ខណៈដែលប៉ូលីសឆ្មក់ចូលបង្ក្រាបក្រុមជួញដូរគ្រឿងញៀន ដល់បន្ទប់ខុនដូរ ក្នុងសង្កាត់បឹងទំពុន ចាប់ខ្លួន៤នាក់ ដកហូតថ្នាំមួយចំនួនធំ,

[ពិភពចែករំលែក]
រាជធានីភ្នំពេញ ៖ កម្លាំងនគរបាលការិយាល័យ «ក៣» នៃមន្ទីរប្រឆាំងគ្រឿងញៀន សហការជាមួយកម្លាំង នគរបាល មូលដ្ឋាន នៅល្ងាចថ្ងៃទី១១ ខែតុលា ឆ្នាំ២០១៧នេះ បានចុះបង្ក្រាបករណីជួញដូរគ្រឿងញៀន ដែលស្ថិតនៅ ក្នុងបន្ទប់ខុនដូរលេខ៥២ ផ្លូវលេខ៣៤៤បេ សង្កាត់បឹងទំពុន ខណ្ឌមានជ័យ ដោយឃាត់ខ្លួនជនសង្ស័យ៤នាក់ និងថ្នាំមួយចំនួនផងដែរ។

ប្រតិបត្តិការចុះបង្ក្រាបគ្រឿងញៀនខាងលើនេះ បានធ្វើឡើង ក្រោមការសម្របសម្រួលពីព្រះរាជអាជ្ញារងអមសាលាដំបូងរាជធានីភ្នំពេញលោក គុជ គឹមឡុង និងដឹកនាំបញ្ជាផ្ទាល់ពី លោកវរសេនីយ៍ទោ ទិត ចំរើន នាយការិយាល័យ «ក៣»។ ខណៈនេះជនសង្ស័យទាំង៤នាក់ ត្រូវបានសមត្ថកិច្ច នាំយកទៅសួរនាំ នៅមន្ទីរប្រឆាំងគ្រឿងញៀន ដើម្បីចាត់ការបន្តទៀត៕