ពិភពចែករំលែក

ឆាបឆេះរថយន្តលុចសុីស១គ្រឿងនៅក្នុងមណ្ឌលកំសាន្ត Rock យ៉ាងសន្ធោសន្ធៅ

[ពិភពចែករំលែក]
ភ្នំពេញ ៖ រថយន្តលុចសុីសLX470មួយគ្រឿង ត្រូវបានឆ្លងចរន្តអគ្គីសនីពីកន្លែងម៉ាសុីន បណ្ដាលអោយឆាបឆេះយ៉ាងសន្ធោសន្ធៅ នៅក្នុងបរិវេនមជ្ឈមណ្ឌល កំសាន្តរ៉ុក បង្កអោយមានការភ្ញាក់ផ្អើលនៅវេលាម៉ោង២និង៤០នាទីរំលងអាធ្រាត ឈានចូលថ្ងៃទី១១ ខែកញ្ញា ឆ្នាំ២០១៧ ស្ថិតក្នុងបរិវេនមជ្ឈមណ្ឌល កំសាន្ត រ៉ុក ក្នុងសង្កាត់ទន្លេបាសាក់ ខណ្ឌចំការមន ។

លទ្ធផលប្រលងបាក់ឌុប ២០១៧ ចេញជាផ្លូវការហេីយ! អ្នកជាប់និទ្ទេស A 424នាក់ (ភ្នំពេញ194នាក់)

[ពិភពចែករំលែក]
រាជធានីភ្នំពេញ ៖ លទ្ធផលប្រលងបាក់ឌុប
បេក្ខជនប្រឡង”ជាប់"សញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជា សម័យប្រឡង៖ ២១ សីហា ២០១៧ មានចំនួន ៦៣ ៦៦៨នាក់ ត្រូវជា៦៣,៨៤% នៃបេក្ខជនវត្តមានសរុបចំនួន ៩៩ ៧២៨នាក់។
ថ្នាក់វិទ្យាសាស្ត្រ មានបេក្ខជនប្រឡងជាប់ចំនួន ៣៤ ២៣៤នាក់ ត្រូវជា៥៣, ៤០%
ថ្នាក់វិទ្យាសាស្ត្រសង្គម មានបេក្ខជនប្រឡងជាប់ចំនួន ២៩ ៤៣៤នាក់ ត្រូវជា៨២,៦២%។

ក្នុងនោះបេក្ខជនទទួលបាន៖
-និទ្ទេស A៖ ចំនួន ៤២៤នាក់
-និទ្ទេស B៖ ចំនួន ២ ៤៦៤នាក់
-និទ្ទេស C៖ ចំនួន ៥ ០០០នាក់
-និទ្ទេស D៖ ចំនួន ៩ ១២៣នាក់
-និទ្ទេស E៖ ចំនួន ៤៦ ៦៥៧នាក់

រាជធានី ខេត្តដែលមានបេក្ខជនប្រឡងជាប់ទទួលបាននិទ្ទេស A នៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ៖ ២១ សីហា ២០១៧ មានដូចខាងក្រោម ៖

រាជធានីភ្នំពេញ ចំនួន ១៩៤នាក់
ខេត្តសៀមរាប ចំនួន ៤៧នាក់
ខេត្តកណ្ដាល ចំនួន ២៦នាក់
ខេត្តបាត់ដំបង ចំនួន ២៣នាក់
ខេត្តកំពត ចំនួន ២១នាក់
ខេត្តកំពង់ចាម ចំនួន ២០នាក់
ខេត្តព្រៃវែង ចំនួន ១២នាក់
ខេត្តបន្ទាយមានជ័យ ចំនួន ១២នាក់
ខេត្តកំពង់ឆ្នាំង ចំនួន ១២នាក់
ខេត្តព្រះសីហនុ ចំនួន ៩នាក់
ខេត្តកំពង់ធំ ចំនួន ៩នាក់
ខេត្តតាកែវ ចំនួន ៨នាក់
ខេត្តត្បូងឃ្មុំ ចំនួន ៧នាក់
ខេត្តពោធិ៍សាត់ ចំនួន ៦នាក់
ខេត្តក្រចេះ ចំនួន ៦នាក់
ខេត្តស្វាយរៀង ចំនួន ៥នាក់
ខេត្តព្រះវិហារ ចំនួន ២នាក់
ខេត្តកែប ចំនួន ២នាក់
ខេត្តកំពង់ស្ពឺ ចំនួន ១នាក់
ខេត្តប៉ៃលិន ចំនួន ១នាក់
ខេត្តកោះកុង ចំនួន ១នាក់

-បេក្ខជនចំនួន២៨រូបត្រូវបានកំណត់ឲ្យធ្លាក់ស្វ័យប្រវត្តិ ក្នុងការប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជា សម័យប្រឡង៖ ២១ សីហា ២០១៧ ដោយបានប្រព្រឹត្តកំហុសឆ្គង ដូចជាករណីប្រឡងជំនួស ប្ដូរលេខតុ លួចចម្លង ប្រើប្រាស់ទូរស័ព្ទដៃ យកសំណៅឯកសារ និងម៉ាស៊ីនគិតលេខចូលក្នុងបន្ទប់ប្រឡង។

នាព្រឹកថ្ងៃទី១០ ខែកញ្ញា ឆ្នាំ២០១៧ នៅនាយដ្ឋានមធ្យមសិក្សាចំណេះទូទៅ ការបោះពុម្ពលទ្ធផលប្រឡងរបស់បេក្ខជន នៃការប្រឡងសញ្ញាបត្រទុតិយភូមិ សម័យប្រឡង ៖ ២១ សីហា ២០១៧ បានចាប់ផ្ដើម ដោយមានត្រួតពិនិត្យដោយផ្ទាល់ពី ឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រី ក្រសួងអប់រំ យុវជន និងកីឡា និងដោយមានការចូលរួមសង្កេតការណ៍ដោយមន្ត្រីអង្គភាពប្រឆាំងអំពើពុករលួយ។

លទ្ធផលប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជា សម័យប្រឡង៖ ២១ សីហា ២០១៧ នឹងត្រូវប្រកាសលើទំព័របណ្ដាញសង្គមផ្លូវការរបស់ក្រសួងអប់រំ យុវជន និងកីឡា Facebook.com/MoEYS.Gov.Kh នៅរសៀលនេះ សម្រាប់មណ្ឌលប្រឡងរាជធានីភ្នំពេញ-ខេត្តកណ្ដាល ចំណែកឯមណ្ឌលប្រឡងបណ្ដាខេត្តផ្សេងទៀតនឹងផ្សព្វផ្សាយនាព្រឹកថ្ងៃទី១១ ខែកញ្ញា ឆ្នាំ២០១៧ ។

សូមតាមដានលទ្ធផលប្រឡងសញ្ញាបត្រមធ្យមសិក្សាទុតិយភូមិចំណេះទូទៅតាមរយៈទំព័រផ្លូវការ MoEYS Cambodia តែមួយគត់ Facebook.com/MoEYS.Gov.Kh របស់ក្រសួងអប់រំ យុវជន និងកីឡា។

ប្រភពពី ក្រសួងអប់រំ

ណយ វ៉ាន់ណេត ជួបគ្រោះថ្នាក់ចរាចរណ៍ រងរបួសធ្ងន់

[ពិភពចែករំលែក]
ស្រុកកំពង់សីលា-នៅក្បាលព្រលប់ ថ្ងៃទី ០៩កញ្ញានេះ តារាចម្រៀងជើងចាស់លោក ណយ វ៉ាន់ណេត ជួបគ្រោះថ្នាក់ចរាចរណ៍វាងរថយន្តនិងម៉ូតូ ។ បណ្តាលមកពីភាគីខាងអ្នកជិះម៉ូតូធំមានគ្នា ២នាក់ បានមកបុករថយន្តរបស់តារាចម្រៀងរូបនេះពេញទំហឹងបណ្តាលអោយអ្នកជិះម៉ូតូធំស្លាប់ម្នាក់រងរបួសម្នាក់ និងបណ្តាលឪ្យលោក ណយ វ៉ាន់ណេត រងរបួស (មិនទាន់ដឹងពីស្ថានភាពនៅឡើយ)។

សមត្ថកិច្ចអោយដឹងជាបឋមមកថា មានគ្រោះថ្នាក់ចរាចរណ៍រវាងរថយន្តបាឡែនមួយគ្រឿងរបស់តារាចម្រៀងជើងចាស់លោកណយ វ៉ាន់ណេត បុកប៉ះជាមួយម៉ូតូមួយគ្រឿងជិះគ្នា២នាក់(ប្រុស១ស្រី១)នៅផ្លូវជាតិលេខ៤ក្នុងឃុំស្ទឹងឆាយចន្លោះគីឡូម៉ែត្រលេខ១៥១.១៥២ វេលាម៉ោងជិត៨យប់ថ្ងៃ៩កញ្ញា២០១៧នេះ បណ្តាលអោយស្ត្រីម្នាក់ភាគីខាងម៉ូតូស្លាប់នៅនឹងកន្លែង ចំណែកអ្នកបើកបរម៉ូតូរងរបួសធ្ងន់។

សេចក្តីរាយការណ៍ពីសមត្ថកិច្ចអោយដឹងដែរថា លោកណយ វ៉ាន់ណេតក៍ទទួលរងរបួសធ្ងន់ដែរ សមត្ថកិច្ចចម្រុះកំពុងអន្តរាគមន៍នាំអ្នករបួសយកទៅសង្គ្រោះ។ភ្លាមៗសមត្ថកិច្ចនៅមិនទាន់ស្គាល់អត្តសញ្ញាណជនរងគ្រោះភាគីខាងម៉ូតូនៅឡើយ៕

[ពិភពចែករំលែក]

ក្រោយវៀតណាម យកឈ្នះកម្ពុជា ២-១ មានអ្នកគាំទ្រមិនដឹងដុតអីឲ្យច្បាស់ ឬដុតទង់ជាតិឡេីយ ឆេះផ្អេីលពហុកីឡាដ្ឋានមួយប្រាវ

[ពិភពចែករំលែក]

រាជធានីភ្នំពេញ ៖ ក្រោយវៀតណាម យកឈ្នះកម្ពុជា ២-១ មានការដុត ដោយមិនច្បាស់ថាដុតរបស់ណាមួយ ឫក៏ដុតទុងជាតិឡើយ ដែលធើ្វឲ្យបង្កភាពភ្ញាក់ផ្អើលមួយប្រាវផងដែរ នៅពហុកីឡាដ្ឋានជាតិអូឡាំពិក យប់ថ្ងៃទី០៥ ខែកញ្ញា ២០១៧នេះ ។

បេីតាមដំណឹងច្បាស់ការ៖ ក្រុមអ្នកគាំទ្រវៀតណាម បានដុតកាំជ្រួច/ផាវ ក្នុងទីលាន ដែលបង្កជាការភ្ញាក់ផ្អើល រត់ប្រសាចគ្នាពេញកន្លែងអង្គុយ។

ប្រភព៖ ស្ដេចបាល់

អាវុធហត្ថរាជធានីភ្នំពេញ បញ្ជូនជនសង្ស័យ ០៩នាក់ ទៅតុលាការ!

[ពិភពចែករំលែក]
រាជធានីភ្នំពេញ ៖ នៅម៉ោង០៨:០០នាទីព្រឹក ថ្ងៃទី០៥ ខែកញ្ញា ឆ្នាំ២០១៧ សមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន អាវុធហត្ថរាជធានីភ្នំពេញ បានបញ្ជូនជនសង្ស័យ ០៩នាក់ ទៅតុលាការពាក់ព័ន្ធករណីគ្រឿងញៀន រួម និងថ្នាំញៀន ០៨កញ្ចប់(ប្រភេទម៉ាទឹកកក)។ ជនសង្ស័យទាំង ០៩នាក់នោះ ត្រូវបានកម្លាំងល្បាតមូលដ្ឋានអាវុធហត្ថខណ្ឌជ្រោយចង្វារ និងខណ្ឌដង្កោ នៃរាជធានីភ្នំពេញ ធ្វើការបង្ក្រាបឃាត់ខ្លួនបានជាបន្តបន្ទាប់ នៅពីរចំណុចផ្សេងគ្នា កាលពីថ្ងៃទី០២ ខែកញ្ញា ឆ្នាំ២០១៧ ក្នុងនោះមាន៖

ឈ្មោះ ប៊ុន លីម ភេទប្រុស អាយុ ២៤ឆ្នាំ ,
ឈ្មោះ នឿន ណុំ ភេទប្រុស អាយុ ២៥ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌជ្រោយចង្វារ ធ្វើការបង្ក្រាប និងឃាត់ខ្លួនបាន កាលពីវេលាម៉ោង២១:៣០នាទី នៅចំណុច ផ្លូវលីយ៉ុងផាត់ ភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ ភ្នំពេញ រួមនិងដកហូតបានក្រាមពណ៍សថ្លា ០៣កញ្ចប់(ប្រភេទម៉ាទឹកកក)
ឈ្មោះ ទិច សុវិជា ភេទប្រុស អាយុ ២១ឆ្នាំ ,
ឈ្មោះ ទ្រី គឹមលី ភេទប្រុស អាយុ ១៦ឆ្នាំ ,
ឈ្មោះ អ៊ុក ពៅ ភេទប្រុស អាយុ ២០ឆ្នាំ ,
ឈ្មោះ ហ៊ុល ភ័ស ភេទប្រុស អាយុ ២៥ឆ្នាំ ,
ឈ្មោះ ប៉ក ពាង ភេទប្រុស អាយុ ១៩ឆ្នាំ ,
ឈ្មោះ ស៊ុត ផានិត ភេទប្រុស អាយុ ២៣ឆ្នាំ ,
ឈ្មោះ ឈុន លីហួត ភេទប្រុស អាយុ ១៧ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌដង្កោ ធ្វើការបង្ក្រាប និងឃាត់ខ្លួនបាន កាលពីវេលាម៉ោង២២:៣០នាទី នៅចំនុចផ្លូវបេតុងបឹងតាម៉ាត ភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ រួម និងដកហូតបានក្រាមពណ៍សថ្លា ០៥កញ្ចប់(ប្រភេទម៉ាទឹកកក)។