នារីក្លាហាន FB Linda GiGi ដែល Commentជេរប្រមាថសម្តេចតេជោ ត្រូវសមត្ថកិច្ចឃាត់ខ្លួនហើយ

កំពូលនារីក្លាហាន Linda GiGi ដែល Commentជេរប្រមាថសម្តេចតេជោ គឺត្រូវសមត្ថកិច្ចឃាត់ខ្លួនហើយកាលពីថ្ងៃទី ២៦ សីហា នៅប៉ោយប៉ែត ខេត្តបន្ទាយមានជ័យ។​​ កាលពីថ្ងៃទី២៥ ខែសីហា ឆ្នាំ២០១៧ វេលាម៉ោងជាង ៩យប់ កន្លងទៅ ក្មេងស្រីម្នាក់ដែលប្រើប្រាស់ Account Facebook ឈ្មោះ Linda GiGi បានធ្វើការសរសេរពាក្យចោទប្រកាន់ និងប្រមាថ ចំពោះ សម្តេច ហ៊ុន​ សែន នៅលើវីដេអូមួយ ដែលសារព័ត៌មាន Fresh News បាន Post ផ្សាយ ។ ពេលនេះសមត្ថកិច្ចកំពុងសួរចម្លើយ​ ៕

ប្រភពពី : ជង្រុកព័ត៏មាន

Breaking News - អគ្គិភ័យកំពុងឆេះឡានកុងទីន័រដឹកប្រេងយ៉ាងសន្ធោរសន្ធៅ ដែលក្រឡាប់ដោយសារគេចម៉ូតូ នៅក្បែរផ្សារឧដុង្គ ជារបស់ក្រុមហ៊ុន TELA

ខេត្តកំពង់ស្ពឺ ៖ រថយន្តដឹកសាំងមួយគ្រឿងរបស់ក្រុមហ៊ុនតេលា (Tela) បានក្រឡាប់ នៅក្បែរផ្សារឧដុងង្គ ចំងាយប្រមាណ៩គីឡូម៉ែត្រ នៅតាមផ្លូវជាតិលេខ៤៤ បណ្តាលឲ្យឆាបឆេះយ៉ាងខ្លាំង នៅយប់ថ្ងៃទី២៧ ខែសីហា ឆ្នាំ២០១៧នេះ។

ស្នងការនគរបាលខេត្តកំពង់ស្ពឺ លោកឧត្តមសេនីយ៍ត្រី សម សាមួន បានប្រាប់អង្គភាព Fresh News នៅយប់នេះថា គ្រោះថ្នាក់នេះបានកើតឡើង ដោយសាររថយន្តដឹកប្រេងម៉ាស៊ូត ក្រុមហ៊ុនតេលា ចំណុះ៣០០០លីត្រ បានគេចម៉ូតូក៏បណ្តាលឲ្យក្រឡាប់តែម្តង។ ក្រោយកើតហេតុភ្លាមៗលោកបានបញ្ជូនរថយន្តពន្លត់អគ្គិភ័យទៅត្រៀមបង្ការ ខ្លាចក្រែងមានហេតុការណ៍គ្រោះអគ្គិភ័យកើតឡើង ខណ:ដែលប្រជាពលរដ្ឋជាច្រើននាក់ បាននាំគ្នាទៅដណ្តើមដួសយកប្រេង។

លោកស្នងការបានបញ្ជាក់ទៀតថា នៅពេលប្រេងបានហូរចូលប្រឡាយនៅក្បែរនោះ ក៏ស្រាប់តែឆេះ ហើយដើម្បីការពារផ្ទះអ្នកស្រុក លោកបានបញ្ជូនរថយន្តពន្លត់អគ្គិភ័យ៣គ្រឿង ខាងស្នងការកំពង់ឆ្នាំង១គ្រឿង និងមកពីក្រុមហ៊ុនមួយគ្រឿងផងដែរ ដើម្បីបាញ់ស្កាត់ផ្ទះប្រជាពលរដ្ឋនៅក្បែរនោះ។

បើតាមលោកស្នងការ គ្រោះថ្នាក់នេះមិនបណ្តាលឲ្យមនុស្សណាម្នាក់រងគ្រោះនោះឡើយ ហើយរថយន្តពន្លត់អគ្គិភ័យរបស់លោក នៅតែត្រៀមនៅកន្លែងកើតហេតុ ដោយសារប្រេងនៅតែស្រក់ ដោយរង់ចាំខាងក្រុមហ៊ុន មកស្ទូចយកទៅសិន។

ក្រោយកើតហេតុភ្លាមៗ កម្លាំងសមត្ថកិច្ចជាច្រើននាក់បានទៅជួយអន្តរាគមន៍ជាបន្តបន្ទាប់ ប៉ុន្តែមិនទាន់ដឹងពីទំហំខូចខាតនោះឡើយ។​ ទស្សនាវិដេអូខាងក្រោម :

សូមទស្សនាការផ្សាយផ្ទាល់ពីក្នុងបន្ទប់ផ្សាយវិទ្យុABC ៖

ព័ត៍មានបន្ថែមABCនឹងជម្រាបជូនបន្ត

បេីមានអ្វីបន្ទាន់ៗ ឬត្រូវការសមត្ថកិច្ចចុះអន្តរាគមន៍ ត្រូវការឡានពេទ្យ ត្រូវការឡានពន្លត់អគ្គិភ័យ ប្រទះឃេីញ​មនុស្សវង្វេង ឬបាត់ក្មេង ប្រទះឃើញក្មេង និងអ្វីបន្ទាន់ៗ អាចទាក់ទងមកវិទ្យុABC (24ម៉ោង) តាមលេខទូរស័ព្ទ 010231010 / 012231010 / 070231010 / 077231010 និង 087232323 

10000 Share បានទេ? ដេីម្បីជួយបំពេញបំណង ដូនចាស់ អាយុ៧៣ឆ្នាំម្នាក់ ចង់បរិភោគអាហារឱ្យបានឆ្ងាញ់ៗខ្លះមុននិងស្លាប់ (មានវិដេអូ)

មនុស្សធម៍ ៖ ពិតជាគួរឱ្យអាសូរពន់ពេកក្រៃលោកអើយសូមបងប្អូនមេត្តាអាណិតអាសូរជួយដល់លោកយាយផង បេីតាមព្រះតេជគុណចិត្តធម៍ កក្កដា សុភ័ណ្ឌ មានសង្ឃដីការប្រាប់អោយដឹងនៅថ្ងៃទី២៥ ខែសីហា ឆ្នាំ២០១៧នេះថា លោកយាយ ខៀវ ឌី មានអាយុ ៧៣ឆ្នាំ រស់នៅម្នាក់ឯងនៅក្នុងខ្ទមធ្លុះធ្លាយ យ៉ាងកំសត់ពនពេកក្រៃ ដែលស្ថិតនៅក្នុងភូមិខ្លុយ ឃុំសូយោង ស្រុកបារាយណ៍ ខេត្តកំពង់ធំ។

ព្រះតេជគុណចិត្តធម៍ កក្កដា សុភ័ណ្ឌ

លោកយាយជាក្រមុំសៅកែ ធ្លាក់ខ្លួនពិការជើង តាំងតែពីក្មេង ហេីយថែមទាំងភ្នែកងងឹត ត្រចៀកថ្លង់ហើយស្ដាប់លែងសូវលឺហេីយ លោកយាយមិនដែលបានបរភោគអ្វីដែលឆ្ងាញ់ទេ បរិភោគតែប្រហុកបានដោយសារក្មួយគាត់នៅជិតខាងជាអ្នកជួយផ្តល់ឱ្យ នៅពេលខ្លះពេលក្មួយរបស់គាត់វរល់ទៅណាឆ្ងាយបាត់ ពេលខ្លះក៏ដេកអត់បាយក៏មានដែរ។ 

អាស្រ័យដូចនេះព្រះតេជគុណចិត្តធម៍ សោ​ភណសីលោ កក្កដា សុភ័ណ្ឌ មានចិត្តអាណិតសូមអំពាវនាវដល់បងប្អូនសប្បុរសធម៍នៅក្នុងប្រទេស និងក្រៅប្រទេស មេត្តាជួយឧបត្ថម្ភដល់លោកយាយផង ជាសម្ភារៈក្ដី និងថាវិការតាមសទ្ធាជ្រះថ្លារៀងៗខ្លួន និងជាពិសេសបំផុតនោះគឺលោកយាយចង់បរិភោគអាហារឱ្យបានឆ្ងាញ់ៗខ្លះមុននិងស្លាប់ទៅ ដោយក្ដីគោរពនិងអរគុណ😭 ។

ទាក់ទងមកព្រះតេជគុណចិត្តធម៍ កក្កដា សុភ័ណ្ឌ 
តាមរយៈទូរស័ព្ទលេខ 087313246

សូមទស្សនាវិដេអូដែលលោកយាយរៀបរាប់គួរអោយអាណិតខាងក្រោម ៖

ទាក់ទងមកព្រះតេជគុណចិត្តធម៍ កក្កដា សុភ័ណ្ឌ តាមរយៈទូរស័ព្ទលេខ 08731324
ដោយសេចក្ដីគោរពពី ពិភពចែករំលែក

ឡូយមែន! ថ្ងៃកំណេីតទៅធ្វេីអំពេីល្អ បរិច្ចាគឈាម ជូនបុណ្យកុសលអ្នកមានគុណ...!​

Facebook : ពិតជាគួរអោយចាប់អារម្មណ៍និងប្លែកចាប់ចិត្តមែនទែន បងស្រីស្អាតម្នាក់ ដែលមាន Account Facebook ឈ្មោះថា Angel Vevö នៅក្នុងឱកាសថ្ងៃខួបកំណេីតរបស់គាត់ខ្លួន បានទៅធ្វេីអំពេីល្អ ដោយបរិច្ចាគឈាម ហេីយជូនបុណ្យកុសលដល់អ្នកមានគុណទៀត!​ ពិតជាគួរអោយគោរពស្រលាញ់មែនទែន ដោយគាត់បានសរសេរថា "អគុណម៉ាក់ដែលបានផ្តល់កំណើតដល់កូន ការផ្តល់ឈាមថ្ងៃនេះ សូមបុណ្យដែលកូនបានធ្វើនេះបានដល់ម៉ាក់ អោយអាយុវែង សុខភាពល្អ 🙏 #Birthday #2017 " ។​

ពិភពចែករំលែក សូមចូលរួមរីករាយថ្ងៃកំណេីតផង បងស្រី Angel Vevö 😘

ពិភពចែករំលែក

Update: អគ្គិភ័យដែលឆេះផ្ទះពលរដ្ឋ នៅជិតផ្សារទួលសង្កែ ខណ្ឌឬស្សីកែវ បានរលត់ទៅវិញហើយ បំផ្លាញផ្ទះអស់៣ខ្នង, ប្រើឡានទឹក១០គ្រឿង!​

រាជធានីភ្នំពេញ ៖ អគ្គិភ័យដែលឆាបឆេះផ្ទះប្រជាពលរដ្ឋ នៅជិតផ្សារទួលសង្កែ សង្កាត់ទួលសង្កែ ខណ្ឌឬស្សីកែវ បានរលត់ទៅវិញទាំងស្រុងហើយ នៅវេលាម៉ោងប្រមាណជាង១០ព្រឹក ថ្ងៃទី២៥ ខែសីហា ឆ្នាំ២០១៧នេះ​ ដោយបានបំផា្លញផ្ទះ​៣ខ្នង ខណៈ​សមត្ថកិច្ចប្រើប្រាស់ រថយន្ដពន្លត់អគ្គិភ័យ​ចំនួន១០គ្រឿង ដើម្បី​អន្ដរាគមន៍ជួយសង្គ្រោះ។

មន្ដ្រីនគរបាលបានប្រាប់តាមបណ្ដាញអ្នកយកព័ត៌មាន Fresh News ឲ្យដឹងថា មូលហេតុដែលនាំឲ្យមានគ្រោះអគ្គិភ័យនេះ នៅមិនទាន់ដឹងច្បាស់នៅឡើយទេ បើទោះបីជាប្រភពខ្លះសង្ស័យ មកពីឆេះម៉ូតូ១គ្រឿង នៅខាងក្រោមផ្ទះក៏ដោយ។

គ្រោះអគ្គិភ័យនេះបានឆេះរាលទៅបំផ្លាញផ្ទះទាំងស្រុង១ខ្នង ដែលធ្វើពីឈើលើថ្មក្រោម រហូតទៅឆេះ២ខ្នងផ្សេងទៀត រងការខូតខាតផងដែរ ដោយគិតជាទឹកប្រាក់ខ្ទង់ម៉ឺនដុល្លារ។ 

យ៉ាងណាមិញ ជុំវិញរង្វង់ប្រតិបត្តិការជួយសង្គ្រោះនេះ ត្រូវបានសមត្ថកិច្ចបញ្ជាក់ថា បានប្រើប្រាស់រថយន្ដពន្លត់អគ្គិភ័យអស់ចំនួន១០គ្រឿង ដោយ៧គ្រឿង មកពីស្នងការដ្ឋាននគរបាលរាជធានីភ្នំពេញ និង៣គ្រឿងមកពីរដ្ឋបាលខណ្ឌជ្រោយចង្វារ ប៉ុន្ដែក្នុងគ្រោះថ្នាក់ដ៏កំណាចមួយនេះ មិនមានពលរដ្ឋណាម្នាក់រងនោះគ្រោះថ្នាក់នោះទេ៕