បាញ់សម្លាប់មនុស្ស២នាក់ សង្ស័យប្លន់យកម៉ូតូយ៉ាងសាហាវ (មានវិដេអូ)

ខេត្តបាត់ដំបង ៖ សាកសពមនុស្សប្រុសចំនួន២នាក់ ត្រូវបានគេប្រទះឃើញ បង្កឲ្យមានការ​ភ្ញាក់ផ្អើល​យ៉ាង​ខ្លាំង ដែលករណីប្រទះឃើញនេះ​ គឺនៅវេលា​ម៉ោង៧​ព្រឹក​ថ្ងៃ​ទី​១០ ខែកក្កដា ឆ្នាំ២០១៧នេះ ស្ថិត​ត្រង់​ចំណុច​ក្បាល​អាង​សំរោង ក្នុងភូមិ​កោះ​រាម ឃុំ​ខ្នាចរមាស ស្រុក​ប​វេ​ល ខេត្តបាត់ដំបង។

តាមសេចក្តីរាយការណ៍​បានឲ្យដឹងថា ជន​រង​គ្រោះ​ទាំង​២​នាក់​ ត្រូវ​បានគេស្គាល់ ​និង​ដឹង​ថាម្នាក់​​ឈ្មោះ ​ហួត ឈឿ​ង អាយុ ​៤៥​ឆ្នាំ ជា​អ្នក​គួ​ក​ជេរ​ម៉ូតូ និង​ម្នាក់​ទៀតឈ្មោះ​រិ​ទ្ធ ​​បានជិះ​ម៉ូតូ​ឌុបគ្នា​​​មក​ពីមើល​ម៉ូតូ​គេលក់ ​នៅ​កន្លែង​កើតហេតុ​ខាងលើ​​។ ជនរងគ្រោះទាំង​២​នាក់ ​មាន​ទី​លំ​នៅ​ក្នុងភូមិ​ជី​នាង ឃុំ​គោក​ឃ្មុំ ស្រុក​ថ្មគោល។

ចំពោះ​មូលហេតុ ត្រូវសមត្ថកិច្ច​ដាក់​ការ​សង្ស័យ​ជា​ករណី​ប្លន់​យកម៉ូតូ ព្រោះនៅមុនពេលកើតហេតុ គេ​បានឮ​ស្នូរ​សំឡេងគ្រាប់​កាំភ្លើង​​ផ្ទុះ ក្រោយមក​មាន​ពលរដ្ឋ​បាន​ដើរទៅ​ក្បែរកន្លែង​សំឡេង​ផ្ទុះ​នោះ ក៏​ប្រទះ​ឃើញ​សាកសព​ទាំង​២​នាក់​ និងបាន​បាត់​ម៉ូតូ​​​ទៀតផង​។

ទោះជា​យ៉ាងណា គិត​មក​ដល់​ត្រឹម​១០៖​១០​នាទី​ព្រឹក​ថ្ងៃ​ដដែល សមត្ថកិច្ច​ជំនាញ​កំពុង​ធ្វើ​កោសល្យវិច័យ​លើ​សាកសព ព្រោះ​​​ឃើញ​មាន​ស្នាម​គ្រាប់​កាំភ្លើង នៅលើសាកសព​ ដោយ​កំពុង​បើក​ការ​ស្រាវជ្រាវ​ដើម្បី​កំណត់​ថា ជា​ករណី​អ្វី​ពិត​ប្រាកដ។

ទស្សនាវិដេអូខាងក្រោម ៖

មេឆ្នោតជាស្រីស្អាត នៅភូមិក្រុងថ្មី សមត្ថកិច្ចមិនបង្ក្រាប?

រាជធានីភ្នំពេញ ៖ ខណៈដែលរដ្ឋាភិបាល បានហាមឃាត់មិនឲ្យមានល្បែងកន្ទុយ លេខនិងហ្គេមអនឡាញ ជាដើមនោះ ស្រាប់ តែមានការកត់កន្ទុយលេខ(ឆ្នោតយួន)លក់យ៉ាងអនាធិបតេយ្យនៅ ក្នុងរាជធានី ភ្នំពេញ ជាពិសេសក្នុងខណ្ឌ សែនសុខ សង្កាត់ភ្នំពេញថ្មី (ក្នុងភូមិក្រុងថ្មី ទើបតែចាប់កាលពីកន្លងទៅ)។ តែមន្ត្រីអាជ្ញាធរ និងសមត្ថកិច្ចខណ្ឌសែនសុខ មិនចាត់វិធានការទប់ស្កាត់ សកម្មភាពកត់ល្បែងកន្ទុយ លេខយួនដែលកំពុងកើតឡើងយ៉ាងរាលដាលនោះទេ គឺបណ្ដោយឲ្យបទល្មើសរាលដាលកាន់តែខ្លាំង។

ល្បែងឆ្នោតកន្ទុយលេខ កំពុងពេញនិយមខ្លាំង និងរីកសុះសាយ នៅទឺកដីខណ្ឌសែសុខ តែ សមត្ថកិច្ចមិន បង្ក្រាបឡើយ តែបើបង្ក្រាប គឺបង្ក្រាបដោយកន្លែតែប៉ុណ្ណោះ។ ជាយូរឆ្នាំណាស់មកហើយ ដែលគេឃើញ មេឆ្នោតកន្ទុយលេខ នៅចំណុចផ្ទះល្វែងលេខ១៨B ផ្លូវK4A សង្កាត់ទឹកថ្លា អាចប្រកបមុខ របររបស់ខ្លួន បានយ៉ាងរំភើយ ដោយមិនបានរំខានដល់សមត្ថកិច្ច ក្នុងខណ្ឌសែនសុខ កត្តានេះធ្វើឲ្យ ប្រជាពលរដ្ឋដាក់ ការសង្ស័យថា ជាឆ្នាំងបាយរបស់ មន្រ្តីខិលខូចទាំងអស់នោះហើយតាមមើលទៅ។

ក្រៅពីទីតាំងខាងលើកត់យ៉ាងអណាធិបតេយ្យ ល្បែងឆ្នោតកន្ទុយ លេខ(ឆ្នោតយួន)កុំពុងកត់យ៉ាង គឃ្លើន ខ្លះចាប់មួយចំអិនកំពិស ក៍ឃើញបើកកត់ធម្មតាវិញជាធម្មតា ជាក់ស្តែង(ក្នុងភូមិក្រុងថ្មី ទើបតែ ចាប់កាលពីកន្លងទៅ) និងភូមិត្រពាំងស្វាយ ក្រោយអធិការខណ្ឌ និងមូលដ្ឋានអាវុធហត្ថខណ្ឌតែម្តង ។ ស្តាយដដែលៗ នេះជាហេតុធ្វើឲ្យប្រជាពលរដ្ឋអស់សង្ឃឹមមិនដឹងថា គោល នយោបាយភូមិឃុំ មាន សុវត្ថិភាពស្ថិតនៅកន្លៀតណានោះទេ? ព្រោះថាសព្វថ្ងៃនេះ ពួកគាត់ពុំដែល ឃើញសមត្ថកិច្ច ប៉េអឹមណា ម្នាក់ចុះបង្ក្រាបលុបបំបាត់មេឆ្នោតកន្ទុយលេខ និងមេបនល្បែងភ្នាល់ស៊ីសង ជាច្រើនកន្លែងទៀតឲ្យមាន ប្រសិទ្ធិភាព ឬសាបរលាបម្តងណាឡើយ ។

ប្រភពពីប្រជាពលរដ្ឋ ដែលរស់នៅខណ្ឌសែនសុខបានរិះគន់យ៉ាងចំៗថា ល្បែងភ្នាល់ស៊ីសងល្បីពេញ ខណ្ឌ បង្កឲ្យអំពើរចោរកម្ម លួច ឆក់ ប្លន់ និង អំពើរហឹង្សាក្នុងគ្រួសារ កើតមានជាញឹកញាប់ នេះក៏ព្រោះ តែសមត្ថកិច្ចខណ្ឌ សែនសុខដើរយកប្រាក់ ដាក់ខែ រាប់រយរាប់ពាន់ដុល្លា ពីមេឆ្នោតនិងមេបនល្បែងដុះស្លែ ជាច្រើនកន្លែងក្នុងមួយ ខែៗ ដើម្បីធ្វើមានធ្វើបានមិនខ្វល់ពីតួនាទីនិងប្រទេសជាតិ ។


ទោះបីជាមានមតិជាច្រើន រិះគន់ចំៗក៏ពិតមែន ក៏ប៉ុន្តែប្រជាពលរដ្ឋ មួយចំនួនទៀត បានសំណូមពរដល់ នាយឧត្តមសេនីយ៍ជួន សុវណ្ណ ស្នងការរាជធានីភ្នំពេញ មេត្តាពិនិត្យមើល កូនចៅក្រោមឱវាទផង ក្រែង មានមន្ត្រីខិល ខូច ឃុបឃិតជាមួយពួកបទល្មើស បំផ្លាញកត្តិយសរបស់អង្គភាព និងធ្វើឲ្យភូមិឃុំគ្មាន សុវត្ថិភាព ប្រជាពលរដ្ឋរស់នៅទាំងភ័យព្រួយ ។

គួររំលឹកដែរថាពាក់ព័ន្ធករណីនេះលោក សុខ សុផល នាយប៉ុស្តិរដ្ឋបាលទឹកថ្លា ធ្លាប់ប្រាប់អោយដឹងថាៈ ខ្ញុំអត់ទាន់បានដឹង រឿងនេះនៅឡើយទេតែចាំចុះពិនិត្យមើល បើមានមែននឹងសុំ គោលការណ៍ពីថ្នាក់ លើបង្ក្រាប។

លោកវរៈសេនីយ៍ឯក ម៉ក់ ហុង អធិការនគរបាលខណ្ឌសែនសុខ បានឆ្លើយស្រដៀងគ្នានឹង លោកនាយ ប៉ុស្តិ៍ ដែរដោយលោកគ្រាន់តែសង្កត់ធ្ងន់ថាៈ បើលោកទទួលបានព័ត៍មាននេះ ពិតដឹងថាបើកកត់កន្ទុយ លេខ នឹងសុំគោលការណ៍តំណាងអយ្យការចុះបង្ក្រាប។ តើគ្រាន់តែសុំគោលការណ៍បង្ក្រាបល្បែងសោះ ត្រូវចំណាយពេលយូរយ៉ាងណា?

ប្រជាពលរដ្ឋ សំណូមពរដល់ លោក ប៉ឹល កុសល ដែលជាអភិបាលខណ្ឌសែនសុខ ក៏ដូចជាលោក វរៈសេនីយ៍ឯក ម៉ក់ ហុង អធិការនគរបាលខណ្ឌសែនសុខ គួរចាត់វិធានការទប់ស្កាត់ ករណីមេកន្ទុយ លេខនានាក្នុងខណ្ឌនោះផង ដើម្បីកុំឲ្យសកម្មភាពលក់ឆ្នោតយួនកើត ឡើងយ៉ាងអនាធិបតេយ្យ ត បែបនេះតទៅទៀត។ ប្រភពពី TNN

ញ៉ាក់សាច់! យកឡានសាំង បន្លំលួចដឹកឈើក្រញូង (មានវិដេអូ)

រាជធានីភ្នំពេញ ៖ នៅថ្ងៃទី០៧ ខែកក្កដា ឆ្នាំ២០១៧ កម្លាំងអាវុធហត្ថរាជធានីភ្នំពេញ បានធ្វើការស្រាវជ្រាវតាមដាន ស្វែងរករថយន្តដឹកប្រេង០១គ្រឿង ដែលប្រជាពលរដ្ឋបានរាយការណ៍ថា ជារថយន្តគួរឲ្យសង្ស័យខុសប្រក្រតី។ លុះដល់ពេលរសៀលសមត្ថកិច្ចអាវុធហត្ថរាជធានីភ្នំពេញ បានប្រទះឃើញ រថយន្តខាងលើ ចរាចរលើកំណាត់ផ្លូវជាតិលេខ៥ ត្រង់ចំណុចភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ ក៏ធ្វើការត្រួតពិនិត្យជាក់ស្តែង ឃើញថារថយន្តនេះ ពិតជាបានប្រព្រឹត្តល្មើសច្បាប់ ដោយលួចដឹកឈើក្រញូងជំនួសប្រេងសាំងបន្លំភ្នែកសមត្ថកិច្ចនិងមហាជនទូទៅ ក៏បានឃាត់យកមកកាន់ទីបញ្ជាការ កងរាជអាវុធហត្ថរាជធានីភ្នំពេញ និងសុំការអនុញ្ញាតពីលោក សៀង សុខ ព្រះរាជអាជ្ញារង អមសាលាដំបូងរាជធានីភ្នំពេញ បង្កើតគណកម្មការ ដោយមានការចូលរួមពី មន្ត្រីខណ្ឌរដ្ឋបាលព្រៃឈើភ្នំពេញ មន្ត្រីផ្នែករដ្ឋបាលព្រៃឈើចំការមន មន្ត្រីសង្កាត់រដ្ឋបាលព្រៃឈើដង្កោ និងសមត្ថកិច្ចកងរាជអាវុធហត្ថរាជធានីភ្នំពេញ ធ្វើការឆែកឆេរ រុះរើកំណាត់ឈើ រាប់និងថ្លឹង ជាលទ្ធផលទទួលបានគឺ រថយន្តម៉ាក HYUNDAI ពណ៌សលាយខៀវ មានស៊ីតែនចំណុះ៣៣០០លីត្រ ពាក់ស្លាកលេខ ភ្នំពេញ 3B-3538 មិនមានផ្ទុកប្រេងទេ តែលួចបង្កប់ឈើក្រញូង ចំនួន២៣១៥ដុំ ទម្ងន់២៤១០គីឡូក្រាម ។

បន្ទាប់ពីបានធ្វើកំណត់ហេតុត្រួតពិនិត្យចប់សព្វគ្រប់ នៅថ្ងៃទី០៨ ខែកក្កដា ឆ្នាំ២០១៧ សមត្ថកិច្ច អាវុធហត្ថរាជធានីភ្នំពេញ ក៏បានផ្ទេរសំណុំរឿងនិងវត្ថុតាង ប្រគល់ជូនសមត្ថកិច្ចជំនាញនៃរដ្ឋបាលព្រៃឈើ ដើម្បីបន្តនិតិវិធីតាមផ្លូវច្បាប់​។​

----------------------------------
ពិភពចែករំលែកដកស្រង់ពី : Phnom Penh Gendarmerie

ញាក់សាច់! អគ្គិភ័យឆាបឆេះរថយន្ដ ធុន ត្រា មួយ​គ្រឿងយ៉ាង​សន្ធោ​សន្ធៅ (មានវិដេអូ)

ខេត្តកណ្ដាល ៖ មានអគ្គិភ័យ​ឆាប​ឆេះ​រថយន្ដ​ ធុនត្រា មួយ​គ្រឿង យ៉ាង​សន្ធោ​សន្ធៅ ​បង្ក​ការ​ភ្ញាក់​ផ្អើល​ទាំង​ព្រឹក​ព្រលឹម​ នៅ​ក្នុង​ភូមិ​សាស្ដ្រ ស្រុក​អង្គ​ស្នួល​ខេត្ដ​កណ្ដាល​ ហេតុ​ការណ៍​នេះ​កើត​ឡើង​កាល​ពីវេលាម៉ោង ០៨.១៥នាទី​ព្រឹក ​ថ្ងៃ​ទី​១០​ ខែ​កក្កដា​ ឆ្នាំ​២០១៧ នេះ ស្ថិត​តាម​បណ្ដោយ​ផ្លូវ​ជាតិ​លេខ​៤ ភូមិបែកចាន ឃុំបែកចាន ស្រុក​អង្គ​ស្នួល ខេត្ដ​កណ្ដាល ។ ប្រភបព៌ត័មានពីកន្លែងកើតហេតុ បានឲ្យដឹងថា មានអគ្គីភ័យឆេះរថយន្ត១គ្រឿង ម៉ាក ធុនត្រា ពណ៌ស ពាក់ផ្លាកលេខភ្នំពេញ 2AN-6896 បើកបរដោយឈ្មោះ ឆឹម ឬទ្ធី ភេទប្រុស អាយុ ៣៨ឆ្នាំ នៅផ្ទះD ៥៤ ភូមិទួលគោក សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ ។​

រថយន្តដែលត្រូវអគ្គិភ័យឆាបឆេះខាងលេី បើកពីកើតទៅលិច ភ្នំពេញទៅព្រះសីហនុ មកដល់​ចំណុច​ខាងលើ ក៍ឆេះផ្នែកខាងក្រោយរថយន្ត។ 

មូលហេតុបណ្តាលមកពីឆ្លងទុយយោប្រេងសាំង រថយន្តខូចខាតទាំងស្រុង កម្លាំងអធិការដ្ឋាន និងប៉ុស្តិ ៣៥ នាក់ រថយន្តពន្លត់ អគ្គីភ័យស្រុក ចំនួន២គ្រឿង ប្រើប្រាសទឹកអស់ ០៤រថយន្ត ​។

ព័ត៌មាន​បន្ថែម​នឹងជម្រាបជូនពេលក្រោយ ប្រភពពី ជង្រុកព័ត៍មាន

ទស្សនាវិដេអូ ភ្លេីងឆេះរថយន្តយ៉ាងសន្ធោរសន្ធៅខាងក្រោមនេះ

ញ៉ាក់សាច់! យកឡានសាំង បន្លំលួចដឹកឈើក្រញូងត្រូវកម្លាំងកងរាជអាវុធហត្ថរាជធានីភ្នំពេញបង្ក្រាបបាន

រាជធានីភ្នំពេញ ៖ នៅថ្ងៃទី០៧ ខែកក្កដា ឆ្នាំ២០១៧ កម្លាំងអាវុធហត្ថរាជធានីភ្នំពេញ បានធ្វើការស្រាវជ្រាវតាមដាន ស្វែងរករថយន្តដឹកប្រេង០១គ្រឿង ដែលប្រជាពលរដ្ឋបានរាយការណ៍ថា ជារថយន្តគួរឲ្យសង្ស័យខុសប្រក្រតី។ លុះដល់ពេលរសៀលសមត្ថកិច្ចអាវុធហត្ថរាជធានីភ្នំពេញ បានប្រទះឃើញ រថយន្តខាងលើ ចរាចរលើកំណាត់ផ្លូវជាតិលេខ៥ ត្រង់ចំណុចភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ ក៏ធ្វើការត្រួតពិនិត្យជាក់ស្តែង ឃើញថារថយន្តនេះ ពិតជាបានប្រព្រឹត្តល្មើសច្បាប់ ដោយលួចដឹកឈើក្រញូងជំនួសប្រេងសាំងបន្លំភ្នែកសមត្ថកិច្ចនិងមហាជនទូទៅ ក៏បានឃាត់យកមកកាន់ទីបញ្ជាការ កងរាជអាវុធហត្ថរាជធានីភ្នំពេញ និងសុំការអនុញ្ញាតពីលោក សៀង សុខ ព្រះរាជអាជ្ញារង អមសាលាដំបូងរាជធានីភ្នំពេញ បង្កើតគណកម្មការ ដោយមានការចូលរួមពី មន្ត្រីខណ្ឌរដ្ឋបាលព្រៃឈើភ្នំពេញ មន្ត្រីផ្នែករដ្ឋបាលព្រៃឈើចំការមន មន្ត្រីសង្កាត់រដ្ឋបាលព្រៃឈើដង្កោ និងសមត្ថកិច្ចកងរាជអាវុធហត្ថរាជធានីភ្នំពេញ ធ្វើការឆែកឆេរ រុះរើកំណាត់ឈើ រាប់និងថ្លឹង ជាលទ្ធផលទទួលបានគឺ រថយន្តម៉ាក HYUNDAI ពណ៌សលាយខៀវ មានស៊ីតែនចំណុះ៣៣០០លីត្រ ពាក់ស្លាកលេខ ភ្នំពេញ 3B-3538 មិនមានផ្ទុកប្រេងទេ តែលួចបង្កប់ឈើក្រញូង ចំនួន២៣១៥ដុំ ទម្ងន់២៤១០គីឡូក្រាម ។

បន្ទាប់ពីបានធ្វើកំណត់ហេតុត្រួតពិនិត្យចប់សព្វគ្រប់ នៅថ្ងៃទី០៨ ខែកក្កដា ឆ្នាំ២០១៧ សមត្ថកិច្ច អាវុធហត្ថរាជធានីភ្នំពេញ ក៏បានផ្ទេរសំណុំរឿងនិងវត្ថុតាង ប្រគល់ជូនសមត្ថកិច្ចជំនាញនៃរដ្ឋបាលព្រៃឈើ ដើម្បីបន្តនិតិវិធីតាមផ្លូវច្បាប់។

----------------------------------
ពិភពចែករំលែកដកស្រង់ពី : Phnom Penh Gendarmerie