ទស្សនាកម្រងរូបភាពពិសេសៗ នៃព្រឹត្តិការណ៍អន្តរជាតិប្រចាំថ្ងៃចន្ទ ទី២៧ ខែមីនា ឆ្នាំ២០១៧!

(ពិភពលោក)៖ នៅថ្ងៃចន្ទដើមសប្តាហ៍ថ្មីនេះ ព្រឹត្តការណ៍អន្តរជាតិសំខាន់ៗជាច្រើនបានកើតមានឡើង មានទាំងព្រឹត្តិការណ៍ធម្មតា និងក្តៅគគុក។ ដូច្នេះសូមទស្សនាកម្រងរូបភាពសំខាន់ៗប្រចាំថ្ងៃទី១៧ ខែមីនា ឆ្នាំ២០១៧នេះ ដែលមានជាបន្តបន្ទាប់ដូចតទៅ៖ ១៖ ជុំវិញបាតុកម្មប្រឆាំងអំពើពុករលួយទ្រង់ទ្រាយ​ធំនៅម៉ូស្គូ រដ្ឋាភិបាលរុស្ស៊ី បានប្រកាសថ្កោលទោស​ខ្លាំងៗ និងអះអាងថា​បាតុករភាគច្រើន​ត្រូវគេជួល! ២៖ បាក់ផ្ទាំងទឹកកកនៅទីកន្លែងកម្សាន្តនៅភ្នំមួយកន្លែង ស្ថិតនៃភាគខាងជើង​ទីក្រុងតូក្យូ បណ្តាលឲ្យ​មនុស្សរាប់សិបនាក់ស្លាប់ និងរងរបួស! ប្រតិបត្តិការស្វែងរកមនុស្សបាត់ខ្លួនកំពុងបន្ត!  ៣៖ ទីក្រុង ប៉ាតាយ៉ា មានរហស្សនាមថា រដ្ឋធានីបម្រើផ្លូវភេទនៃពិភពលោក ដែលជារឿងឈឺក្បាលមួយ​សម្រាប់រដ្ឋាភិបាលថៃ ធ្វើការស្តារកេរ្តិ៍ឈ្មោះដ៏អាក្រក់នេះឡើងវិញ!  ៤៖ ទិដ្ឋភាពដ៏ស្រស់ត្រកាលនៃតំបន់ចំការល្បាក់ នៅជម្រាលភ្នំក្នុងក្រុង Xiaozhoushan របស់ ខេត្តស៊ីជាំង ភាគខាងកើតប្រទេសចិន។ ពេលបានឃើញភ្លាមក៏ធូរស្បើយអារម្មណ៍ និងចង់ស្គាល់ទីនោះ! ៥៖ ប្រធានាធិបតីបារាំងលោក Francois Hollande ត្រូវបានទទួលស្វាគមន៍ដោយប្រធានាធិបតីសិង្ហបុរី លោក Tony Tan Keng Yam ដែលជាដំណើរទស្សនកិច្ចរយៈពេលពីរថ្ងៃ ដើម្បីរឹតចំណង​មិត្តភាព! ៦៖ រដូវចេញផ្កាម៉ាក់ខៃ (ប៉េះ) នៅជុំវិញផ្លូវរថភ្លើងក្បែរមហាកំផែងចិន ក្នុងទីក្រុងប៉េកាំងពិតជាគួរឲ្យ​គយគន់ និងត្រជាក់ភ្នែកជាទីបំផុត! ៧៖ អាជ្ញាធរវៀតណាម សន្យាបង្កើនគុណភាពផលិតក្នុងស្រុក ជាពិសេសដោះស្រាយបញ្ហាគីមី ដើម្បីឆ្លើយតបនឹងការអស់ទំនុកចិត្តពីអតិថិជនក្នុងស្រុក! ប្រភពពី : Fresh News

ស្ត្រីគ្មានទីពឹង, ក្មេងមានបញ្ហាសតិអារម្មណ៍, ក្មេងកំព្រាត្រូវឳពុកម្ដាយបោះបង់ចោល ដែលវិទ្យុABC ទទួលយកមកស្នាក់នៅកំពុងកេីនឡេីង...!

រាជធានីភ្នំពេញ ៖ ប្រហែលជាមានមនុស្សមួយចំនួននៅតែស្អប់ នៅតែមិនចូលចិត្ត មិនអោយតម្លៃ មិនគោរព និងមិនបានដឹងសូម្បីតែទង្វេីល្អ របស់ស្ថាប័នមួយស្ថានីយ៍វិទ្យុABC ការលេីកឡេីងនេះជាការបង្ហាញពីការជួយសង្គមរបស់វិទ្យុABC មកអស់រយៈពេលជិត១០ឆ្នាំហេីយ បន្ទាប់ពីបានដឹងហេីយសូមមេត្តាអោយតម្លៃសកម្មភាពមនុស្សធម៍របស់ពួកគាត់ផង...

តេីលោកអ្នកដឹងទេថា ស្ថានីយ៍វិទ្យុABC បានទទួល ស្ត្រីគ្មានទីពឹង, ក្មេងមានបញ្ហាសតិអារម្មណ៍, ក្មេងកំព្រាត្រូវឳពុកម្ដាយបោះបង់ចោល ដែលវិទ្យុABC ទទួលយកមកស្នាក់នៅកំពុងកេីនឡេីង បេីគិតមកដល់ថ្ងៃទី២៦ ខែមីនា ឆ្នាំ២០១៧នេះ អ្នកមកដែកលកំពុងស្នាក់នៅវិទ្យុABC មាន ចំនួន ៣៨ នាក់ ដោយ ក្មេងស្រី ១០ នាក់, ក្មេងប្រុស ០៨ នាក់, ស្ត្រីគ្មានទីពឹងនិងមនុស្សចាស់ ១០នាក់,

រីឯអ្នកគ្រាន់តែមកស្នាក់នៅ សាលាសំណាក់ABC ច្រេីនជាង៦០០នាក់ហេីយ ដោយគ្រាន់តែស្នាក់នៅ បាយទឹក បណ្ណោះអាសន្ន នៅពេលដែលស្ថានីយ៍វិទ្យុABC បានប្រកាសរកសាច់ញាតិអ្នកដែលមកស្នាក់នៅបណ្ដោះអាសន្ន ហេីយបានរកឃេីញសាច់ញាតិ ឬក្រុមគ្រួសារនិងទាក់ទងអោយមកទទួលពួកគេនៅវិទ្យុABC និងអនុញាតិអោយទៅវិញជាមួយគ្រួសារសាច់ញាតិដោយមានការទទួលស្គាល់ត្រឹមត្រូវ និងអ្នកខ្លះទៀតABC បានជូនទៅកាន់ស្រុកកំណេីត នៅតាមបណ្ដាលខេត្តនានា នេះគឹវិទ្យុABC 107.5 FM 

នេះគ្រាន់តែមួយផ្នែក នៃវិទ្យុABCប៉ុណ្ណោះ

បេីមានអ្វីបន្ទាន់ៗ ឬត្រូវការសមត្ថកិច្ចចុះអន្តរាគមន៍ ត្រូវការឡានពេទ្យ ឡានពន្លត់អគ្គិភ័យ ប្រទះឃេីញ​មនុស្សវង្វេង ឬបាត់ក្មេង និងអ្វីបន្ទាន់ៗ អាចទាក់ទងមកវិទ្យុABC 010/012/070/077 23-10-10 និង 087 23-23-23

នេះគឺ ABC FB ជាទំព័រ  Facebook Page  ព័ត៌មានផ្លូវការរបស់ស្ថានីយ៍វិទ្យុABC កម្ពុជា 107.5 FM  This is official facebook page Hot News ABC Cambodia Family Radio Station 



បេីមានអ្វីបន្ទាន់ៗ ឬត្រូវការសមត្ថកិច្ចចុះអន្តរាគមន៍ ត្រូវការឡានពេទ្យ ឡានពន្លត់អគ្គិភ័យ ប្រទះឃេីញ​មនុស្សវង្វេង ឬបាត់ក្មេង និងអ្វីបន្ទាន់ៗ អាចទាក់ទងមកវិទ្យុ ABC តាមរយៈលេខទូរស័ព្ទ ABC 010/012/070/077 23-10-10 និង 087 23-23-23 


ស្ថានីយ៍វិទ្យុ ABC កម្ពុជា 107.5 FM វិទ្យុប្រត្តិកម្មបន្ទាន់ និង Talk Show ដំបូងគេបង្អស់នៅកម្ពុជា 😇 ចូលរួមគ្រប់បញ្ហាសង្គមដើម្បីការអភិវឌ្ឍន៍ និង រីកចំរើន។ ដោយក្ដីគោរពពីABC 👉facebook.com/ABCcambodiafamily

ក្រុមការងារវិទ្យុABC ចូលរួមរំលែកទុក្ខចំពោះគ្រួសារសពស្ត្រីម្នាក់ ដែលត្រូវបានរថយន្តកុងទីន័របុកកិនស្លាប់យ៉ាងអាណោចអាធម៏នៅលេីផ្លូវវេងស្រេង សពកំពុងតម្កល់ធ្វេីបុណ្យ នៅវត្តសំបួរមាស

រាជធានីភ្នំពេញ ៖ នៅវេលាព្រឹកថ្ងៃទី២៦ ខែមីនា ឆ្នាំ២០១៧នេះ ក្រុមការងារវិទ្យុABC កញ្ញា វីន និងលោកភក្ដី បានទៅចូលរួមបុណ្យសពស្ត្រីម្នាក់ កំពុងធ្វេីបុណ្យនៅវត្តសំបួរមាស ដែលត្រូវបានរថយន្តកុងទីន័រ បុកកិនម៉ូតូជនរងគ្រោះ ម៉ាកសង់ដ្រីម C125 ពាក់ស្លាកលេខ ភ្នំពេញ 1FK-7492 បណ្ដាលអោយស្លាប់យ៉ាងអាណោចអាធម៏នៅលេីផ្លូវវេងស្រេង ហេីយរថយន្តបង្កបានបេីករត់គេចបាត់ កាលពីវេលាម៉ោង១២៖៣០នាទីរំលងអាធ្រាត្រ ឈានចូលថ្ងៃទី២៦ ខែមីនា ឆ្នាំ២០១៧នេះ ។  ខណៈនេះក្រុមការងារវិទ្យុABC បានសម្ដែងការគោរពនិងចូលរួមរំលែកទុក្ខដ៏ក្រៀមក្រំចំពោះគ្រួសារក្រុមស្ត្រីរងគ្រោះផងដែរ។ ហេតុការណ៍គ្រោះថ្នាក់ចរាចរណ៍ដ៏រន្ធត់នេះ បានកើតទ្បើងនៅវេលាម៉ោង១២៖៣០នាទីរំលងអាធ្រាត្រ ឈានចូលថ្ងៃទី២៦ ខែមីនា ឆ្នាំ២០១៧នេះ តាមបណ្ដោយផ្លូវវេងស្រេង ទល់មុខ បញ្ជាការដ្ឋានកងរាជអាវុធហត្ថរាជធានីភ្នំពេញ កែងច្រមុះជ្រូកស្ទឹងមានជ័យ សង្កាត់មានជ័យ ខណ្ឌមានជ័យ ភ្នំពេញ ដែលបណ្តាលឲ្យស្ត្រីកម្មការនីម្នាក់ ស្លាប់យ៉ាងអាណោចអាធមបំផុតដោយខ្លួនដាច់ជាពីរជាបីកំណាត់។ Update : សមត្ថកិច្ចបានរកឃើញរថយន្ត ដែលបានបើកបុកម៉ូតូ និងកិនកម្មការនីម្នាក់ ដាច់ខ្លួនជាច្រើនកំណាត់ហេីយ ជារថយន្តកុងទីន័រដឹកអុស អោយរោងចក្រ SL ១ ស្ថិតនៅសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។ ម៉ូតូជនរងគ្រោះ ម៉ាកសង់ដ្រីម C 125 ពាក់ស្លាកលេខ ភ្នំពេញ 1FK-7492 ចំណែកឯរថយន្តបង្កម៉ាកហ៊ីយុនដាយ ពណ៌ខៀវលាយត្រីអ៊ី គ្មានស្លាកលេខ និងមិនស្គាល់អត្តសញ្ញាណអ្នកបើកទេ។ បេីតាមក្រុមការងារវិទ្យុABC បានសាកសួរ បុរសដែលជាប្ដីនារីរងគ្រោះ បានប្រាប់ថា នារីរងគ្រោះមានឈ្មោះ សុខ វណ្ណ ធ្វើការនៅរោងចក្រ W& D Cambodia CO, LTD ផ្នែកផុង អត្តលេខ ៥០៣ និងមានកូន២នាក់ ប្រុស១នាក់ ស្រី១នាក់។  សពរបស់នារីរងគ្រោះ ត្រូវបានប្តី និងសាច់ញាត្តិ យកទៅតម្កល់ធ្វើបុណ្យតាមប្រពៃណីនៅឯវត្តសំបួរមាស។ ចំណែករថយន្តបង្កត្រូវបានសមត្ថកិច្ចស្រាវជ្រាវ ស្វែងរកឃេីញហេីយ ៕៚

By : World Share ប្រភពពី Page : ABC FB

ការសែតភ្នំពេញប៉ុស្តិ៍ចេញផ្សាយមិនត្រឺមត្រូវ ថា "ស្វែង សុជាតា លក់ថ្នាំផ្តាច់គ្រឿងញៀន ដោយប្តីក្មេងជាគ្រូឱសថ" ត្រូវបានក្រសួងសុខាភិបាល ចេញប្រកាសព័ត៍មាន ថា មិនមានមូលដ្ឋានច្បាស់លាស់

ការផ្សព្វផ្សាយមិនត្រឺមត្រូវតាមការសែតភ្នំពេញប៉ុស្តិ៍ក្រោមចំណងជើងថា "ស្វែង សុជាតា លក់ថ្នាំផ្តាច់គ្រឿងញៀន ដោយប្តីក្មេងជាគ្រូឱសថ" ៖ ក្រសួងសុខាភិបាល សូមជម្រាបជូនសាធារណៈជនទាំងអស់ឲ្យបានជ្រាប ថា ការផ្សព្វផ្សាយ តាមកាសែតភ្នំពេញប៉ុស្តិ៍ នៅថ្ងៃទី២៤ ខែមីនា ឆ្នាំ២០១៧ ក្រោមចំណង ជើងថា "ស្វែង សុជាតា លក់ថ្នាំផ្តាច់គ្រឿងញៀនផ្សំ ដោយប្តីក្មេងជា គ្រូឱសថ "ព្រមទាំងបានបញ្ជាក់ថា ឱសថនេះ ផ្សំឡើង ពីឬសឈើ ពីវល្លិ៍ និងប្រទាល ដែលមាននៅតែក្នុងព្រៃភ្នំ មានប្រសិទ្ធិភាព ខ្លាំង មិនត្រឹម អាចផ្តាច់គ្រឿងញៀននោះតែម្យ៉ាងនោះទេ គឺមាន ប្រសិទ្ធិភាពច្រើនមុខ ទៀត" ដែលការផ្សព្វផ្សាយនេះ មិនមានមូលដ្ឋាន បច្ចេកទេសវិទ្យាសាស្ត្រ ច្បាស់លាស់ឡើយ។  សូមអានខ្លឹមសារដើមទាំងស្រុងនៃ សេចក្តីជូនព័ត៌មានរបស់ ក្រសួង សុខាភិបាល ភ្ជាប់មកជាមួយខាងក្រោមនេះ ៖