➤ពិភពចែករំលែក World Share ~ Blogger Network Social News Update ⇧
រាជធានីភ្នំពេញ ៖ កាលពីវេលាម៉ោង២០:០០នាទីយប់ ថ្ងៃទី១៦ ខែកក្កដា ឆ្នាំ២០១៧ នៅផ្លូវជាតិលេខ២ ភូមិក្រាំងស្វាយ សង្កាត់ព្រែកកំពឹស មានករណីលួច (ឆក់កាបូប) បង្កដោយជនសង្ស័យ០៣នាក់ឈ្មោះ ស៊ីកេត រ័ត្នថាណាល់ ភេទប្រុស អាយុ១៨ឆ្នាំ ជាសិស្ស ស្នាក់នៅផ្ទះគ្មានលេខ ភូមិដើមមៀន ក្រុងតាខ្មៅ ខេត្តកណ្តាល និងបក្ខពួក០២នាក់ទៀត (គេចខ្លួន), ជិះម៉ូតូម៉ាក HONDA C125 ពណ៌ទឹកមាស ស្លាកលេខកណ្តាល 1V-1871បានឆក់យកកាបូបមានទូរស័ព្ទដៃ០១គ្រឿង និងប្រាក់ដុល្លារ ៣៧០ដុល្លារ របស់ឈ្មោះ រឿន ពិសិដ្ឋ ភេទប្រុស អាយុ៣២ឆ្នាំ មុខរបរលក់ដូរ ស្នាក់នៅផ្ទះគ្មានលេខ ភូមិស្លាបតាអោន ឃុំគគីរ ស្រុកកៀនស្វាយ ខេត្តកណ្តាល។ ត្រូវសមត្ថកិច្ចឃាត់ខ្លួនបានជនសង្ស័យ០១នាក់, ដើម្បីកសាងសំណុំរឿង បញ្ជូនទៅតុលាការ និង ដកហូតម៉ូតូ ០១គ្រឿងរបស់ជនសង្ស័យ ជិះធ្វើសកម្មភាព,ដោយឡែក កាបូបលុយរបស់ជនរងគ្រោះ ត្រូវបក្ខពួកជនសង្ស័យ០២នាក់ទៀត យកគេចខ្លួនទៅបាត់។
➤ពិភពចែករំលែក World Share ~ Blogger Network Social News Update ⇧
