ឆក់​ម្ដងបាន​ញ៉ាម! លើកនេះឆក់​ប៉ះ​ស្រី​ស្អាត អស់​លក្ខណ៍!

➤ពិភពចែករំលែក World Share - Blogger Network Social News Update ⇧

រាជធានីភ្នំពេញ ៖ កាលពីវេលាម៉ោង១១:០០នាទីព្រឹក ថ្ងៃទី២៣ ខែកក្កដា ឆ្នាំ២០១៧នេះ កម្លាំងអធិការដ្ឋាន នគរបាលខណ្ឌឬស្សីកែវ ឃាត់ខ្លួនជនសង្ស័យចំនួនពីរនាក់ ករណីឆក់កាបូបលុយ នៅចំនុចផ្លូវជាតិលេខ៥ ក្រុមទី៧ ភូមិសាមគ្គី សង្កាត់ឬស្សីកែវ។

ជនសង្ស័យចំនួនពីរនាក់ ដែលកំលាំងល្បាតខណ្ឌប៉ុស្តិ៍បានឃាត់ខ្លួនខាងលើ ទី១ ឈ្មោះ ហេង សំបូរ ភេទប្រុស អាយុ២៨ឆ្នាំ មានទីលំនៅផ្ទះលេខ២៣ ផ្លូវ២៩២ សង្កាត់បឹងកេងកង១ ខណ្ឌចំការមន ក្រុងភ្នំពេញ មុខរបរកម្មករសំណង់ (ជាអ្នកបើកម៉ូតូ និងឆក់) និងទី២ឈ្មោះ ចាន់ វិសាល ភេទប្រុស អាយុ២០ឆ្នាំ មានទីលំនៅផ្ទះលេខ៥៥ ផ្លូវបេតុង ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ ភ្នំពេញ មុខរបរកម្មករសំណង់ (ជាអ្នកជិះពីក្រោយ) មធ្យោបាយធ្វើសកម្មភាព ម៉ូតូម៉ាកនិច សេរីឆ្នាំ២០១៦ ពណ៌ស ពាក់ស្លាកលេខភ្នំពេញ1GB-9189 ។

ជនរងគ្រោះឈ្មោះ ម៉ម ស្រីរ័ត្ន ភេទស្រី អាយុ២៤ឆ្នាំ មានទីលំនៅផ្ទះលេខ១២៥ ផ្លូវបេតុង ក្រុម១៤ ភូមិសាមគ្គី សង្កាត់ឫស្សីកែវ ខណ្ឌឫស្សីកែវ ភ្នំពេញ មុខរបរនៅផ្ទះ។ សំភារៈដកហូតរួមមាន កាបូបដៃមួយ នៅក្នុងកាបូបមាន ប្រាក់ដុល្លាចំនួន ១៨៦ដុល្លា ប្រាក់រៀលចំនួន ៤៥៥០០ រៀល និងម៉ូតូមួយគ្រឿង។

ផ្នែកជំនាញខណ្ឌ ប៉ុស្តិ៍ កំពុងធ្វើការសាកសួរយកចម្លើយ ស្រាយជ្រាវរកបក្សពួក និងបទល្មើសកន្លងមក កសាងសុំណុំរឿងបញ្ចូនទៅសាលាដំបូងរាជធានីភ្នំពេញ ដើម្បីអនុវត្តន៍ទៅមាននិតីវិធី។