អញ្ជើញទៅការ ឬបុណ្យកុំសំញ៉ែងពេក សំណាងហើយគេជួយទាន់ កុំអី….!
រាជធានីភ្នំពេញ ៖ ជនសង្ស័យម្នាក់ត្រូវបានកម្លាំងប្រជាការពារខណ្ឌសែនសុខបានធ្វើការដេញចាប់ប្រសាចពេញថ្នល់ដោយសារតែបក្ខពួកជនសង្ស័យមានគ្នាច្រើនចុងក្រោយគឺចាប់បានម្នាក់ដែលរត់មិនរួចហើយត្រូវបានប្រជាពលរដ្ឋវៃទ្រោមខ្លួនប្រគល់អោយសមត្ថកិច្ច។ ហេតុការណ៍នេះ កើតឡើងនៅវេលាម៉ោង ២១និង៣០នាទីយប់ថ្ងៃទី៨ ខែឧសភា ឆ្នាំ២០១៧ ចំនុចក្បែរសួនសុបិន្តចំការព្រីង សង្កាត់ក្រាំងធ្នង់ ខណ្ឌសែនសុខ។
ប្រភពព័ត៌មានពីកម្លាំងប្រជាការពារខណ្ឌសែនសុខ៣ បានអោយដឹងថាមុនពេលកើតហេតុត្រង់ចំនុចកើតហេតុមានកម្មវិធីអាពាហ៍ពិពាហ៍ដែលបានសាងសង់រោងតាមបណ្ដោយផ្លូវ២០១១ ខណះពេលមានស្ដ្រីម្នាក់បានយួរកាបូបចេញពីចូលរួមពិធីអាពាហ៍ពិពាហ៍នោះស្រាប់តែមានក្រុមក្មេងរើសអេតចាយមួយក្រុមមានគ្នា៥នាក់ ដោយឃើញឱកាសល្អក៍បានរត់មកឆក់កាបូប ពីស្ដ្រីរងគ្រោះនោះតែមិនបានសំរេច ព្រោះភ្លាមៗនោះកម្លាំងប្រជាការពារខណ្ឌសែនសុខ៣នាក់ បាននាំគ្នារត់ដេញចាប់ក្រុមចោរឆក់រត់ទាំងនោះរហូតដល់ផ្លូវ១២៨គ្រួសារកែងនិងផ្លូវ២០១១ ក៍ត្រូវបានប្រជាជនជួយចាប់ជនសង្ស័យបានម្នាក់ដែលរត់ក្រោយគេ និងវាយរហូតបែកមាត់ចេញឈាមទើបប្រគល់អោយសមត្ថកិច្ចមូលដ្ឋានយកទៅសាកសួរបន្ត។
សមត្ថកិច្ចអោយដឹងថាជនសង្ស័យខាងលើមានឈ្មោះ ចាន់ ថាវី ភេទប្រុស អាយុ១៦ឆ្នាំ មុខរបរមិនពិតប្រាកដ ស្នាក់នៅភូមិតាងួន សង្កាត់កាកាប ខណ្ឌពោធិ៍សែនជ័យ។
បច្ចុប្បន្នជនសង្ស័យខាងលើកំពុងកសាងសំណុំរឿងបញ្ជូនយកទៅកាន់អធិការដ្ឋានខណ្ឌសែនសុខរងចាំការចាត់ការតាមនីតិវិធី ៕
ប្រភពពី ៖ TNN