រាជធានីភ្នំពេញ ៖ កម្លាំងនគរបាលជំនាញខណ្ឌ និងប៉ុស្តិ៍ បានចុះបង្ក្រាបជាក់ស្តែង ករណីជួញដូរ និងប្រើប្រាស់សារធាតុញៀន ដោយបានឃាត់ខ្លួនជនសង្ស័យ៣នាក់ កាលពីរសៀល ថ្ងៃទី៤ ខែធ្នូ ឆ្នាំ២០១៧ នៅចំណុចផ្លូវជាតិលេខ៥ ក្រុម១ ភូមិក សង្កាត់ច្រាំងចំរេះ២។
ជនសង្ស័យដែលសមត្ថកិច្ចឃាត់ខ្លួនទី១.ឈ្មោះ ចាន់ ហុង ភេទប្រុស អាយុ២១ឆ្នាំ ជនជាតិវៀតណាម (ជួញដូរ) ទី២.ឈ្មោះ ង្វៀង យាំងម៉េវ ភេទប្រុស អាយុ១៨ឆ្នាំ ជនជាតិវៀតណាម (ប្រើប្រាស់) និងទី៣.ឈ្មោះ ង្វៀង យាំងសឺ ភេទប្រុស អាយុ២១ឆ្នាំ ជនជាតិវៀតណាម(ប្រើប្រាស់)។ ជនសង្ស័យទាំង៣នាក់នេះ មានទីលំនៅផ្ទះគ្មានលេខ ក្រុម១ ភូមិ.ក សង្កាត់ច្រាំងចំរេះ២។
ជាមួយការឃាត់ខ្លួននេះដែរ សមត្ថកិច្ចបានដកហូតថ្នាំញៀនប្រភេទម្សៅក្រាមពណ៌សថ្លា៣កញ្ចប់ និងឧបករណ៍សម្រាប់ប្រើប្រាស់ថ្នាំញៀនមួយចំនួនទៀត។
ក្រោយឃាត់ខ្លួន សមត្ថកិច្ចបានកសាងសំណុំរឿង បញ្ជូនទៅសាលាដំបូងរាជធានីភ្នំពេញ ដើម្បីអនុវត្តបន្តតាមនីតិវិធី៕
