ខេត្តបន្ទាយមានជ័យ ៖ គ្រោះថ្នាក់ចរាចរណ៍ក្រឡាប់ថយន្ដក្រុងក្រុមហ៊ុនដឹកអ្នកដំណើរ វីរៈប៊ុនថាំ បណ្តាលឲ្យ ជនបរទេស ៧នាក់ រងរបួសធ្ងន់ស្រាល
ហេតុការណ៍នេះបានកើតឡើងនៅតាមបណ្តាយផ្លូវជាតិលេខ៥ ខាងកើតស្ថានីយ៍ជញ្ជើងថ្លឹងរថយន្ត ក្នុងភូមិនិមិត្តថ្មី សង្កាត់និមិត្ត ក្រុងប៉ោយប៉ែត នារសៀលថ្ងៃទី៨ ខែឧសភា ឆ្នាំ២០១៧ តាមប្រភពពីកន្លែងកើតហេតុបានអោយដឹងថា ករណីខាងលើនេះបានកើតឡើង ដោយសារតែរថយន្តតូច បើកចេញពីផ្លូវលំ បុករថយន្តក្រុង កំពុងបើកបរ លើផ្លូវជាតិ៥ ទើបបង្ករថយន្តក្រុងខាងលើនេះ ធ្លាក់ផ្លូវក្រឡាប់តែម្តង និងបណ្តាលឲ្យរបួស ជនជាតិបរទេសចំនួន៧នាក់ក្នុងនោះ មានស្រី៤នាក់ ប្រុស៣នាក់ ធ្ងន់ស្រាល តែមិនបង្កឲ្យជនបរទេសណាម្នាក់ ស្លាប់ក្នុងហេតុការណ៍នេះទេ។
