រាជធានីភ្នំពេញ ៖ តាមសេចក្ដីរាយការណ៍ពីអ្នកឃេីញហេតុការណ៍ផ្ទាល់បានប្រាប់ឲ្យវិទ្យុABC ដឹងថា មានករណីផ្ទុះបំពង់ឧស្ម័ននៅក្នុងរោងចក្រមួយកន្លែង បណ្ដាលឲ្យមានក្លិនស្អុយខ្លាំង ខណៈនេះមានកម្មករកម្មការនីច្រើននាក់ កំពុងភ័យស្លន់ស្លោ រត់ប្រសេចប្រសាចចេញមកខាងក្រៅរោងចក្រមួយកន្លែង នៅម្ដុំបុរីពិភពថ្មី ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ នៅវេលាម៉ោង០៨៖២០នាទីព្រឹក ថ្ងៃទី៣១ ខែឧសភា ឆ្នាំ២០១៧នេះ។
ក្រោយពីបំពង់ផ្ទុះលាន់លឺយ៉ាងខ្លាំងហេីយ មានផ្សែងហុយសាយភាយចេញមកក្រៅហើយនោះ កម្មករកម្មការនី និងប្រជាពលរដ្ឋ នៅជុំវិញជាច្រើននាក់ បាននាំគ្នារត់ចេញ ដោយសារតែពួកគេបានធុំក្លិនស្អុយ និងថប់ដង្ហើម។ ទោះជាយ៉ាងណាពេលនេះ មានសមត្ថកិច្ចបានចុះទៅទីតាំងកេីតហេតុហេីយ ប៉ុន្តែមូលហេតុមិនទាន់បញ្ជាក់ប្រាប់ឲ្យដឹងនៅឡើយទេ៕
មានអ្វីបន្ថែមABCនិងជម្រាបជូនបន្ត
បេីមានអ្វីបន្ទាន់ៗ ឬត្រូវការសមត្ថកិច្ចចុះអន្តរាគមន៍ ត្រូវការឡានពេទ្យ ត្រូវការឡានពន្លត់អគ្គិភ័យ ប្រទះឃេីញមនុស្សវង្វេង ឬបាត់ក្មេង និងអ្វីបន្ទាន់ៗ អាចទាក់ទងមកវិទ្យុABC (24ម៉ោង) តាមលេខទូរស័ព្ទ 010231010 / 012231010 / 070231010 / 077231010 និង 087232323