ទូលព្រះបង្គំ អាចារ្យ អេ និងបុគ្គលិកក្រុមការងារទាំងអស់នៃស្ថានីយ៍វិទ្យុABC សូមថ្វាយព្រះពរ ព្រះករុណាជាអម្ចាស់ជីវិតលើត្បូង និង សម្ដេចព្រះមហាក្សត្រី ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ឆ្នាំរកា

ក្នុងឱកាស ពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំរកា នព្វស័ក ព.ស ២៥៦១ គ.ស ២០១៧នេះ ទូលព្រះបង្គំ សេង ប៊ុនវេង (អាចា្យ អេ) អគ្គនាយកស្ថានីយ៍វិទ្យុABC កម្ពុជា ១០៧.៥ FM (ប្រត្តិកម្មបន្ទាន់) និងភរិយា ព្រមទាំងនាយកគ្រប់គ្រងសាលាបង្រៀនបេីកបរ ២៣តុលា និងបុគ្គលិកក្រុមការងារគ្រប់ផ្នែកទាំងអស់នៃស្ថានីយ៍វិទ្យុABC សូមព្រះបរមរាជានុញ្ញាតសម្ដែងនូវអំណរសាទរឥតឧបមា ចូលរួមថ្វាយព្រះសព្ទសាធុការពរជ័យ បវរសួស្ដី សិរីវឌ្ឍនា វិបុលសុខ មហាប្រសើរថ្វាយជូន ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្ដេចព្រះមហាក្សត្រី នរោត្ដម មុនិនាថ សីហនុ ព្រះវរាជមាតាជាតិខ្មែរ ទ្រង់មានព្រះកាយពលមាំមួន ព្រះបញ្ញាញាណវាងវៃ ព្រះរាជសុខភាព ល្អបរិបូរណ៍ ព្រះជន្មាយុយឺនយូរ ដើម្បីគង់ប្រថាប់ជាម្លប់ដ៏ត្រជាក់ត្រជុំដល់ប្រជារាស្ត្រ ទូទាំងប្រទេស ជានិច្ចនិរន្តន៍តរៀងទៅ។
ឆ្លៀតឱកាសដ៏វិសេសថ្លៃថ្លានេះ ទូលព្រះបង្គំជាខ្ញុំទាំងអស់សូមបួងសួងដល់គុណព្រះរតនត្រ័យ វត្ថុស័ក្ដិសិទ្ធិ ទាំងអស់ក្នុងលោក និងទេវតារក្សាព្រះរាជាណាចក្រកម្ពុជា ជាពិសេសទេវតាឆ្នាំថ្មី ឆ្នាំរកា នព្វស័ក ព.ស ២៥៦១ ព្រះនាម កិមិរាទេវី សូមព្រះអង្គតាមជួយបីបាច់ថែរក្សា ព្រះករុណាជាអម្ចាស់ជីវិតលើត្បូង និងសម្ដេចព្រះមហាក្សត្រី ព្រះវររាជមាតាជាតិខ្មែរ ព្រះអង្គទ្រង់ប្រកបដោយព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជាភិយ្យោភាពតរៀងទៅ។

សូមព្រះបរមរាជានុញ្ញាតទូលថ្វាយពី ទូលព្រះបង្គំ សេង ប៊ុនវេង (អាចា្យ អេ) អគ្គនាយកស្ថានីយ៍វិទ្យុABC កម្ពុជា ១០៧.៥ FM (ប្រត្តិកម្មបន្ទាន់) និងភរិយា ព្រមទាំងនាយកគ្រប់គ្រងសាលាបង្រៀនបេីកបរ ២៣តុលា និងបុគ្គលិកក្រុមការងារគ្រប់ផ្នែកទាំងអស់នៃស្ថានីយ៍វិទ្យុABC